Beliebte Verse in Mateus 7

Teilen

Indireni, nd’otamu peua, kongeni, nd’otamu mono, konkoreni, nd’otamu egururirua po.

Oshoka okeshe ngu ti indire, ota peua, ngu ta kongo, ota mono, na ngu ta konkora, ote egururirua po.

Ano okeshe ngu tu uvu eehapu dandje di, nde te di rongo, okua f’omurumentu omunandunge, ngu a tunga ondjugo he kombanda hemanja.

Ano shi mua ara aantu je tshi mu ningire, tshi ja ningireni uo. Otsho otshipango, naaprofeti shoka.

Otsheero otsha cinana tshi cike peni, nondjira oho ontshona hi cike peni, ndji hu uka komuenjo, jo mbo taa hi mo, ojo aatshona.

Piteni motsheero tsha cinana, oshoka otsheero otshinene nondjira oha taanana, ndji ha cinda kokuekeruashi, ndere mba taa piti mo, ojo ojendji.

Ano ng’omu tshi okupa ojana omagano omaanaua, nando one aauineji, unene po Sho, ngu e ri meguru, ota p’uuanaua mba taa mu indire.

Inamu pangura, kamu pangurue. Oshoka epanguro ndi tamu pangura na rjo, na ne orjo tamu ka pangurua na rjo. Notsheereko shi tamu ereke na tsho, otsho tamu ke erekerua na tsho.

Ndere keshe ngaa ngu tu uvu eehapu dandje di, he ite di rongo, okua f’omurumentu egoua, ngu a tunga ondjugo he ouara mevundua.

Otshike u uete okashuandu mesho rjomumuanjoko, ndere otshiti shi tshi ri mesho rjohe, ku tshi uete? Oto rombuere ngiini omumuanjoko: andi ja ndi ku kuce okashuandu mesho rjohe, nani ngueje ou na otshiti mesho rjohe?

Angareni aaprofeti, mba ja pirama, mba taa ja ku ne meenguuo diipa jeenzi, nde nani meni omambungu haga foragura. Otamu ja dimburura kiihimati jauo. Eembu ohadi rikorua ando komano nenge eenkuju okiijoshorua?

Ano keshe tuu omuti omuanaua ohagu imi iihimati iihanaua, ndere omuti omuineji ohagu im’ike iihimati iihineji.

Omuti omuanaua kagu tshiua okuima iihimati iihineji, nomuti omuineji kagu tshiua okuima iihanaua.

Keshe tuu omuti, itagu imi iihimati iihanaua, otagu keua po, nde tagu umbirua momuriro.