Beliebte Verse in MATIU 6

Teilen

Chɛɛ wo e min ma, wo a ma wo ma gbɔsɔɛ a don koe a Yataa 'a mansaya kɔɔ, wo ni a faa ma koe ma. Ni wo‑a chɛ ma, ɛ to‑a wan nɔ, a ni fen chɛ n gbɛɛ be wo ma, miin ma gbɔsɔɛ ɛ wo ma.

Chɛ an‑na a fɔ, wo faa ma gbaa sinan ko a. A mu min na, sinan faagbaa bɛnden mu sinan fan ko a. Bi yakɔɔtawa, a‑a a bɔ bi tee chɛ ko a.”

“Chɛ an‑na a fɔ, n mbe a fɔ tena wo ye, mbɛ wo ma wo gbɔsɔ wo da a daun fen ko a, a basan wo min yii a, ma koe a fɔɛ ɔ. N mbe ee baa, wo ni wo gbɔsɔ wo gboo ko a, wo e fen chii. Koe min na mu, mɔ gbu fɔɛ ma daun fenɛ dechee an na, a yɛ to, koa dechee an ma koe a mɔ gbu gboo ko a.

Chɛɛ a sin to, ni i ma‑a samunɛ chɛ‑a, don i 'a dumu ɔ, i ni a da a tɔn, mbɛ i‑a samunɛ chɛ Fa Yataa tena, e ee min yen. A sin, Fa Yataa, min‑na nun dɔ koe kan kɔ kan dɔ sɔn, ɛ a tɔnɔnɛ be‑a wan i ma.

Ni wo toen mu wo ni samunɛ chɛ, wo‑a a fɔ, wo ɔ, ‘Fa Yataa, i wɛn mbe banda bu ɔ, mɔ ɔ mɔ ni tando be i ma. A ɔ ma yansan to, i ni ma mansa a dunya chɛ gbɛɛ kun ma. I faa ma koe, mɔ ɔ mɔ ni a ma dunya chɛ ɔ, yɔ ɛ buɛ min dɔ banda bu ɔ.

Nn kɔ nn daun fenɛ a tee chɛ a.

I boo bɔ nn 'na ko yama n dɔ, yɔ nn bɛɛ, nn mbe nn boo bɔ buɛ min dɔ ko yama n dɔ, an mbe miin ma nn na.

I ma dɔn ko ɔ ko ni a ma, nn ni ko yama ma. Chɛɛ i ni nn tanka Sitana ma, nyina yama.’ ”

Chisɔsi ɔ, “Samunɛ ɛ chɛ ka wan, koe min na mu, ni wo‑a wo boo bɔ mɔɛ n 'na ko yama an dɔ, an‑na miin ma wo a, Fa Yataa wɛɛ, min mbe banda bu ɔ, ɛ a boo bɔ‑a wan wo 'a ko yama n dɔ.

Wo konde n yen bɛ, an mbe ee chin fen chin, n mbe ee baa, an ni a a sɛ bea a. Chɛɛ chɛ gbɛɛ ɔ, Fa Yataa, min mbe banda bu ɔ, ɛ an da kɔ wan. Wo nan gbu sin benden mu kaka konde n ma.

Chisɔsi ɔ, “Wo ma wo 'a nyanɛ a sɔn nɛ dunya chɛ ɔ, chisi n mbe an yɔn kaina min, an mbe kasa‑a kaina. Wo ma a a sɔn kaina, kanka n mbe min te, mbɛ an‑na a kanka. Chɛɛ i 'a nyanɛ a sɔn banda bu ɔ, i wandi ko a. Nɔ tana, chisi n mbe ee an yɔn, n mbe ee baa, kasa ni an bia. A sin, kanka n bɛɛ ee nɔ te, an ni an kanka. Koe min na mu, i 'a nyanɛ ɛ ma‑a sa ɔ kaina, i faa ɛ ma‑a nɔ wan tima ɔ tima.”

Chisɔsi ɔ, “Mɔ ɔ mɔ ee che ma‑a wai chɛ mɔɛ a kun ti fea kɔɔ. Ni chɛ ma‑a, dɔndɔɛ ko a ee dia a ye a ni che dɔndɔɛ ɔ. Ɛ kooya be‑a wan dɔndɔɛ ma, a ni ben a bɔɛ ma. Chɛ an fɛ mu, e ee che wai chɛ‑a Yataa ye, mbɛ i‑a wai chɛ kɔpɔɛ wɛɛ ye dɔndɔ a.

Yataa an mbe kɔnɛ chɛ n ma chii, kɔnɛ min mu ɛ nɛ bi, mbɛ sinan a tɛ‑a, mbɛ wo‑a a minda. Ni ɛ ka wan, wo ma chii koe tana, a mu a ma gbɔsɔɛ an na. Wo 'a danaya ɔ dɔɔ gba.

Chɛɛ a sin, ni i ma‑a wai nyima chɛ‑a yɔn tɔɛ n na, a ɔ nun, i ma a ma mɔ dɔ mende kan kɔ kan ni a ɔ sɔn. Chɛ ɛ a ma‑a wan, i 'a wai nyima ni ma nun dɔ koe a. A sin, Fa Yataa, min‑na nun dɔ koe kan kɔ kan dɔ sɔn, ɛ a tɔnɔnɛ be‑a wan i ma.”

Chisɔsi ɔ, “Ni wo ma‑a a sɔ‑a wo 'a Yataa fai manda n fɛ, wo ma a ma fanka ɔ den. Ni wo‑a chɛ ma, Fa Yataa, min mbe banda bu ɔ, a ee na‑a tɔnɔn kan kɔ kan be‑a wo ma.

Chisɔsi ɔ, “Ni wo‑a sunɛ bia, wo ma wo ya kɔɔɛ ma digbi digbi, yɔ mɔɛ chɛ n mbe a ma buɛ min dɔ, miin‑na an fandi ya mɔ chɛndɛ a, min mu ka mɔ chɛndɛ ma an na. Ni an ma‑a sunɛ bia‑a, an mbe a ɔ yian fan an ya kɔɔɛ ma mɔɛ n na, mbɛ an mbe ka ko gbɛɛ ma wa an dɔ bia tena. N ni a ma din wo tena, mbɛ an ban‑da an 'na tɔnɔnɛ gbɛɛ ma sɔn‑da. Chɛɛ ni wo ma‑a sunɛ bia‑a tima ɔ tima, wo wo ya a ko, wo ni tu kunyɛ a diama sin wo kunɛ a, mbɛ wo‑a a ɔ bɔ fɛsi fɛsi. Chɛ ɛ a ma‑a wan, mɔ dɔ mende ee a ɔ sɔn, mbɛ wo e sunɛ ɔ wan. Chɛɛ Fa Yataa, mɔ ɔ mɔ ee min yen, ɛ a ɔ sɔn‑da wan. A sin, Fa Yataa, min‑na nun dɔ koe kan kɔ kan dɔ sɔn, ɛ a tɔnɔnɛ be‑a wan i ma.”