Beliebte Verse in યોહાન 4

Teilen

પરમેશ્વર આત્મા હે, એંતરે હારુ જરુરી હે કે હીની આરાધના કરવા વાળં આત્મા અનેં હાસ થકી કરે.”

પુંણ વેયો ટાએંમ આવેં રિયો હે, અનેં હમણં આવેંસ જ્યો હે, ઝર હાસં ભક્ત પરમેશ્વર બા ની આરાધના આત્મા અનેં હાસ થકી કરહે. કેંમકે પરમેશ્વર બા પુંતાનેં હારુ એંવસ આરાધના કરવા વાળં નેં જુંવે હે.

પુંણ ઝી મારું આલેંલું પાણેં પીયે હે, હેંનેં ફેંર કેંરં યે તહર નેં લાગે. અનેં ઝી પાણેં હૂં હેંનેં આલેં, વેયુ હેંનેં મ એક આવ બણેં જાહે, ઝી પાણેં અમર જીવન હારુ વએંતું રેંહે.”

ઇસુવેં જવાબ આલ્યો, અગર તું પરમેશ્વર ના વરદાન નેં જાણતી, અનેં ઇયુ હુંદું જાણતી કે વેયો કુંણ હે ઝી તનેં કે હે, “મનેં પાણેં પીવાડ,” તે તું હેંનેં કન માંગતી, અનેં વેયો તનેં ઝેંનેં પીવા થી જીવન મળે હે વેયુ પાણેં આલતો.

ઇસુવેં હેંનનેં કેંદું, કે “પરમેશ્વર ની મરજી પરમણે સાલવું, અનેં હેંના કામ નેં પૂરુ કરવું, ઇયુસ મારું ખાવાનું હે.”

હીની બજ્યેરેં ઇસુ નેં કેંદું, “હે માલિક, તારી કન તે પાણેં કાડવા હારુ કઇસ નહેં, અનેં કુવો ઘણો ઉંડો હે, તે ફેંર વેયુ જીવન આલવા વાળું પાણેં તારી કન કાંહું આયુ.

બજ્યેરેં હેંનેં કેંદું, “હૂં જાણું હે કે મસીહ ઝી ખ્રિસ્ત કેંવાએ હે, આવવા વાળો હે, ઝર વેયો આવહે, તે હમનેં બદ્દી વાતેં વતાડ દેંહે.” ઇસુવેં હેંનેં કેંદું, “હૂં ઝી તારી હાતેં વાતેં કરું હે, વેયોસ હે.”

કે “આવો, એક માણસ નેં ભાળો, ઝેંને બદ્દુંસ ઝી કઇ મેંહ કર્યુ હેંતું, મનેં વતાડ દેંદું, ખેંતોક ઇયોસ તે મસીહ નહેં?”