Jon 19
19
1An le nar uk Pailet neteros Iesu makahmo.
2An soldier min netakailel nul kasik markoupen le tenkapa, an netakarviu in le nar reloulou.
3An netakarua ton mamani, Agien, Ieremera te Ju min; an netakamarep nikapun.
4An Pailet neterier mun ilua mameni to ilar, Aihm ru, tiakir iatou in to kamiar, moma tenakarhinatin mama iesahman noukarin nar ker lan.
5An Iesu neterier ilua kinkoupen nul kasik le tenkapa an kaviu le nar reloulou. An netereni to ilar, Aihm ru, ieremim.
6An neremera le nuhwasigenan mene nolatkokun nar netakaihm in, an netakaikar apahm mamani, Uit le nik aluauin, uit le nik aluauin. Pailet netereni to ilar, Kamiar arir atu maruit, mero in ka io iesahman noukari nar ker lan.
7Ju min netakairam ton, Nowa asul temar ramarik an le nowa asul ka in terakeikei memis, mero in ka ramamol atu in moma Neri Wuhgin.
8An Pailet netererou nakaran uk, an naginan tahan ramibor aken.
9An neteruan mun le nimwa asul mameni to Iesu, Nemsipetuan uk? Mero Iesu neteresaraman ton.
10An Pailet netereni ton, Ik tenesakaran kam io? Ik nakashinatinan moma iakamos nesanenan to nirisinan ik, an io iamos mun nesanenan to neruitan ik?
11Iesu neteraram ton, Ik nepesosan nowanveri nesanenan ker tonio takama kamesofenean kam ik le neai; mero in ka le nar uk ierem ramauraipena io kam ik ramol tehwaga tat iribor.
12Le nar uk Pailet neterolkeikei moma tererisin in, mero Ju min netakaikar apahm mamani, Takama tenekrisin ieremim uk resolan moma ik taniel Sisar. Ierem terol atu in kama ieremera terakar tat kam Sisar.
13An Pailet netererou nakaran min uk neterir Iesu mier ilua, an neteramowata le nihmawa te nuhwapraian le noanverin ka kameni kama, Le kapiel kamepin, mero le nakaran Hibru kameni kama, Kabatha.
14An nian kenamarepinapina to Napitean an rolkoma aur katilum makarena. An netereni to Ju min, Aihm ru, Ieremera temiar.
15An ilar netakaikar apahm, Hwapnin, uit in le nik aluauin. Pailet netereni to ilar, Tiaperuit Ieremera temiar? Neremera le nuhwasigenan netakairam, Iesarosan ieremera ker mro Sisar am.
16An le nar uk neterofen in kam ilar to neruitan.
17An netakaros Iesu. An ramamles atu nik aluauin ton, neterier mua le noanverin ker kameni netigen kama Ten le nevigkihla, ierem kameni le nakaran Hibru kolkotha.
18Iken netakaruit in, ihilel ieremin pusen kiu ker le neutain ker le neutain, an Iesu ilukan.
19An Pailet netererai mun netigen neterehlaupen le nik aluauin; an kamrai moma, Iesu le Nasareth, Ieremera te Ju min.
20An Ju min ribor netakaihwin netigen, mero in ka iken kameruit Iesu iken iwaket to nauanu; an kamrai le nakaran Hibru mene Rom mene krik.
21An neremera le nuhwasigenan te Ju min netakani to Pailet, Tenesraian moma, Ieremera te Ju min, mero tenakrai moma, Rameni, Io Ieremera te Ju min.
22Pailet neteraram, Nar iemrai iaknemrai.
23An soldier min netakaruit Iesu, netakaros nar ravaka lan netakaihlau numanin kuer, karena kiten le soldier min, mene napen imwa; an napen imwa kamestilan kenouh petum iles meroapus.
24An netakani to ilar min, Pas kasahipuan mero takaitag nar ton moma terua le fe; moma nawowa terepet moma,
Kamaroti nar iakava lan le ilar min,
Maitag nar to nar iakava lan.
25An soldier min netakarol nar min uk; mero kamamuail iwaket to nik aluauin te Iesu inen mene nohreki inen, Meri nuai Klopas, mene Meri Makdalini.
26An Iesu neterahm inen mene tan ieremim ierem in rolkeikei ramail iawaket, an netereni to inen, Beravin, ahm ru nerum.
27An netereni to tan ieremim ka, ahm ru inam. An le nian ka tan ieremim ka neterir in le nimwa tahan.
28Mun ka Iesu neterhinatin moma naremnar min kenol petum, mero in ka moma nawowa terepet netereni, Iakowawa.
29Kahmatuk iken nevige nar ret le vinekar, an netakatik spanj ret le vinekar le nelimi hisop marofen le hnulin.
30An Iesu neteros vinekar netereni, Kenol naunin, an neteretaghiau mofen mun nanumun.
31An Ju min netakaihrapuk to Pailet mama takarhahl nelikin ihlel kosita ihlel mero in ka nepinapinean, moma nubalakin ihlel teresarikan le nik aluauin le nian ausim, ka nian asul.
32An soldier min netakarua markahl neliki ierem aupan mene ierem ka kameruit ihlel min,
33Mero netakarua to Iesu maihm mama reknemis ita, netesarkahlan nelikin.
34Mero soldier ker neterelig ikalin le suk, an ihwe am nita mene nu netukuaih atou.
35An ierem ramahm ramausito in, an nausitoan tahan in nuparhienan, an in rhinatin moma rameni nuparhienan, moma kamiar mun tenakani nuparhienan lan.
36Mero in ka nar min uk kenol moma nawowa terepet, Nekilkilin her tepeserkahlan.
37An mun ka nawowa ker mun rameni, Tepamaihmena ierem ilar kamalig in.
38An kenol etahun nar min uk Josef le Arithmia, tan ieremim Iesu ker, mero ramaman maniwan mero in ka ragnin Ju min, netererhapuk to Pailet moma terosita nubalaki Iesu, an Pailet neterehganin. An neterua mosita nubakalin.
39An Nikodimas neterua mun, ierem ramaupan mua ton nian ker lapin an neteros mua mer kamol pilpil ilau alos nepukaman tahan paund 100.
40An netakaros nubalaki Iesu marviu le nar ituga tuan mene nihinar, rolkoma tehwaga te Ju min to nerenumaran.
41An iken kameruit in iken nasuman ker, an le nasuman ka nepag vi ker ierem kamesehlauan ieremim ker iken.
42An netakaihlau Iesu iken mero in ka nepinapinean te Ju min, mero in ka nepag iwaket.
Επιλέχθηκαν προς το παρόν:
Jon 19: LEN1902
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
Published by the British and Foreign Bible Society in 1902, reprinted in 1935.