Olianyanpi kin 26
26
1Hehan Agrippa Palos heciya, Wanna woyahdake kte cin iyowinniciyapi ce. Unkan hehan Palos nape kin hdugate c̣a wohdaka.
2Agrippa wicaśtayatapi kin, Juda oyate taku iyamaonpapi kin owasin nakaha nitokam wowahdake kte cin heon imduśkin.
3Juda wicoḣan kin wiwangapi ko owasin tanyan hdukcan nanka sdonwaya, heon etanhan. Qa hecen ceciciya ce, wacin tanka on namaḣon wo.
4Tokaheya tanhan Jerusalem ekta mitaoyate kin om, homakśidan ehantanhan, token oḣanyan waun qon Juda wicaśta kin owasin sdonyapi.
5Token ohpundapi ece kin owotanna ḣince cin en opeya waun, Pharisee hemaca, hena e otokaheya tanhan sdonmayanpi, oyakapi cinpi unkanś.
6Qa nakaha Wakantanka hunkake wicunyanpi kin iwahowicaye ciqon he apepi kin on, den mayacopi kin ecen nawajin.
7De ekta wicoun unkitawapi ake nonpapi kin iyohipi kta e ape yukanpi, qa anpetu hanyetu ko cekiyapi ece. Agrippa wicaśtayatapi kin, woape kin de on Juda wicaśta wimawangapi qon.
8Wakantanka wicaṭe cin ake ekicetu wicaye cin he tokeca e he taku wicadapica śni kecanipi he.
9Mis eya Jesus Nazareth etanhan caje kin on, taku ota kipajinyan ecainon kta iyececa kepce ciqon.
10Jerusalem ekta hena hecen ecamon qon; qa wawayuśna tankapi kin wowaśake maqupi kin on, wicaśta owotanna kin ota wicakaśka tipi kin en iyewicawaye c̣a, ṭe yapi kta wicayacopi qehan, miś eya iyecen epa ece.
11Qa omniciye tipi kin iyaza otakiya wicawakaśtake c̣a, waośtehda wicawakiye c̣a, nina canniye wicawaye cin heon otonwe tokeca ekta śicaya wicawakuwa.
12He icunhan wawayuśna tankapi kin wowadake wowapi ko maqupi kin, he yuha Damaskos ekta imdamda.
13Unkan tahepi iho, wicaśtayatapi, anpe cokaya kin hehantu, iyoyanpa wan anpetu wi kin sam iyeya wiyatpa kin he wanmdaka, he ihdokśan iyoyanpa maye c̣a tona om mawani kin hena nakun.
14Unkan owasin makata eḣpeunkiciyapi, hehan wieaho wan nawaḣon, Hebrew iapi on hecen emakiya, Salos, Salos, tokeca śicaya mayakuwa he, can pesto kin nayaḣtake cin he teḣika ce.
15Unkan miś, Itancan, nitowe he, epa. Unkan, Jesus śicaya yakuwa kin he miye ce, eya.
16Tuka inajin, qa nisiha kin on najin wo; token wandake c̣a, tokata taku wanyag ciciye kte cin hena en waayatanin, qa ookiye kin cicage kta e heon nakaha wanmayag ciciya.
17Oyate kin etanhan ecihdaku kta, Ikcewicaśta kin nakun, hena e ekta nakaha ye ciśi.
18Iśta wicadumdaye c̣a, otpaza etanhan iyoyanpa ekta, qa Satan towaśake kin etanhan Wakantanka ekta wicaduhomni kta; qa hecen wacinmayanpi kin on waḣtanipi wicakicicajujupi kin, qa tona ska wicakagapi kin hena om woyuha yuhapi kta ce.
19Hecen on, Agrippa wicaśtayatapi kin, maḣpiya wowanyake kin he ceṭunwahda śni.
20Tuka tokaheya Damaskos en yakonpi, qa Jerusalem, qa Juda makoce kin owancaya, qa nakun Ikcewicaśta kin, ihduecetupi, qa Wakantanka ekta ihduhomnipi kta, qa ihduecetupi wicoḣan kin econpi kta hena hecen owicawakiyaka ece.
21Hena on etanhan, Juda wicaśta kin tipi wakan kin ohna mayuzapi, qa maktepi kta tuka.
22Tuka Wakantanka omakiye cin heon anpetu kin dehanyan wani, qa tona ciqapidan tankinyanyan ko, wicawakiyaotanin, qa wicaśta wokcan kin Moses kici taka u kte cin oyakapi qon henana owicawakiyaka ece.
23Messiya kakije kte c̣a iye tokaheya wicaṭe cin etanhan najin kta, qa oyate kin Ikcewicaśta ko iyoyam wicaye kte cin.
24Hena hecen eya, unkan Phestos hotankakiya ie c̣a, Palos niyuhnaśkinyan, wowapi ota onspenic̣iciye cin he wicayuhnaśkinyan en iyeniyan ce, eya.
25Tuka iye, Phestos iyotan waste kin, mayuhnaśkinye śni, tuka wowicake wicowaḣbadan oie kin epa ce, eya.
26Qa wicaśtayatapi kin is hena tanyan sdonya, heon itokam waditagya wowahdaka, hena taku kin iye kin anakiḣmanpi śni e mdukcan, okaḣmin en econpi śni nakaeś.
27Agrippa wicaśtayatapi kin, wicaśta wokcan kin hena wieayada he. Wicayada e sdonwaya.
28Hehan Agrippa Palos heciya; Kitan ecinyan Kristian hemaca kta e awacinmayaya ce.
29Unkan Polos heya, Wakantanka cewakiya ce, niye niśnana śni, tuka tona anpetu kin de namaḣonpi kin owasin, kitan ecinyan hee śni, tuka ocowasin miś waun kin iyecen yaunpi kta, tuka icaśke kin dena ope kte śni.
30Hena hecen eya, unkan hehan wicaśtayatapi, qa wicaśta itancan kin, Bemike kici, qa tona om iyotankapi kin hena ko najinpi;
31Qa icunom yapi qa, Wicaśta kin de taku on ṭe kte ca, kaśkapi kte cin takudan econ śni ce, iyakitedan ekiciyapi.
32Hehan, Wicaśta kin de Kesar cajeyate śni unkanś kiyuśkapi kta tuka, Agrippa Phestos eciya.
Currently Selected:
Olianyanpi kin 26: DAKOTANT
Highlight
Share
Copy
Want to have your highlights saved across all your devices? Sign up or sign in
© Copyright 2015 American Bible Society. All Rights Reserved.