Beliebte Verse in Matyo 19

Teilen

Jesu ɗig ji tɨ a sul la ər ja gɨ a ɓə: «Gɨ woɓari gɨna pɛw nari lɛ wa̰y ne bunga Ndɨla in teni, kəysul wa̰y ɓudu ne ura Ndɨla in teni.»

Kuna ne gɨna, a tɨ bi tɨ ndidi cam lo, lɛ a tɨ ndula ya̰m ɓudu. Wo ka wa̰y ne Ndɨla hari tɨ paa ɓaan lo.»

Jesu duga gɨ a: «Pay yḭ edɨ jaa ne a kya̰ tɨ maktub hul lo a? A kya̰ ɓə: “Tɨ mum gun lɔ ɗula, Ndɨla ɗo ɓər la ii la.” Tɨ nejo ər ja ɓə: “Wo ɓər ɓə ər ba la ər na̰ la nɨm lɛ ər ɓə ər ndɔ hari na ər ii, la a ji tɨ ndidi gun a ɓə duga tɨm ndula ya̰m ɓudu.”

Gɨna Jesu ja gɨ a: «Yḭ nɨm ɓimi ka a hina tɨ ən ndɔ, yḭ ka gɨ a ul mu kway lo, kəysul Ndɨla na waan ti gɨ bi ne ka ndɔ kuna ɓimi no̰.»

Bi dɨbla ton ti toni ɓə tɨm bi tɨ ɓəgri mani la, bi tɨ ɓəgri mani, ɓə duga tɨm bi tɨ toni mani.»

Wo ne nɨm ər gə̰y la, ər ɓungɨ tɨ ɓərgɨ la, tɨ aa la, ər ba la, ər na̰ la, ər ɓimi la, ər wərgɨ la, yin ja jaa gɨna, Ndɨla ɓə gɨ ər mum tɨ daa sul dɨbla naa la, ər ɓə tɨm jili na kwi tina.

Jesu duga gɨ ər: «Jo əm taam tɨm wo tugla tɨ Ndɨla kwi gɨna, əm si əm huna əm mum tɨ tina gun lɛ, əm ɓaan gɨ bi tɨ ndemni gursu. Ne gɨna, əm ɓə mum tina tɨ ndɨlasul pi. Tɨ mum ne na mu tɨ tong gɨna, hina əm so ul tɨ ən lɔ.»

Jesu duga gɨ ər ɓə: «Kəyjaa əm ɓiri ən jaa tuna wa̰y ndinimani sul a? Ndɨla jo tɨ wo ndinimani ɓudu ngoy. Jo əm taam tɨm jili na kwi gɨna, əm oy gṵ hul ɓari.»

La ən ja gɨ i cam: Tɨ ndog gɨ lɔgum tɨ wur tɨ ibra ho̰on lɛ pɛw nari gɨ wo tɨ wani tɨ wur tɨ Ndɨla waan hul.»

Ən ja gɨ i: jo wo kun ər ii jo gorne ii ne taam ɓər jak lo lɛ ər ko ii jak gɨna, ər ka juna.»

Gɨna Jesu ja gɨ ər bi tɨ wa̰y edɨ: «Kuri, ən jaa gɨ i tɨ bayri, pɛw nari gɨ wo tɨ wani tɨ wur tɨ Ndɨla waan hul.