Lukas 9
9
Yesus ngutus kadue blas murid-E
(Mat. 10:5-15; Mrk. 6:7-13)
1Limbas je Yesus ngahau due blas murid-E akan bakupul naharep-E, dan nenga akan ise tanaga umba kuasa akan ise tau ngalah roh jahat umba paamat ulun je dia barigas dengan kuasa Tuhan. 2Ie ngutus ise akan miar dan ngesah akan ulun are tentang pandumah Karajaan Hatalla dan paamat ulun je dia barigas umba kuasa TUHAN. 3Kuan Yesus umba ise: “ela ngaya nara-narai. Ela ngaya tuket, tas, panginan, duit atau due lambar baju. 4Metuh kame kana undang akan melai guang pasah, tarus ih melai nginje sapai katika e kame akan ngalihi e. 5Tapi ewei bewei je dia huang narima kame, parasih dabu bara pain kame metuh kame ngalihi kota je akan pringatan akan ise. Hapan cara kilau je akan pakarah akan ise amun ise batanggung jawab gawin manolak peteh Hatalla.” 6Limbas je kawan murid Yesus miar bara ice lewu guang lewu je beken dan ise ngabar Kabar Lamus akan ulun are melai uras ukan je ise guang e dan paamat ulun je dia barigas melai nginje.
Herodes bingung hening kabar tentang Yesus
(Mat. 14:1-12; Mrk. 6:14-29)
7Metuh Herodes, raja wilayah Galilea, ie bingung hening taluh uras je nguan gawin Yesus, gawin are lun mander e amun Yohanes pambaptis jadi belum haluli gawin Hatalla jadi pelum haluli ie bara kakare ulun je jadi matei. 8Tege kia je bapander: “Ie iyeje Nabi Elia je behin e taangkat guang surga metuh ie belum melai dunia. Wayah tuh ie haluli dan nyewut arep e Yesus dan je beken e jua mander amun Ie tuh ice bara nabi je beken je belum metuh jaman behin dan jadi belum haluli.” 9Tapi Herodes bapander: “Dia mungkin amun Yohanes pambaptis, gawin aku jadi nyuhu kawan prajuritku akan netek kuluk Yohanes. Jadi, ewei ulun jituh tege gawin sapai pindingku amun Ie jadi nguan taluh je hebat tutu?” Limbas je Herodes bausaha huang sundau umba Yesus.
Yesus nenga panginan akan lime ribu ulun
(Mat. 14:13-21; Mrk. 6:30-44; Yoh. 6:1-14)
10Limbas kawan murid-E je haluli, ise ngesah akan Yesus narai taluh je jadi nguan se. Limbas je Yesus ngaya ise ngabuat guang ukan je benyem melai ice kota je arai e Betsaida. 11Tapi gawin are ulun tawan guang nguwei Yesus umba kawan murid-E miar, ise kia miar panih. Metuh ise sapai Yesus narima ise sambil bakesah nyapai peteh Hatalla umba paamat ise je dia barigas.
12Metuh andau jadi napara hamalem, due blas murid-E dumah guang Yesus dan bapander: “Guru nyuhu lun are je miar, mangat ise miar guang lewu-lewu dan pasah-pasah masyarakat melai sakitar ngituh, mangat ise dinu panginan umba ukan se tiruh. Gawin melai guang ukan je benyem heamti ului.” 13Tapi, Yesus bapander umba ise: “Kame je nenga panginan akan se.” Ise manjawab auh-E: “En rak tapai kei tau nenga panginan akan se ikei baya tege lime roti je korik umba due laok ih Guru, kecuali amun ikei miar meli panginan akan lun are tuh.” 14Melai nginje tege sakitar lime ribu beti hatue, pasau Ie bapander umba kawan murid-E: “Nyuhu ise munduk bakalompok-kalompok, sama lime puluh beti akan ice kalompok.” 15Ise numun narai taluh je kuan Yesus, nyuhu lun are uras munduk bakalompok. 16Limbas je Yesus ngindu lime roti umba due laok je, payah langit mamberkat netek-netek e pasau nenga e akan kawan murid-E mangat ise nyaharan akan ulun are. 17Dan ise kuman sapai besuh. Limbas je, kawan murid-E ngupul tisan potongan roti je tege due belas keranjang kutep kakarei.
Pengakuan Petrus amun Yesus je Mesias
(Mat. 16:13-20; Mrk. 8:27-30)
18Sinde andau metuh Yesus badoa kabuat e, kawan murid-E dumah guang-E, pasau Ie ngisek umba ise: “Kuan lun are, Aku tuh ewei?” 19Kawan murid-E menjawab auh-E: “Tege pire beti nyewut Ikau je Yohanes pambaptis je jadi belum haluli bara antara ulun je jadi matei, kuan je beken nyangka Ikau je nabi Elia je jadi haluli bara surga, tapi kuan je beken jua Ikau je ice beti bara nabi-nabi metuh jaman behin je belum haluli.” 20Limbas je Yesus bapander umba ise: “En kuan kame ewei Aku tuh?” Petrus manjawab e: “Ikau je Juruslamat je kana utus gawin Hatalla.” 21Yesus paingat ise umba tegas mangat ela mander akan ewei bewei.
Kabar pakasulak e tentang kapehen Yesus dan syarat-syarat nganyak Ie
(Mat. 16:21-28; Mrk. 8:31—9:1)
22Gawin memang harus kilau je: “Aku, Anak Manusia harus keme kapehe. Kawan tua-tua Yahudi, imam-imam kapala umba guru Hukum Musa akan nolak Aku, dan Aku akan kana hukum matei dan kana pelum haluli metuh andau katelui e.” 23Limbas je Yesus bapander umba uras ise: “Amun tege huang umba ngayak Aku, ise harus ngalawan arep se kabuat dan nanggung salib se kabuat, maka ie tau tarus jadi murid-Ku. 24Gawin ewei je huang nyalamat haseng e, akan kanihauan haseng e, tapi ewei je nihau haseng e gawin ie ngayak Aku akan dinu pambelum je katatahie. 25Narai untung e lun dinun taluh uras je melai dunia tuh, tapi ie dia dinu pambelum je katatahie? 26Amun kame mahawen umba ngayak Anak Manusia dan mahawen umba numun ajaran-Ku, maka Aku mahawen kia ngaku ie metuh Aku dumah haluli guang dunia ngaya katarang-Ku dan katarang Bapa-Ku umba malaikat utusan bara Hatalla je kudus. 27Aku mander je katutui akan kame, tege pire beti bara kame je mendeng ngituh je dia akan matei helu sahelu payah Karajaan Hatalla.”
Musa umba Elia pakarah arep dere akan Yesus
(Mat. 17:1-8; Mrk. 9:2-8)
28Sakitar hanya andau bara limbas Yesus manyapai ajaran-E je, Ie ngaya Petrus, Yohanes umba Yakobus guang gunung akan Ise badoa. 29Metuh Yesus badoa, baun Yesus barubah umba pakaian-E puti makilat. 30Dan salenga dumah due beti bapander umba Yesus. Iyeje nabi Musa umba nabi Elia dere je nabi bara Hatalla. Dere je mampalua katarang e, dan dere bapander umba Yesus naheu papatei Yesus melai kota Yerusalem. Umba cara jituh, Ie akan manggenapi rencana Hatalla akai-E. 31Je Pakarah arep hapan katarang-E dan bapander manyapai auh papatei Yesus je sapai wayah e akan malihi dunia tuh melai kota Yerusalem. 32Petrus umba kawan murid je beken tatiruh tapi metuh ise tapisik, ise payah tarang Yesus umba due beti je mendeng tukep Yesus je. 33Metuh Musa umba nabi Elia huang lihi Yesus, Petrus bapander: “Guru, sapuna itah tuh ngituh tarus ih helu. Ikei huang pendeng telu puduk, ice akan Guru, ice akan Musa, umba ice akan Elia.” Tapi Petrus dia sadar umba pander je. 34Metuh Petrus bapander auh jie dumah baun andau ngaliling ise, sapai Petrus, Yohanes, Yakobus mikeh umba baun andau je ngaliling ise je. 35Limbas je ise je tege hening suara Hatalla je dumah bara baun andau je dan bapander: “Tuh Anak-Ku je milih-Ku, hening dan numun auh-E.” 36Limbas suara Tuhan je tende bapander, kawan murid baya payah Yesus. Kawan murid je dia mander taluh akan ewei bewei narai taluh je jadi se payah umba hening e.
Yesus paamat ice beti anak hatue je dia barigas gawin kasarungan
(Mat. 17:14-21; Mrk. 9:14-29)
37Andau jewu e, metuh Yesus umba katelu murid e muhun bara gunung, are ulun dumah guang Yesus. 38Tege ice beti hatue bara ise kumpulan lun are je bapander nyaring: “Guru, dohop ngasi anakku, dohop ie gawin iyeje anakku kaha-kaha ice. 39Roh jahat je rancak name ie dan salenga napa ie ngombak sapai mulut e habure. Roh jahat je tarus nderoh ie dan dia huang balua bara ie. 40Aku laku umba kawan murid-Mu nyuhu ise palua e tapi ise dia ulih palua e.” 41Yesus manimai: “Oo, kame je sasat dan dia yakin umba Hatalla! Pire dai jua katahie Aku harus melai umba kame dan sabar umba kame?” Limbas je ie bapander umba hatue je: “Nganya anakmu je pituh!”
42Metuh anak je nukep Yesus, roh jahat je mating ie guang petak dan beti e kaet kamitu. Yesus nyuhu roh jahat je balua bara ie. Ie paamat anak je dan bapander umba apang anak je: “Tuh anakmu.” 43Uras lun are je takicet payah kuasa Hatalla. Metuh ise je hengan payah taluh je nguan Yesus, Yesus bapander umba kawan murid-E:
Kabar barita je kadue tentang kapehen Yesus
(Mat. 17:22-23; Mrk. 9:30-32)
44Kame harus hening tutu-tutu dan ingat narai je jadi-Ku mander e: Aku, Anak Manusia akan kana tenga melai lengen kalunen. 45Tapi kawan murid-E dia paham maksud pander-E je dan taluh je tasuhuk akan ise, sapai ise heam tau maham e. Dan ise dia bahanyi ngisek arti pander je umba Ie.
Ewei ulun je paling gatung pangkat e bara ise?
(Mat. 18:1-15; Mrk. 9:33-37)
46Limbas je kawan murid-E salisih paham sama ise, hatakian ewei je paling gatung pangkat e akan se. 47Tapi Yesus tawan taluh suang pikiran se, Ie nduan anak tabela dan nyuhu ie mendeng tukep Ie. 48Limbas je Ie bapander umba kawan murid-E ewei je narima tabela korik tuh gawin arak-Ku ie narima Aku dan ewei kia narima Aku, ie kia narima Hatalla je ngirim Aku. Gawin ewei bara kame je nganggap arep e paling dia layak, iyeje paling gatung pangkat e akan kame melai taharep Hatalla.
Ewei je dia malawan ikau berarti tame pihak ikau
(Mrk. 9:38-40)
49Yohanes bapander umba Yesus: “Guru, ikei tege payah ulun je mangusir roh jahat hapa aram-Mu, pasau ikei ngahana ulun je gawin ie dia tame kalompok ita tuh.” 50Tapi, Yesus bapander: “Ela ikau ngahana e, gawin ewei je dia malawan ikau bararti ie je melai pihakmu.”
Lewu lun Samaria dia huang narima Yesus
51Metuh wayah e huang genap Yesus kana angkat guang surga. Yesus mayakin atei e miar guang kota Yerusalem. 52Ie nyuhu utusan-E nyahelu Ie. Ise miar guang ice lewu melai ukan wilayah ulun Samaria, akan nyadia ukan akan Yesus umba ulun-ulun je beken akan ukan se tiruh. 53Tapi, masyarakat kota je dia narima Yesus umba kawan murid-E, gawin jadi jelas amun ise metuh miar guang kota Yerusalem. 54Metuh kadue murid-E Yakobus umba Yohanes hening je, ise bakisek umba Yesus: “Tuhan, huang en dia Ikau nyuhu ikei akan nyuhu apui muhun bara langit dan ngehu masyarakat kota tuh?” 55Tapi Ie payah dan ningak ise. 56Limbas je Yesus umba kawan murid-E miar guang lewu je beken.
Narai je harus ta bayar akan nganyak Yesus
(Mat. 8:19-22)
57Metuh Yesus umba kawan murid-E metuh miar guang kota Yerusalem, ice beti hatue dumah guang Yesus dan bapander: “Tuhan, aku akan jadi murid-Mu dan ngayak Ikau guang nguwei bewei Ikau miar.”
58Yesus bapander umba ie: “Tege metu je sama kilau bahuang je melai guang suang luwang ukai e dan kawan burung je tarawang melai ngambu langit tiruh melai sarangai e. Tapi Aku, Anak Manusia, Aku heamti pasah ukak-Ku tiruh.”
59Yesus bapander umba ise je beken: “Jadi murid-Ku!” Tapi lun je bapander: “Tuhan, nyuhu aku buli helu. Limbas apangku matei, aku akan ngubur e, dan limbas je aku akan dumah jadi murid-Mu.” 60Yesus bapander umba e: “Ise je dia taat umba Hatalla sama kilau ulun matei. Biar ih ise je matei ngubur ulun je jadi matei. Tapi ikau, miar dan ngabar akan uras ulun are tentang Karajaan Hatalla.”
61Limbas je tege ulun beken je bapander umba Yesus: “Tuhan, aku huang jadi murid-Mu. Tapi pakasulak e, ngizin aku miar dan mander akan ulun are melai pasahku dan kawan paharikku amun aku akan miar.” 62Tapi Yesus manjawab e: “Ewei jadi murid-Ku dan limbas je huang haluli umba pambelum e je helu, ie dia pantas akan bagawi melai suang Karajaan Hatalla.”
Zur Zeit ausgewählt:
Lukas 9: CAV
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
capur açu Bible by Beyond Translation is licensed under Creative Commons Attribution-ShareAlike 4.0 License.