Beliebte Verse in Luugaay W'injiil 17

Teilen

Malya baruuh bariiyooh dehaay, “Yakaat giiga! Wꞌiimaanuuk mheeliya hook.” idi.

Baruuh asarama doora oombꞌii kehook aglitiiniyeek, aree asarama doora dehook agartiit, ‘Tuuban!’ indiyuuk, barooh afooya.” idi.

Gaal bareesooh inꞌireet toona rhiyanihoob, tageegi hissii Ukwaasana hamdee yꞌagar. Baruuh Yasuuꞌiib iragadaayi suurii dhibiyaayt, barooh yhamid. Been uutak aree Saamiriibi.

Aflaay igarooyeekna gwꞌadna. Usanuuk maagnaayt sakiiniyeek, barooh dinina, aree tuubiiniyeek barooh afooya!

Yasuuꞌa raatiya, “Aanda itamin kassaah inꞌirna? Aaraw yꞌashshadhig keeyaana?

Wꞌankwana igwibi, “Aan baraakna dabalu iimaan isinfaayt habbaati haddiib tibariineek, oon whindi ubidhdhigilii dehaay, ‘Fitaka! Oobhariib yakaa!’ tiyadneek, isnaakiir hookna.

Umidhhanooh ooknaay dibuuy jarrabiiniibka, umidhhan iitnaw indi, umidhhanooh eetniiw aree umidhhanooh idaab indi.

Yasuuꞌa ikwiriyaatayeeh dehaay, “Oodehay tumaagnaay isidꞌiint taana kassoohoob ibakii daayeen. Laakiin bariiyooh geebii timaagnay ikatiineeb unafar been idhikw! Een bareeh idabalooya maagnaayti sakistiika, baruuh tꞌalaatiyooh riyaati awi hakwiriit, oobhariib dhibiiniyeek dehaay hanyiis.

Noohiib udamaaniib tikeet toonaatiit, Wꞌaadami Oori damaaniib han bak iikti tindi. Been udamaan Nooh falluukaat yꞌameeb hadiit, uudehay tamiina, gwꞌiina, aree iidꞌirna. Malya uukwaan eeyaayt bareeh kasseeh kwidhisiya.