Beliebte Verse in MÁFIYU 19

Teilen

Jísu i ti beléni, i ɣɛ ti w̃a, “Ná áá gɛ́ɛ́lɛ nuu búsa wa, ɛi holowo, kɛ́ ná áá gɛ́ɛ́lɛ Ngalá mbá, faa kpɛ́lɛɛ aa holowo.”

Aáva tɛí mɔ́ɔ́ ɣɛ ngáá nuu félengɔ, kɛ́ núu yílaa kpé. Faalɔ, sí Ngalángi í kpahangɔ́ su, nuu álaa ti lówah̃u kɔ́lɛ.”

Jísu i ngapótei, i ɣɛ ta, “Wáá nɛ́ɛ́ sí gúlani í Ngala Kɔ́lɔi h̃u í ɣɛ́ngɔ ta tɔkúla heimai wɔ́lɔ Ngalá ngí nungáitii kpatɛí, siỹɛ́ni ngaa ỹah̃á? Aáva Ngalá ngi ndengɔ́, i ɣɛ ta, ‘Ná hááw̃a, siỹɛ́ngi aa gula ngi kɛ́ɛ́ɣɛni ngaa ngi njéé ti vɛ́lɛi wu, í báha ngi ỹáh̃ai wa, ti félengɔ ti ɣɛ́ ngáá nuu yílaa’?

Kɛ́ Jísu i ɣɛi ta, “A bé ndopóaitii mba ti vá ngéle, a waá ti h̃úúhou, sífaa Ngalángi w̃ásandai lɔ nungáá w̃ááh̃u ti ɣɛ kíli í ngáá ndopoá ɣɛ kíli.”

Kɛ́ sítii kpih̃íw̃aa ti ngáá tɔwɔ́ mbá yélaa taá ɣɛ́ ngáá tɔwɔ́ mbá lála yélaa, aáva sítii kpih̃íw̃aa va ti ngáá tɔwɔ́ mbá lála yélaa, tiyá lɔ́ taa ɣɛ́ ngáá tɔwɔ́ mbá yélaa.”

Kɛ́ nuí fíli áá volú yafé ngi vɛ́lɛitii mba, ɔɔ ngi ndéɣeni ɔɔ ngi ndíyani mba, kpahangɔ́ ngi njééni ngaa ngi kɛ́ɛ́ɣɛ wa, ɛ́ɣɛ ngi léngaitii kpahangɔ́ ngi báálaitii mba nyá fááw̃a, maa w̃ɔ́i aa kɛɣɛ́laitii maahɔ́lɔ í w̃ɔ́luma ká ka, aáva aa kúnafɔ lɛ́ɛ́h̃ui w̃ááhɔlɔ.

Kɛ Jísu i ɣɛa ma, “Ná wɔ́lii yáá ɣɛ́ lói yí fái kpɛ́lɛɛ kɛ́ péle w̃a, lí sí kpɛ́lɛɛ í í yáa yí mááɣɛ, yí maa náholoi hé nyaani yélaitii ngeyá. Ná yáá ná ɣɛ́, kpatɛ́ yandɔ́ɔ́lɔngɔ aa ɣɛ lá náa í hááw̃a ngelegóóh̃u. Ná vólu, vá, yí ɣɛ́ ngáá pólu w̃ɔ́ɔ.”

Kɛ́ Jísu i ngoo yápoteni, i ɣɛ ma, “Ndeénii le yáá mɔ́ɔ́ni ngáá bɛɛ́ lɔ pangɔ́i? Kɛ nɔ́ɔ léi Ngalá ngílaa kpé pangɔ́. Ná yáá ɣɛ́ lói yí kúnafɔ lɛ́ɛ́h̃ui w̃ááhɔlɔ, hítɛ Ngala sávaitii polú.”

Ngí ndé wú w̃á mɔ́ɔ vólu, naa bangɔ́ɔ́ lé kpatɛ w̃ɔ́i í ɣɛ́ Ngalángi w̃ásandai wu í lɔ́ve sí wa nyɔ́ɔ́mai áá wála sɛɛgulángi wolí h̃u.”

Kɛ́ ngí nde wú w̃á, kɛ léi nyah̃ái í ɣɛ́ kɔlɔsiyá mbóngɔ, kɛ́ ná láá lé, siỹɛ́ngi fíli áá bééle ngi ỹáh̃ai wa háwu veka fíli fááw̃a, ná áá nyáh̃a véka yeɣé, kɛ i kɔlɔsiyá mbónga.”

Kɛ Jísu i ɣɛa volú yélaitii ma, “Ngí tɔɔỹái le wú w̃á, naa bangɔ́ɔ́ lé ngáá kpatɛ w̃ɔ́ɔ́ í ɣɛ́ Ngalángi w̃ásandai wu.