Lukas 10
10
Yesus mangutus uju puluh due murid
1Limbas je, Tuhan Yesus milih uju puluh due murid je beken dan nyuhu ise miar bakalompok-kalompok je badue-due beti guang satiap kota je akan guang-E. 2Dan sahelu mangutus ise, Ie bapander umba ise: “Ulun are huang narima Kabar je Lamus bara Tuhan. Ise kilau kabun je siap kana panen, Kabun je hae, tapi baya isut pamanen je akan manen e. Gawin je, badoa umba ulun je tepun kabun, iyeje Tuhan je tepun kabun, mangat Ie ngirim labih are pamanen akan manen e. 3Miar dai, tapi hening! Limbas Aku ngutus kame, kame akan naharep bahaya kilau anak domba melai betuk serigala je ganas. 4Ela niang duit, tas, atau ice pasang sandal akan cadangan, ela bapander umba ulun je kame sundau melai jalan. Gawin kame dia are waktu. 5Satiap kali kame tame suang pasah, sahelu e ngucap salam akan keluarga je: ‘Semoga Tuhan nenga damai sejahtera akan uras je tege melai pasah tuh.’ 6Amun melai nganih tege je huang narima damai sejahtera bara Tuhan, maka pander kame je akan tatap balihi akan se, tapi amun ise dia huang narima berkat bara Tuhan je maka doa umba berkat kame dia akan ise dinu e. 7Ela bapindah-pindah bara ice pasah guang pasah je beken. Melai guang ice ukan ih, kuman dan ngihup narai je nyaharan se akan kame, ela ragu narima kataun se nginje gawin akan ewei je bagawi harus dinu upah. 8Satiap kame guang kota dan lun nginje nyambut kame, kinan ih panginan je nyadia se akan kame. 9Paamat lun je dia barigas melai kota je dan mander akan se: ‘Karajaan Hatalla jadi tukep umba kame’ 10Tapi amun kame tame guang kota dan ulun nginje dia narima kame, miar ih guang jalan-jalan melai nguwei lun are tau hening kame dan bapander: 11‘Ikei malap dabu bara kota kame je leket melai pain kei akan peringatan amun Hatalla akan mahakim kame. Tapi, Ikei huang kame tawai, amun karajaan Hatalla jadi tukep umba kame!’” 12Yesus malanjut pander-E: “Aku mander akan kame amun metuh andau penghakiman, katika Hatalla mahakim uras ulun, Ie akan mahukum ulun melai kota je labih babehat bara lun are je jahat melai kota je arai e Sodom.”
Kesengsaraan akan Kota-kota je dia batobat
(Mat. 11:20-24)
13Tapi penduduk khorazim umba Betsaida akan keme kapehe je hae, gawin ise nolak akan batobat. Penduduk kota Tirus umba kota Sidon heam beci payah mujizat kilau je nguan-Ku melai kotamu. Jakai ise payah e, ise akan batobat umba hapan kain kabung dan manawur kawu melai betin se akan tanda ise jadi batobat bara dosa se. 14Jadi, metuh andau Tuhan mahakim satiap ulun, Ie akan mahukum ulun-ulun melai kota Khorazim umba Betsaida labih babehat bara ulun-ulun melai kota Tirus umba kota Sidon. 15Dan ikau, oo penduduk kota Kapernaum, enkah ikau akan narima kahormatan je hae bara surga? Dia! Kame akan mating melai suang naraka.
16Limbas je Ie bapander umba kawan murid-E: “Ewei je narima petehmu, ie narima Aku, dan ewei dia narima e, ie manolak Aku. Ulun je manolak Aku bararti manolak Hatalla je ngirim Aku.”
Haluli e kauju puluh due murid
17Limbas je kauju puluh due murid je miar nguan narai je kana parintah Yesus akan ise. Metuh kauju puluh due murid je haluli, ise hanjak tutu dan bapander: “Guru, roh-roh jahat tunduk umba ikei, metuh ikei hapan kuasa-Mu akan ngusir ise bara ulun are!” 18Yesus manjawab ise hapan pander: “Metuh kawan talun kambe je numun auh kame, Aku payah iblis je kana kalah dan salenga balawu bara langit kilau kilat je nyambar. 19Hening! Aku jadi nenga akan kame kuasa akan nanjung melai ngambu kawan handipe umba katipkala, Aku kia nenga kuasa akan kame ngalah uras kakuatan talun kambe, heamti je akan tau ngapehe kame. 20Tapi, ela kame hanjak baya gawin roh-roh je jahat tunduk umba kame, tapi hanjak ih gawin Hatalla jadi manulis aran kame melai suang Kitab-E melai Surga.”
Ucapan syukur bara Yesus akan Apang
(Mat. 11:25-27; Mat. 13:16-17)
21Limbas je Yesus je kutep gawin hanjak sanang gawin Roh Kudus, Ie badoa umba Hatalla: “Bapa-Ku, Ikau Tuhan akan langit umba bumi, Aku basyukur umba Ikau gawin Ikau jadi nyuhuk kabenaran jituh bara ise je gatung sakula dan pintar, tapi Ikau pakarah e akan ulun je pamikiran e sama kilau anak tabela. Yoh, Bapa, Ikau je nguan hapa cara-Mu.” 22Limbas je Yesus bapander: “Bapa-Ku jadi nenga akak-Ku uras kare kuasa. Heamti je tawan ewei Aku, Anak selain bara Bapa. Heamti je tawai ewei Bapa selain Aku, Anak, dan ise je milih Aku akak-Ku ngenal akai-E.”
23Limbas je Yesus payah kawan murid-E dan bapander umba ise secara pribadi: “Hatalla jadi mamberkat kame uras je jadi payah narai je taluh je kame payah e. 24Aku masti akan kame, are nabi umba raja-raja metuh zaman behin je huang payah narai je jadi kame payah, tapi ise dia tau payah e. Dan ise huang sinde hening narai je jadi kame hening, tapi ise dia tau hening e.”
Ulun Samaria je baik tutu
25Sinde andau, dumah ice beti guru hukum Musa mendeng huang mancoba Yesus, kuai-E: “Guru, narai je harus aku nguai e mangat tau dinu pambelum sapai katatahie?” 26Yesus manimai-E: “Narai je Musa nulis e melai Hukum Musa tentang taluh jie? Narai taluh je basa kame melai Hukum Musa je?” 27Guru hukum Musa manimai: “Hukum Musa bapander: ‘Kasihilah Tuhan, Hatallamu, umba sakalepah ateimu umba sakalepah jiwamu, umba sakalepah kakuatanmu dan umba sakalepah akal budimu. Dan kasihilah sesama kame kalunen kilau ikau mangasihi arepmu kabuat.’” 28Yesus bapander: “Ikau jadi nenga jawaban je tutu. Amun ikau tarus nguan taluh je, maka ikau akan narima pambelum je katatahie.” 29Tapi ice beti guru hukum Musa je huang mambenar arep e. Maka ie bakisek umba Yesus: “Yoh, tapi narai maksud Hukum Musa dan ewei je sesamaku kalunen?”
30Yesus manimai e hapan ice tanding. Ie bapander: Sinde andau, tege ice beti hatue metuh nanjung melai kota Yerusalem guang kota Yerikho kawan parampok hawi ie. Ise mbuka pakaian e dan ngindu uras je taluh je tege melai ie, ise hawi ie dan mbiar ie huang matei. 31Metuh ie tapeter melai nganih, ice beti imam nakalau jalan je sama. Ie payah ulun je bahimang je tapeter melai nganih, tapi ie nakalau e melai bahu jalan je beken arah e. 32Limbas je, ice beti je bara suku Lewi dumah melai ukan je sama dan payah hatue je tapeter melai nganih. Tapi, metuh ie payah ulun je jadi kana hawi je, ie kia nakalau melai silan jalan. 33Dia tahi bara je, ulun Samaria dumah nakalau jalan je sama melai ukan hatue je tapeter. Metuh ie payah ulun je, ie ngasi umba e. 34Ie guang nukep ulun je dan paamat himang-himang e, nata e umba minyak zaitun dan anggur melai ngambu e akan obat. Limbas je ie ngina ulun je melai ngambu keledai je biasa Ie lupat e dan nganya e guang ukan panginapan, melai nginje ie tarus marawat e. 35Andau jewu e susung-susung sahelu ie malihi panginapan, ie palua due koin perak sanilai upah due andau bagawi dan nenga e akan tepun panginapan, sambil bapander: “Dohop ngarawat ulun je bahimang tuh. Amun ikau palepah labih bara jituh akan biaya e, aku akan mbayar akammu katika aku haluli jua.”
36Limbas je Yesus bakisek umba ahli Taurat je: “Menurut pendapatmu, bara antara katelu ulun jituh je payah hatue je kana hawi gawin kawan parampok je, ewei manurutmu tetangga je baik akai e?” 37Ahli Taurat je manjawab: “Ulun je pakarah kangasi umba e.” Yesus bapander umba e: “Miar dan nguan taluh kilau je nguai e.”
Maria umba Marta
38Metuh Yesus umba kawan murid-E malanjut jalanan ise. Ise tame melai ice kota, melai nganih tege ice bawi arai e Marta ngundang ise guang pasah e. 39Dan Marta tege ading e bawi je arai e Maria. Dan Maria munduk melai tukep pain Tuhan Yesus dan napara hening ajaran-E. 40Marta giri-giri gawin uras gawi melai pasah je harus ie nguai, Tuhan, paharikku dia dohop aku bagawi. Ie mbiar aku nguai e kabuatku. Je dia adil tuh. Kuan Maria mander akai e amun ie harus ndohop aku! 41Tapi Tuhan bapander umba e: “Marta je terkasih, ikau pehe atei tentang are taluh. 42Tapi baya ice taluh je penting tutu dan Maria jadi milih akan nguan taluh je. Heamti je tau ngindu e bara ie.”
Zur Zeit ausgewählt:
Lukas 10: CAV
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
capur açu Bible by Beyond Translation is licensed under Creative Commons Attribution-ShareAlike 4.0 License.
