Beliebte Verse in Mateo 5

Teilen

As la koj uchi uva' tul la matxax umaj xamal, as a' la mujaxkat ok jaq' umaj kaaxha. Pet a' la aq'axkat je' vi' u matxb'ale', aq'al uva' la itxiju u xamale' unq'a uxhchile' skajayil uve' at tu u kab'ale'. Echat chit ex la ib'ane', tan exe' la k'uchun u b'a'ne' vatz unq'a uxhchile' eche' nib'an u xamale' tul nitxijune'. As la til unq'a uxhchile' u b'a'ne' uve' neb'ane'. As la toksa ve't unq'a uxhchile' iq'ii u Kub'aal Tiixhe' uva' echen tu almika'.

As ech exe' eche' umaj txijub'al xo'l unq'a tename', eche' uma'l u tenam uva' at je' vi' uma'l u vitz, tan kajayil uxhchil la ilon.

As achveb'al chit unq'a uxhchile' uve' tx'aael ve't u taanxelale' ta'n u Tiixhe', tan la til ve't tib' tuk' Aak.

As achveb'al chit unq'a uxhchile' uve' niva'y u taanxelale' as nitzaj itzi' ti' ib'anat u jike' uva' ni tal viyol u Tiixhe', tan a'e' la lochpu ta'n Aak.

Pet ech koj uve' tuk val sete, tan xo'noj unq'a uxhchile' sete uve' nich'o'n taama seti'. As b'a'noj eyolon ti' unq'a uxhchile' uva' va'lexh iyolon seti'. As eb'antaj b'a'nil te unq'a uxhchile' uva' ni b'anon u va'lexhe' sete. As enachtaj Tiixh ti' unq'a uxhchile' uve' nixe't seti'.

—Achveb'al chit unq'a uxhchile' uve' ootzimal sta'n uva' techal chit la lochpu ta'n u Tiixhe', tan a' uxhchile' uva' at tokeb'al xo'l unq'a tename' uva' at jaq' u tijle'm u Tiixhe'.

As achveb'al chit unq'a uxhchile' uve' nichukun txumb'al ti' iya'sal ch'a'o, tan a'e' uva' me'al ik'aol u Tiixhe'.

As achveb'al chit unq'a uxhchile' uve' nitxumune', tan la mutxb'el ve'te' ta'n u Tiixhe'.

As achveb'al chit unq'a uxhchile' uve' ni paleb'en unq'a k'axk'oe' ti' ib'anat u jike' vatz u Tiixhe', tan a' uxhchile' uva' at tokeb'al xo'l unq'a tename' uva' at jaq' u tijle'm u Tiixhe'.

As achveb'al chit unq'a uxhchile' uve' nitxum ivatz imool, tan la itxum u Tiixhe' ivatz.

As achveb'al chit ex ti' uva' nenima in as k'uxh la xe't unq'a uxhchile' seti'. As la yoq'pu ve't ex. As kam kuxh chuli yolil la alpu seti'. Chiib'ojtaj ex. As txuq'txunoj ex, tan nime' vetx'aja'me' tuk aq'axoj sete tu almika'. As chiib'ojtaj ex k'uxh la epaleb'e k'axk'o, tan ech chit kat ulb'el unq'a q'ajsan tetz viyol u Tiixhe' tul uva' ye'xnik ul ex.

As achveb'al chit unq'a uxhchile' uve' sula aama, tan tetze' u vatz tx'ava'e' skajayil la ib'ane'.

As ech exe' u atz'ame' xo'l unq'a tename'. Pet asoj la pal ve't ipitz'polil u atz'ame', as ye' la txakon ve'te', tan la koj uch ichee ipitz'polil unpajte. Pet la kuxh mak'pik ve't ele' tu b'ey. As la pal ipach' ve't unq'a xaole'.

Pet jik chit ex la eb'ane' eche' u Kub'aale' uva' echen tu almika', tan jik chit Aake'.

Pet ech eyolon ile' tul la yolon ex: «An chite',» chaj ex, asoj an chittu'. As: «Ye'le,» chaj ex asoj jit'e'che'. Tan asoj jit ech eyolone' tul la yolon ex, as xe' u tx'i'lanaje' tzaanajkat vetxumb'ale'.

As ootzimal uma't u yole' seta'n uva' alel kan uva' ech ni tal ile': Ab'il uva' la poq'on el tzan b'aq' ivatz imool, as la poq'lik el u b'aq' ivatze' unpajte. As ab'il uva' la itoopisa el tee imool, as la toopisal el u tee unpajte, ti'k u yole'. Pet ech koj uve' tuk val sete, tan eq'aavisak ich'exel u va'lexhe' uve' la b'anchu sete. Pet asoj la itz'ich umaj uxhchil u seb'al evatze', as etaq'taj ok unjalit vevatze'.

Asoj la paavin ex ta'n u seb'al evatze', as eya'sataj epaavine' eela kuxh stuk' uva' kat eteesal el u b'aq' evatze', tan aal b'a'ne' uva' la etz'ej umaj u b'aq' evatze'. As ye' la b'en vechi'ole' skajayil tu u choob'al paave'. Asoj la paavin ex ta'n u seb'al eq'ab'e', as eya'sataj epaavine' eela kuxh stuk' uva' kat etzok'lu el veq'ab'e' as kat sutil el, tan aal b'a'ne' uva' la etz'ej umaj veq'ab'e'. As ye' la b'en vechi'ole' skajayil tu u choob'al paave'.