Lukas 8
8
Kawan bawi je malayan Yesus
1Dia tahi bara je, Yesus nguan pamiar e guang are lewu dan kota, dan Ie bakhotbah dan ngabar Kabar Lamus tentang Karajaan Hatalla akan ulun are. Kadue blas murid mapahayak Ie. 2Dan pire-pire beti ulun bawi je jadi amat bara roh-roh jahat nguan pamiar se umba Yesus. Ice beti bara kawan bawi je iyeje Maria Magdalena je baasal bara kota Magdala. Ie iyeje ulun je jadi kana paamat gawin Yesus bara uju roh-roh jahat. 3Dan Yohana, sawan Chuza, ie iyeje bendahara Raja Herodes umba Susana dan are bawi je beken. Ise uras rancak nyadia kaperluan Yesus umba kawan Murid-E umba duit se kabuat.
Tanding tentang ulun pamalan
(Mat. 13:1-23; Mrk. 4:1-20)
4Are ulun bara kakare kota tarus dumah guang Yesus. Limbas je Ie mahapa tanding jituh akan ngacar ise:
5“Ice beti lun pamalan miar nawur benyi guang tanai. Metuh ie nawur benyi, pire-pire benyi je balawu guang jalan. Ulun are nanjung melai ngambu e dan kawan burung melai langit kinai e. 6Pire-pire benyi balawu guang petak babatu. Metuh huang tumbu dai benyi e je salenga balayu gawin heamti danum melai suang batu je. 7Pire-pire benyi balawu melai ngambu je tege padang uru je baduhi. Padang uru je baduhi nyuluh hayak umba benyi je, padang uru je baduhi je mahalang benyi je tau nyuluh lamus. 8Belah benyi je balawu guang petak je subur. Limbas Yesus ngesah tanding je.” Ie bapander nyaring umba ulun are: “Amun ikau huang hening, maka hening ih.”
9Limbas je kawan murid Yesus bakisek umba-E: “Narai arti tanding jituh?” 10Ie manjawab ise: “Hatalla jadi manyatakan akammu katutu je tasuhuk tentang Karajaan Hatalla. Tapi Aku mahapa tanding akan ngacar ulun-ulun beken je beken pangikut-Ku, mangat sapai dai wayah e je tatulis melai suang Alkitab: Ise payah narai je-Ku nguai, tapi heam payah nara-narai, dan hening narai je Ku ngacar, tapi dia mangerti nara-narai.” 11Limbas je Yesus bapander: “Aku akan manjelas tanding jituh akammu, benyi je malambangkan peteh Hatalla. 12Petak je melai saran je kilau ulun je hening peteh Hatalla, limbas je talun kambe dumah dan ngindu peteh je bara ise akan mancegah ise percaya dan kana salamat gawin Tuhan. 13Petak je tipis kilau ulun je hening peteh Hatalla narima e dengan kahanjak. Limbas je peteh je dia baakah melai ie sahingga ise baya percaya baya hanjulu limbas je ise tende percaya umba Hatalla katika ise keme pancobaan je babehat. 14Petak je tege numbu uru je baduhi kilau ulun je hening dan percaya umba peteh Hatalla. Limbas je pehe atei umba pambelum se, panatau dan kanahuang umba taluh je are, sahingga ise belum dia sama kilau peteh Hatalla. 15Petak je subur sama kilau ulun je hening dan narima peteh Hatalla dengan pikiran je jujur dan tulus. Limbas je ise tarus percaya dan ise mahasil bua je taat dan satia umba Tuhan.”
Tanding tentang sumbu
(Mrk. 4:21-25)
16Yesus malanjut pander e: “Metuh ulun pelum sumbu, ie dia manutup e umba makuk atau ngina e guang penda meja. Sebalik e, ie ngina e melai ngambu meja, akan tau patarang uras ulun je tege melai suang pasah je. 17Gawin kakare taluh je tasuhuk pada akhir e kerei akan ngatawan dan jadi tarang. 18Gawin je, hening bua-buah narai je Aku ngacar, gawin ulun je huang maham narai je Ku ngacar, Hatalla akan nambah kemampuan akan maham labih are jua akai e. Tapi mbagi satiap ulun je dia huang bausaha mangingat dan maham ajaran-Ku, aluh ie marasa arep e jadi paham, Hatalla akan ngindu kamapuan e je bara ie.”
Yesus umba kawan pahari-E
(Mat. 12:46-50; Mrk. 3:31-35)
19Sinde katika metuh indang umba ading hatue Yesus dumah akan bapander umba-E. Tapi ise heam tau nukep-E gawin are tutu ulun ngaliling Ie. 20Ice beti mander akai-E: “Indang umba kawan ading-Mu metuh nunggu melai luar dan ise huang nyundau Ikau.” 21Tapi Yesus bapander umba uras ulun: “ulun are je hening ajaran Hatalla dan manaati e. Ise je Aku nganggap e sama kilau indang umba kawan paharik-Ku.”
Riwut barat je numun auh taluh kuan Yesus
(Mat. 8:23-27; Mrk. 4:35-41)
22Metuh sinde andau, Yesus umba kawan murid-E lupat guang ice kalotok dan Ie bapander umba ise: “Yu ita miar guang silan danau.” Ise lupat kalotok dan tulak. 23Katika ise metuh balayar, Yesus tiruh. Salenga ih dumah riwut je kuat tutu melai danau je, dan jukung se kutep gawin danum sapai ise huang kahem. 24Jadi, kawan murid-E guang pisik Ie dan bapander: “Guru! Guru, ndohop ikei, ikei huang matei.” Limbas je Ie misik pasau hikat dan nyuhu riwut umba galombang akan tende, dan galombang je tende pasau ih danau je dia bagalombang dai. 25Yesus bapander umba ise: “Aku kacewa gawin kame dia yakin umba-Ku.” Kawan murid-E mikeh dan hengan umba narai je jadi terjadi. Limbas je ise bapander ice umba je beken e: “Ulun macam naraikah Ie tuh? Ie nenga parintah akan riwut umba danum, dan riwut umba danum je tau taat umba-E!”
Yesus paamat ulun je kasarungan bara ulun wilayah Gerasa
(Mat. 8:28-34; Mrk. 5:1-20)
26Yesus umba kawan murid-E ndipah danau bara daerah Galilea dan sapai guang ukan melai nguwei ulun-ulun wilayah Gerasa melai. 27Metuh Yesus muhun bara kalotok melai nganih umba kawan murid-E, ice beti hatue je baasal bara kota je dumah guang Ie. Ulun je kasarungan roh-roh jahat dan jadi tahi dia mahapa pakaian. Ulun je dia melai guang pasah tapi melai guang kuburan. 28Metuh ulun je payah Yesus, ie ngombak dan basujud melai pain Yesus. Ulun je bapander umba suara nyaring: “Yesus, Anak Hatalla je Maha Kuasa, embat Ikau manderoh ikei, laku dohop ela mahukum ikei.” 29Ulun je ngombak gawin Yesus jadi nyuhu roh-roh jahat je akan balua bara ulun je: “Balua dan lihi ulun jituh!” Metuh ulun melai kota je masih manjaga ie ulun-ulun je meteng e umba rantai, tapi ie akan malapas rantai e. Baulang-ulang kali kawan roh jahat je manguasa dan mangandali e umba maksa e akan miar melai guang ukan je benyem heamti ului.
30Yesus bakisek umba e: “Ewei arammu?” Ulun je manjawab e: “Aran kei Tentara.” Ie mander aran je gawin are roh jahat je manguasa ie. 31Limbas je kawan talun kambe je laku umba Yesus akan dia ngirim ise guang naraka.
32Metuh taluh je terjadi, tege are tutu urak je kana pelum je metuh gau panginan melai saran bukit melai tukep nginje. Kawan talun kambe je laku umba Yesus akan mangijinkan ise tame guang suang kawan urak je dan Yesus nyuhu ise tame guang suang kawan urak je. 33Jadi, kawan roh jahat je balua bara ulun je dan ise tame guang rombongan kawan urak je. Limbas je ise pangguang laju tutu guang penda manuju danau dan matei gawin buseng.
34Metuh ulun-ulun je mapelum kawan urak je payah narai je jadi terjadi umba kawan urak se je, ise pangguang bara ukan se je sambil mikeh. Ise buhau guang kota se dan guang daerah sakitar e dan ngesah narai je jadi terjadi umba ulun are. 35Limbas je ulun are miar guang nganih akan payah narai je jadi terjadi. Ise sapai melai ukan Yesus melai dan payah ulun je jadi kana lihi gawin roh jahat je metuh je jadi bapakain lamus dai dan kilau ulun normal dai dan ie je metuh munduk melai baun pai-E umba tenang. Ise mikeh umba Yesus. 36Ise je jadi payah narai je jadi terjadi ngesah akan ulun are je harui dumah tentang en rak tapai Yesus nyalamat ulun je bara roh-roh je jahat. 37Limbas je ulun are bara wilayah Gerasa bapander umba Yesus: “Laku dohop buhau bara ukan kei.” Gawin ise mikeh tutu. Limbas je Yesus umba kawan murid-E lupat guang kalotok dan haluli guang silan danau. 38Sahelu Yesus lihi kota je, ulun je jadi kana paamat gawin Yesus bara roh jahat je laku mangat ie tau kana suhu umba Ie: “Laku mangat ie tau sama-sama umba Ie.” Tapi Yesus dia huang dan bapander umba e: 39“Haluli ih guang kaluargamu dan ngesah akan uras ulun tentang uras je jadi Hatalla nguai akammu.” Pasau ulun je miar guang saluruh kota dan ngesah akan uras ulun: “Yesus jadi nguan taluh je lamus tutu akakku.”
Yesus pelum haluli anak Yairus dan paamat ice beti bawi je dia barigas gawin duruh daha
(Mat. 9:18-26; Mrk. 5:24-43)
40Metuh Yesus umba kawan murid-E haluli guang daerah Galilea, are ulun nyambut-E umba kahanjak, gawin ise jadi manunggu Ie. 41Limbas je dumah dai ulun ice beti je arai e Yairus. Ice beti pamimpin pasah ukan sambayang, dan basujud melai sambang baun Yesus dan laku umba-E akan dumah guang pasah e. 42Gawin anak bawi e je nyangit dia barigas dan huang matei. Anak bawi e je baumur sakitar due blas nyelu dan baya anak ice-ice e. Limbas je Yesus satuju dan miar umba ie. Metuh Ie miar guang pasah Yairus, ulun are mangarumbung Ie bara kakare arah.
43Antara karumunan ulun je, tege ice beti bawi je dia barigas duruh daha salama due blas nyelu. Ie jadi palepah uras duit e akan miar guang dokter tapi heamti je tau paamat ie. 44Ie dumah benye-benyem guang likut Yesus dan nekap lawin jubah-E mangat e tau amat dan metuh je kia duruh daha e tende. 45Limbas je Yesus bapander: “Tege ice beti ulun nekap Aku, Ewei ului e?” Metuh uras ulun mander amun ise dia nekap-E, Petrus umba ulun are je haya-hayak bapander: “Guru, are ulun je mandorong Ikau dan embat Ikau masih mangisek taluh je?” 46Tapi Yesus bapander: “Aku tawakku amun tege ulun je nekap-Ku.” Gawin aku keme kuasa akan paamat ulun balua bara arep-Ku. 47Metuh bawi je payah amun ie heam tau nyuhuk arep e, ie dumah hagerek mikeh dan basujud melai pain Yesus. Melai taharep ulun are, bawi je ngesah embat ie nekap Yesus dan en rak tapai ie salenga amat. 48Limbas je Yesus bapander umba e: “Paharik-Ku, ikau jadi amat dai gawin ikau yakin amun Aku tau paamat ikau. Metuh tuh ikau tau buli guang pasah umba damai sejahtera umba Hatalla gawin ikau jadi badamai umba Hatalla.”
49Metuh Yesus masih bapander umba bawi je, dumah ice beti bara pamimpin pasah ukan ulun sambayang je dan bapander umba Yairus: “Anak bawi mu jadi matei dai.” Jadi, dia usah manderoh guru jua. 50Metuh Yesus hening narai je kana pander gawin ulun je, Ie bapander umba Yairus: “Ela mikeh, tapi yakin ih umba-Ku, dan Aku akan nyalamat ie bara papatei.” 51Metuh Yesus sapai melai pasah Yairus, Ie baya ngaya telu murid-E, Petrus, Yohanes umba Yakobus dan ulun bakas anak bawi je. Ise tame guang suang kamar melai nguwei ukan hatun anak bawi je kana peter. 52Metuh ise tame, ulun are je tege melai suang pasah je metuh nangis dan negah-negah usuk se gawin papatei anak bawi je. Yesus bapander umba ise: “Tende dai manangis, gawin ie dia matei, tapi baya tiruh ih.” 53Metuh ise hening pander e, ise natawe Ie dengan nada malea, gawin ise tawan amun anak bawi je jadi matei dai. 54Tapi Yesus guang anak bawi je dan nahan lengei e dan bapander umba suara nyaring: “Anak tabela, misik dai!” 55Limbas je salenga ih anak bawi je belum haluli dan hikat. Yesus nyuhu ulun bakas e nenga akai e panginan. 56Apang umba indang e takicet tutu, tapi Yesus ngahana ise mander akan ewei bewei.
Zur Zeit ausgewählt:
Lukas 8: CAV
Markierung
Kopieren
Vergleichen
Teilen
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
capur açu Bible by Beyond Translation is licensed under Creative Commons Attribution-ShareAlike 4.0 License.
