Beliebte Verse in Matiyo 5

Teilen

Wʋrʋ baa tʋ fitila mʋ dinyiŋkpa fu ga dʋɔ ɔ, ama baa mʋ jaga fitila dɩjagatɩŋ bɛ na gaa ŋmaŋi fa wʋkʋma wʋŋ wʋ wɩɛ waa gaa dʋɔ na. Dɩmʋŋ sɛ n yela na amɩɛ fitila a ŋmaŋi fa bakpa, na baa na amɩɛ ayɩɛsa abama na baa kalɩɛ amɩɛ Juo wʋŋ wʋ wɩɛ Ɩsʋɔ adugbe na.

Amɩɛ n nyina dulunya ŋmaŋi. Dɩɛ janɛ gaa ga jagaɩ bʋrɔŋ bie dʋɔ na baa wɩsɛ ɛ.

Kusee n nyina baa ba agela naŋ fʋlʋmɩɛɩ, akala takɩɛ baa aaŋ ja baa na Ɩsʋɔ.

Kusee n nyina baa chirigi wɩɛ ba gayalaga, akala takɩɛ baa sɛ Ɩsʋɔ aja yela na chirigi a paa ba.

Ama maŋ bɩrɛ, maa tawɩ amɩɛ sɛ n ja amɩɛ badʋŋna na ɩ jɔ dɩga fa baa baa nyala amɩɛ

Kusee n nyina amɩɛ baa ɩ yɩɛ ayɔŋtina Ɩsʋɔ feliŋ naŋ, akala takɩɛ Ɩsʋɔ Juori gaa yɩɛ amɩɛ teri.

Kusee n nyina baa baa kɔna wʋsɛfɩɛ bakpa tɩtɩba, akala takɩɛ baa sɛ baa yagɛ Ɩsʋɔ bie.

Kusee n nyina baa baa bɔtaa, akala takɩɛ baa sɛ Ɩsʋɔ aja wʋ a tawɩ dʋ.

Kusee n nyina baa chirigi dʋɔ baa nyala ba, akala takɩɛ baa sɛ Ɩsʋɔ Juori gaa aja yɩɛ ba teri.

Kusee n nyina baa baa wɩɩ bakpa gɩyɔŋ, akala takɩɛ baa sɛ Ɩsʋɔ aja wɩɩ ba gɩyɔŋ.

Kusee n nyina amɩɛ baa ma dʋɔ bakpa a ti amɩɛ, baa nyala amɩɛ, sɛ baa yɩɛ akarɩɛ baa tawɩ wɩɛ asʋbʋɛ baa jaga amɩɛ dʋɔ. N yela na a yɩɛ amɩɛ jʋŋ na ŋii yɩɛ amɩɛ asadi, akala takɩɛ Ɩsʋɔ aja tɔ amɩɛ kɩm gajanɛ Ɩsʋɔ adugbe. Dɩmʋŋ sɛ ba nyala Ɩsʋɔ bajana baa ba cha pala amɩɛ asanaŋ na.

Kusee n nyina baa ba fʋʋ, akala takɩɛ baa sɛ tibi gana aja yɩɛ ba teri.

Sɛ Yesu ju dʋɔ tawɩ sɛ, <<Amɩɛ n nyina tibi dʋɔ yasɛ, ama yasɛ tʋsʋ ŋɩ jʋŋ na, sɩnɛ sɛ ɩ yɩɛ ŋɛ na ŋii ti yɩɛ jʋŋ? Ŋɩ ti taŋ dieli fa bʋrʋ ʋ, amʋɔ ba chɩɛgɩ tʋsʋ na bakpa a chicha dʋɔ.>>

Dɩmʋŋ dʋɔ n yɩɛ kʋrʋkʋrʋ takɩɛ ganaŋkʋ amɩɛ Juo wʋŋ wʋ wɩɛ Ɩsʋɔ adugbe na gba yɩɛ kʋrʋkʋrʋ na.

N yela na amɩɛ <<ɛɛŋ a yɩɛ ɛɛŋ>> yaa amɩɛ <<Aye a yɩɛ aye.>> Bʋrʋkʋma gaa ɩ tawɩ kpi ŋina dʋɔ na ŋɩ lɩɩ Sɩtanɩ bɛ.

Sɛ Yesu ju dʋɔ tawɩ sɛ, <<Ɩ nyii gʋ Mosesi mbara ŋii ti tawɩ sɛ wʋrʋ salɩɛ wʋ dʋɔ dɩsɛ na, baa salɩɛ wʋ teri, sɛ wʋrʋ kuli wʋ dʋɔ keli na, baa kuli wʋ teri.>> Ama maŋ bɩrɛ, maa tawɩ amɩɛ sɛ wʋrʋ yɩɛ nyaŋ dɩsʋbʋ na, n baa mʋ dɩsʋbʋ tɔ ɩ kɩm. Sɛ wʋrʋ kpa nyaŋ gabaa n jɩsaŋ lati dʋɔ na, biliŋi alatɛ fa ɩ.

Sɛ n dɩsɛ jɩsaŋ aja yela na nyaa yɩɛ dɩsʋbʋ na, chɔla ga tʋsʋ. Ŋɩ wɩɛ dieli fa nyaŋ takɩɛ nya paŋ n wʋsɛ gatʋŋgʋrʋ kii gʋ nya mʋ n wʋsɛ kpiniŋ mʋ ju awʋrʋfʋɔ bʋala naŋ. Sɛ n pam jɩsaŋ aja yela na nyaa yɩɛ dɩsʋbʋ na kara ga tʋsʋ. Ŋɩ wɩɛ dieli fa nyaŋ takɩɛ nya paŋ n wʋsɛ gatʋŋgʋrʋ kii gʋ nya mʋ n wʋsɛ kpiniŋ ju awʋrʋfʋɔ bʋala naŋ.