Beliebte Verse in Mateo̱ 19

Teilen

Tsasére̱ Jesuu̱ ku ku̱i̱cha kitsúre̱: —Xu̱ta̱ nga̱sunde kumajínre̱ kui najmi, ta̱nga Namiña Diuu̱ najmí ngu najmi xi majínre̱.

Nga ku̱i̱cha tjin najmi, xi bixantsja, je ngite̱ xukují nga jó xu̱ta̱ ꞌbema, xuku xi ngútse xu̱ta̱ tsubáre ꞌbema. Xi mejénre̱ tsu, tsa Namiña Diuu̱ je kitsingú ngu chjun ku ngu xiꞌin, najmí ꞌyá xi ma tsitsjuén xikjin.

Ku̱i̱cha skengi Jesuu̱: —A faitsjenjínjnu kju̱a̱kitakun xi kjitꞌa Xu̱ju̱n Enꞌen Namiña Diuu̱. Kꞌi̱a̱ kjitꞌa, janda nga tjutsꞌin, Namiña Diuu̱ kitsindá xi xiꞌin ku xi chjun. Kui kju̱a̱ nga ku̱i̱cha kitsú Namiña Diuu̱: “Xu̱ta̱ xiꞌin tsubáre nga beꞌe nami̱ꞌen ku naꞌe̱n, nga bixantsja ku jña ꞌbendu chjuꞌen. Ngiajó jña ꞌbema, xuku ngútse xu̱ta̱.”

Ku ku̱i̱cha kitsúre̱ Jesuu̱ kui ja xi kjibakuyáre̱: «Titjuájnu ngande niskindi nga tsitiñána yajo̱ꞌe. Nga tu̱ ꞌbechjajíjnu; nga̱tꞌa xi kuacha kun xuku kui, kuíxi tseꞌe jma kjibatexuma Namiña Diuu̱.»

Ta̱nga kjín xu̱ta̱ xi ꞌñu chjiꞌe kjatꞌei, tusa kui ngite chjiꞌeji kuma, ku kjín xi chjiꞌeji kjatꞌei kui xi tusa ꞌñu chjiꞌe ku̱ma.

Ku ngieje xi nga̱tꞌa án tjimatjengína, xi yeꞌebasen chjuꞌen kju̱ kjindiꞌe, xi yeꞌebasen tsꞌe kju̱ ndichja, kutsa namiꞌen ku naꞌe̱n, kutsa niꞌyaꞌe̱ kútsa nangi, uchan ndiya nga ngasunꞌe̱n nga sakúnire̱, ku kꞌuére kju̱a̱mijñachún nguxikaꞌa.

Ku̱i̱cha kitsúre̱ Jesuu̱: —Tsa mejénri nga tuxi naxu niꞌín, tateñéi ngieje najmi xi tjínri ku xi ni̱ma̱ takjanyéiri. Ku̱a̱cha nga tsjuári Namiña Diuu̱ ngu kju̱a̱ndá xi tse jan ndi̱u̱jmi. Ku kjia ndibi ku án tjabixitjengína.

Ku̱i̱cha skengire Jesuu̱: —Mí xá chjinengiyéina mí najmi xi ndá. Tujma Namiña Diuu̱ xi ndá. Tsa mejénri nga ndá tjabixí nuꞌyéi kjuakixi xi kjitjiánre̱ Namiña Diuu̱.

Nga xi kju̱a̱xikjain, niꞌinjín kuasꞌen xku̱n nindu ngu kameyo̱, ku nga xu̱ta̱ xi tjínre ton jmanga kjibatexuma Namiña Diuu̱.

Ku án kꞌui ku̱i̱cha xinjnu, tsanga najmíre̱ jee xi chjun tsa kjaꞌi xiꞌin kisꞌeju̱, jún najmí mi kju̱a̱ nga tjuénjnu yachjinjnu ku majín tsa kjaꞌi chjun bixantsjaju̱jnu. Nga̱tꞌa tsa yakjajíjnu kju̱a̱bixantsja, ku majéjnu.

Ku ku̱i̱cha kitsúre̱ Jesuu̱ ja xi kjibakuyáre̱: —Xi kju̱a̱xikjáin xi xínjnu nga xi tjínre tao̱n tuxi niꞌin kuasꞌen jma kjibatexuma Namiña Diuu̱.