Beliebte Verse in Mateo̱ 7

Teilen

»Chjinengijnu Namiña Diuu̱, ku tsjuájnu. Nukju̱ajújnu Namiña Diuu̱, ku sakujnu najmi xi tjiminchitsjaijnu. Nukju̱atꞌájnu, ku tsiꞌinjnu xki̱.

Nga̱tꞌa xi sꞌejínre Namiña Diuu̱, sakúre xi minengi, xi kjimangitsjai, kútsa chjatꞌáre, ñaꞌán xki̱.

»Xi tꞌe najmi xi tebakuꞌan ku tsiꞌin najmi xi texinꞌan, xukútse ngu xu̱ta̱ xi te̱tje̱n kusúnre̱ najmi xi tsiꞌin ku nga̱sun ndi̱a̱jo̱ taja kitsindá niꞌyaꞌe̱.

»Ku̱a̱cha tjikjeyájnu xu̱ta̱ xukúcha mejénjnu nga feyájnu, nga̱tꞌa kui ndiya xi bakúña Xu̱ju̱n Enꞌen Namiña Diuu̱.

Ta̱nga tuxi niꞌin ꞌbema ndiya xi faiju̱ña jmanga tjin kju̱a̱mijñachun, nga̱tꞌa nchú kui ndiya. Kui kju̱a̱, nga chubatséma xi sakúre.

»Ichijí niꞌin ꞌbema ndiya xi faiju̱ña jma mare̱ chajáña, nga̱tꞌa teya kui ndiya. ¡Ku kjín xu̱ta̱ xi kꞌi̱a̱ fue!

»Jún, nga ndajíjnu xu̱ta̱, májnu baꞌíre̱ najmi xi ndá kjindijnu, a tu̱ kjamíra Namiña Diuu̱, Na̱mijnu xi kjitjián ndiu̱jmi, tsjuáre̱ najmi xi ndá xi minengitꞌare̱.

»Nga tu̱ naijín ꞌnatsjéjnu yajo̱jnu nga jún chusúnjnu kúcha tjima xu̱ta̱, tuxi kuajícha tsikjeyájnu Namiña Diuu̱. Tsa tuxi taja ꞌnatsjéjnu yajo̱jnu nga chusúnjnu kúcha tjima xu̱ta̱, tekuácha taja tsiꞌin yajo̱ꞌe Namiña Diuu̱ nga kusúnre̱ kúcha tjimájnu. Tekuácha tsikjeyájnu xukúcha nikjeyájnu xu̱ta̱.

»Ta̱nga xi tꞌe najmi xi tebakuyaꞌan ku tsiꞌinjín najmi xi texinꞌan xukútse xu̱ta̱ ndsen xi ngajín tsumi kitsindasún niꞌyaꞌe̱.

»Mí xá yiji najmi xi ndáji tjin xi tsiꞌin kjaꞌi xu̱ta̱, ku yijíjni ngieje najmi xi ndáji tjin xi niꞌín. Xukútse tsa chaseiji nga tje chubachí tjingi xku̱n kjaꞌi xu̱ta̱, ku chaseiji nga tjia ndujuꞌe ya kjingi tsi̱. Kúcha mári nga ꞌmíri kjaꞌi xu̱ta̱: “Titjuéna kju̱a̱ nga ꞌbatsjengiꞌan tjechi xi tjingi xkunji”, ku ngu nduju tjiaꞌe ya kjingi xkunji.

»¡Chúnjnu yajo̱jnu nga̱tꞌaꞌe xu̱ta̱ xi inchatsú nga chjineꞌenꞌen Namiña Diuu̱ tjima! Nga fichukinchatꞌájnu xuku chu̱tsa̱nga̱ xi tꞌe fichu, ta̱nga nga xikju̱a̱xikjáin xukútse lobo̱ xi niꞌyú. Tekui xi yájnu ꞌyáni kui, nga̱tꞌa ngují najmi xi ndá mare̱ tsiꞌin. Xuku naꞌyá xi mare̱ tsiꞌónña.

Yá xi ndá, tú xi ndá bajare̱ ku ya xi ndáji, tú xi ndáji bajare̱.

Yá xi ndá, tú xi ndá bajare̱ ku ya xi ndáji, tú xi ndáji bajare̱.

Yá xi bajajíre̱ tú xi ndá ma bichá ku ꞌbetí.