Jon 18
18
1Iesu neterenita nar min uk, neterier ilar tan ieremim min le neutai nu Kedron, iken ka nasuman ker iken, an neteruan le nowan, ilar tan ieremim min.
2An Judas ierem ramaurai in rhinatin nasuman ka, mero in ka Iesu rakavan ena iken le nian min, ilar tan ieremim min.
3An Judas neteros nahuto mene nolatkokun nar te neremera le nuhwasigenan mene Farisi min, an neterua iken le nisia mene lamp mene nar to neluakenan.
4An Iesu neterhinatin naremnar min terepua ton neterier mameni to ilar Pehe an nakamaitkoigen?
5Netakairam ton, Iesu le Nasareth. Netereni to ilar, Io ka in. An Judas mun ierem ramaurai in ramail ilar min.
6An netereni to ilar moma, Io ka in, an netakaivan in tan ilar maram le nemapten.
7An netererhapuk mun to ilar, Pehe un nakamaitkoigen? An netakani, Iesu le Nasareth.
8Iesu neteraram, Iaknenita to kamiar moma Io ka in. Mero in ka takama nakamaitkoigen io, pas nerem min uk karuan.
9Moma nakaran ka terepet ramameni moma, Nerem namofa ilar kam io iemesiapatouan in ker.
10An Saimon Piter ramamos nau apahm, neterevi neterho iolatkokun nar te ieremera le nuhwasigenan, merai ita numatelegen matu. An netige iolatkokun nar ka Malkas.
11An Iesu netereni to Piter, Ofen mun nau le niman; nevige nar Tata ramofa kam io tiepesamnuman lan?
12An nahuto mene ieremera le soldier min mene nolatkokun nar te Ju min netakarhiapatin Iesu mamalis.
13An netakarir maiupan maruan to Anas; mero in ka in mira Kaiafas, ierem reremera le nuhwasigenan le nu ka.
14An Kaiafas in ka ierem rameni to Ju min moma ravit to ieremim karena teremis to neremim petum.
15An Saimon Piter ramoatisig in Iesu, ilau tan ieremim ker mun. An tan ieremim ierem ka ieremera le nuhwasigenan remhinatin in, an neteruan ilau Iesu le nowa nimwa te ieremera le nuhwasigenan.
16Mero Piter neteramail ilua le nausilua. An tan ieremim, ierem ka ieremera te nuhwasigenan remhinatin in, neterier mameni to ierem ramait to nausilua miripa mun Piter imwa.
17An beresuas ierem ramait to nausilua netereni to Piter, Resolan moma Ik mun ker le tan ieremim min ieremim uk? In netereni, Resolan moma io.
18An nolatkokun nar mene soldier min kenahilikam le nowanimkilu mero in ka nerapan, netakailil mamairoukam; an Piter ramamail ilar min mameroukam.
19An ieremera le nuhwasigenan netererhapuk to Iesu to tan ieremim min mene to netikunan tahan.
20Iesu neteraram ton, Io iemameni atou to ten uk; nian min petum iemetikun le nimwa ahwak mene le nimwa ahwak asul iken Ju min karhwafugen ilar min iken, an iemesenimaniwanan nar ker.
21Retol nakamehrapuk tonio? Ahrapuk to nerem kamemairou moma neta iemameni to ilar. Ahm ru, ilar min uk karhinatin nar iemameni.
22An rameni nar min uk an iolatkokun nar ker ierem ramemail iwaket neterep nikapu Iesu mameni, Ik nakamaram to ieremera le nuhwasigenan mok lan?
23Iesu neteraram ton, Takama iemeni nar retat ausito in nar retat; mero takama iemeni nar ut, retol nakamep io?
24An Anas neterelis in hmalipen to Kaiafas ieremera le nuhwasigenan.
25An Saimon Piter ramail mameroukam. An netakani ton, Resolan moma ik mun tan ieremim ker? Neterapun meni, Resolan moma io.
26Ker le nolatkokun nar te ieremera le nuhwasigenan, pian ka ierem Piter ramerai ita numatelegen, netereni, Resolan moma iemahm ik le nasuman kamilau min?
27An Piter neterapun mun; an ihwe am menuk neterakaka.
28An netakarir iatou Iesu to Kaiafas netakaruan le nimwa asul; an loaperimianan; an ilar netakaipas ipen nimwa asul, mama tesetakenan neremausiman tenilar, mero in ka moma takarkin Napitean.
29Au Pailet neterier muan ilua to ilar mameni, Neta tehwaga tat nakameihlaupen le ieremim uk?
30Netakairam manipen ton, Takama ieremim uk resolan tehwaga tat, to iesaiuraipenan kam ik.
31An Pailet netereni to ilar, Arir atu to kamiar marhwaprai in le nowa asul temiar. Ju min netakani ton, Resmatuan to kamar mama tiakarhwapnin ieremim ker.
32Moma nakaran te Iesu terepet ierem ramameni mametikun moma nemisan etol terepemis lan.
33An Pailet neteruan mun le nimwa asul, neteraunin Iesu mameni ton, Ik ieremera te Ju min?
34Iesu neteraram, Ik nakameni atu nar uk, wa nerapusen kamani nar uk lak tonik?
35Pailet neteraram, Io Jo? Neramam mene neremera le nuhwasigenan Kamaiuraipa ik kam io. Neta ik namol?
36Iesu neteraram, Niko tahak resolan moma taha ten uk; tahama niko tahak taha ten uk to nolatkokun nar tahak keiluaken mama tesauraipenan io kam Ju min. Mero towe resolan moma niko tahak resipe le ten uk.
37An Pailet netereni ton, An ik Ieremera? Iesu neteraram, Ik nekneni moma io Ieremera. To nar uk kavaih io, an to nar uk iava le ten uk moma tiakausito in nuparhienan; ierem le nuparhienan tererou noiak.
38Pailet netereni ton, Neta nuparhienan? An neterenita nar uk, neterier mun to Ju min mameni to ilar, Iesahman noukarin nar ker lan.
39Mero tehwaga ker temiar moma tiakrisin ieremim ker to kamiar le Napitean. An nakarolkeikei mama tiakrisin to kamiar Ieremera te Ju min?
40An netakaikar apahm mun mamani, Resolan moma ieremim uk mero Barabas. Mero Barabas in ierem ramakihla.
Επιλέχθηκαν προς το παρόν:
Jon 18: LEN1902
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
Published by the British and Foreign Bible Society in 1902, reprinted in 1935.