Beliebte Verse in MATIU 5

Teilen

Numu gbi ɛɛ lambo longa aa nguaa busɛ bu, a tɛ haaka yalɛngɔ lɔ ya kɛ i fofo venga nasia gbi wɛ ti pɛlei bu. Hii mahoungɔ wu voofoi i voo nungaa gulɔ aako ti hinda yekpei nasia lɔ wa pie, ti wu Kɛkɛ na lato i ngelegoohu.

“Wu wiengɔe kia fofoi na numui kpɛlɛɛ va dunya. Tei na i looni ngiyei wumba ɛɛ gu a lɔwulaa.

“Nasia ti lii golengɔ, kohunɛ lɔ ti ma ajifa ta Ngewɔ lɔlɔ.

“Nasia ndɔlɛ a ti lɔ, tawao ti bolohu a be Ngewɔ liima hindei wiela, kohunɛ lɔ ti ma, ajifa Ngewɔ a ti lilɛlilɔ.

Kɛɛ kiahuna nya ngɛ wu ma, a lo a wu juwuisia, wu Ngewɔ vɛli nasia va ta juuya hitɛ wu woma

“Nasia ti kɔɔngɔ kɛ ti lii a Ngewɔ lɔ, kohunɛ lɔ ti ma, ajifa ti woo mia a Ngelegoohu mahayɛi.

“Nasia ta nungaa luahu gbatɛ kohunɛ lɔ ti ma ajifa Ngewɔ a ti lolilɔ a ngi leengeisia.

“Nasia ta gbala, kohunɛ lɔ ti ma, ajifa Ngewɔ a ti nɛpɔlɔ.

“Nasia kpalɛ a la ti ma Ngewɔ liima hindei wieva, kohunɛ lɔ ti ma ajifa ti woo lɔ a Ngelegoohu Mahayɛi.

“Nasia ta nungaa wekeisia mamanu lɔ, kohunɛ lɔ ti ma ajifa Ngewɔ a manulɔ ti ma.

“Kohunɛ lɔ wu ma ji nungaa ta wu magu nyani, ta juwuya hitɛ wu woma, ta hinda nyamu lɛ wu wumba jifa nya woomableisia a wue. A gohunɛ wu kaahugbua wa wie ajifa wu mawaa wɔlɔngɔ wa le Ngelegoohu, gbamaile hii wɔɔ nungaa ti pieni a Ngewɔ lutui nasia ti yɛ wu gulɔ.

“Nasia ti lii gɔlɛngɔ kohunɛ lɔ ti ma, ajifa ta dunya nina majɔlɔ.

“Wu wiengɔe kia kpolei na nuuvu kpɛlɛɛ va dunya. Kɛɛ kpolei i baangaa a ngi nɛi, pele gbii na aa gbɔma nɛɛ. Ɛɛ yaa yɛ gbekpeni gbɛogbɛ va kɛ lekee ti pili nungaa ti nyiminyimi ma.

Faale mahoungɔ wu gbekpengɔ waa i yɛla kia wu kɛkɛ na i Ngelegoohu ngi gbekpengɔ waa la.

Bi layie i yɛ lekee a ‘Nga pielɔ’ ɔɔ ‘Ngɛɛ pie’; njɛpɛ weka gbi bi ndengaa, a gbua Seitana gama lɔ.

“Wu kaanga kɛ ti ndeilɔ tɛɛ, ‘Bi numu yaamɛi wolongaa hu, ta bi nda yaamɛi wololɔ hu, tawao bi numu yɔngɔlii yalingaa, ta bi nda yɔngɔlii yalilɔ.’ Kɛɛ kiahuna ngi nde wu ma, numui na a nyamu ga a bie wa hunyɔɔ ngi ma. Numu i bi yejama bawɛi hugbolɛngaa, yeepekei bɛɛ wote ngi gama.

Faale bi yejama yaamɛi i piengaa bi jumbu hinda wie, kpua na bi pili; fisangɔ wa le bi va bi baa a bi gbuhɛi yeekaka yila kia Ngewɔ aa bi gbuhɛi kpɛlɛɛ wili jahama. Bi yeja-lokoi i piengaa bi jumbu wie, tewe na bi pili; fisangɔ wa le bi va bi baa a bi gbuhɛi yeekaka yila kia Ngewɔ aa bi gbuhɛi kpɛlɛɛ wili jahama.