Beliebte Verse in मत्‍ती 5

Teilen

लोग दीयौ जरायकै परात के नीचे नांय रखतई पर बाय दीबट के ऊपर रखतें तब बाते घर के सब लोगन कूं उजीतौ पौंहचतेै। बाई तरैह ते तुमारौ उजीतौ लोगन के सामने चमकै और बे तुमारे भले कामन कूं देखके सुरग में रैहबे बारे तुमारे पिता परमेस्‍वर की बड़ाई करैं।

“तुम जगत के उजीते हौ। जो सहर पहाड़ पै बसौ होय बू छिप नांय सके।

धन्य हैं बे, जिनके मन पबित्र हैं, चौंकि बे परमेस्‍वर कूं देखिंगे।

धन्य हैं बे जो धारमिकता के भूंखे और पियासेए, चौंकि बे तृप्‍त करे जांगे।

पर मैं तुमते कैहरौऊ कै अपने बैरिन ते पिरेम रखौ और अपने सतायबे बारेन के काजै पिराथना करौ

“धन्य हैं बे जो आतमिक रूप ते जरूरत मन्द है, चौंकि सुरग कौ राज बिनईं कौए।

धन्य हैं बे जो मेल-मिलाप कराबे बारेऐं, चौंकि बे परमेस्‍वर के बेटा बेटी कहे जांगे।

धन्य हैं बे, जो बिलाप करतें चौंकि बे तसल्‍ली पाबिंगे

धन्य हैं बे, जो धारमिकता की बजैह ते दुख उठातैं और सताए जाबतैं, चौंकि सुरग कौ राज बिनईं कौ है।

धन्य हैं बे, जो दयालू हैं, चौंकि बिनपै दया करी जाबैगी।

“धन्य हो तुम, जब मेरी बजैह ते लोग तुमारौ अपमान करतैं और तुमें सताबतें और झूंठ बोल बोलकें सब तरैह ते बुरी बुरी बात करतैं। तब तुम आनन्द मगन होईओं, चौंकि सुरग में तुमारे काजै भौत बड़ौ फल रखौए। जाई बजैह ते बिन्‍नें उन परमेस्‍वर की ओर ते बात बताबे बारेन कूं जो तुमते पैहले हते बिनकूं जाई रीति ते सतायौ हतो।

धन्य हैं बे जो नम्र हैं, चौंकि बे धरती के अधिकारी बनाए जांगे।

“तुम जा धरती के नौन हौ। अगर नौन अपनों नुनखरौ पन छोड़ दैवे तौ फिर बाय दुबारा काये ते नुनखरौ करौ जाय सके? फिर बू काऊ काम कौ नांय रैहबेगौ केबल जाके कै फैंकौ जाय और आदमिन के पामन ते रोंदौ जाय।

जामारै तुम सब तरैह ते सिद्ध है जाऔ जैसे कै तुमारौ सुरगीय पिता सिद्ध है।

पर तुमारी बात हाँ की हाँ और नां की नां होय, चौंकि जाते और कछू जादा होबे तौ बू बुराई ते पैदा होतै।

“तुम लोग सुन चुकेऔ कही गई हती, ‘आँख के बदले आँख, और दांत के बदले दांत।’ पर मैं तुमते कैहरौऊ कै बुराई करबे बारे आदमी के संग बुराई मत करिओं। पर कोई तेरे सीदे गाल पै थप्पड़ मारै तौ वाके माऊं अपनों दूसरौ गाल कर दियौ।

अगर तेरी सीधी आँख तोय पाप के रस्ता पै लै जाबै, तौ तू बा आँख कूं फोड दै, जाते तौ जि बढ़ियाए कै तेरौ एक अंग नांस है जाय और पूरौ सरीर नरक में नांय डारौ जाय। और अगर तेरौ सीधौ हात तोते पाप करबाबतै तू बाय काट के अपने जौरै ते फैंक दै जाते तौ जि बढ़ियाए कै तेरौ एक अंग नांस है जाय और पूरौ सरीर नरक में नांय डारौ जाय।