LUKU 19

Zakeusi

1Kũ Yesu kà Yɛriko, àtɛn gɛ̃tɛ a gũn. 2Gbɛ̃ke kú gwe a tɔ́n Zakeusi. Bɛ'ɔgɔsirinɔ gbɛ̃ zɔ̃kɔ̃ɔmɛ, akũsɔ̃ aruzɛkɛdemɛ. 3Àtɛn wɛtɛ à e gbɛ̃ kũ Yesu de a ũ, ama gbɛ̃ kutuumɛ, adi fɔ̃ à a èro pari yãi. 4Akũ à bàa lɛ̀ à gɛ̀ɛ arɛ à dìdi síri lía de à Yesu e, zaakũ ani gɛ̃tɛ gwe kpamɛ. 5Kũ Yesu kà gwe, akũ à wɛ́ sɛ̀ musu à pìnɛ: Zakeusi, ǹ kipa likalika. Séde mà kipa n bɛa gbãra. 6Akũ Zakeusi kìpa likalika, à gbãnakɛ kpài kũ pɔnnao. 7Kũ gbɛ̃nɔ è lɛ, akũ òtɛn yãkete ká ò pì: À gɛ̀ɛ kipa durunnakɛri bɛa. 8Akũ Zakeusi fùtɛ à zɛ̀ à pì Dikirinɛ: Dikiri, mani ma aruzɛkɛ kpado kpaatɛ takasidenɔnɛ. Tó ma gbɛ̃ke blè sɔ̃, mani ɛra mà a gɛ̃nɛ kpáa lɛu siikɔ̃mɛ. 9Akũ Yesu pìnɛ: Ɔn dí denɔ surabanaa è gbãra. Zaakũ gbɛ̃ díkĩna se bi Ibrahĩ burimɛ. 10Bisãsiri Nɛ́ sù de à gbɛ̃ kũ à sã̀tɛ wɛtɛ à a sura bamɛ.

Ɔgɔdakɛna zĩkɛrinɔnɛ

(Mat 25:14-30)

11Gɔrɔ kũ òtɛni a yã pì ma, akũ à ɛ̀ra à yã kàrańnɛ dɔ. Lákũ à kà kãni kũ Yurusalɛmuo nà, òtɛn da kpata kũ à bò Luda kĩnaa ni bo gupuraa gɔ̃̀nɔmɛ, akũ à yã lɛ̀kɔ̃ańnɛ 12à pì: Kína buri ke mɛ́ àtɛn gɛ́ kpata ble bùsu zã̀zãn, ani ɛra à su. 13Akũ à a zĩkɛrinɔ sìsi gbɛ̃nɔn kuri, à andurufu ɔgɔwapu kpà ń baadia mɛ̀n basɔsɔɔro à pìńnɛ: Àgɔ̃ laga táo ari màgɔ̃ gɛ́ su. 14A bùsudenɔ sɔ̃ ò zã̀agu, akũ ò zĩ̀rinɔ zĩ̀ a kpɛ ò pì: Óni we gbɛ̃ pì kí blewɛrɛro. 15A suna kũ kpatablenaao gbɛra, à pì ò zĩkɛri kũ a ɔgɔ kpàḿma pìnɔ sísi, de à le à dɔ̃ lákũ ò àree lè nà. 16Gbɛ̃ káaku sù à pì: Dikiri, n ɔgɔ pìi àree kàramɛnɛ lɛu kuri. 17Akũ à pìnɛ: N kɛ̀ zĩkɛri mana. Lákũ ń náani vĩ kũ a fítio nà, ĩnigɔ̃ gbãna vĩ wɛ̃tɛ mɛ̀n kurinɔa. 18Gbɛ̃ plade sù à pì: Dikiri, n ɔgɔ pìi àree kɛ̀ lɛu sɔɔro. 19Akũ à pìnɛ: Mɔkɔ̃n sɔ̃, ĩnigɔ̃ gbãna vĩ wɛ̃tɛ mɛ̀n sɔɔronɔa. 20Akũ gbɛ̃ pãnde sù à pì: Dikiri, n ɔgɔn la. Ma ùtɛ kokona bizakasa gũn. 21Má n vĩna vĩ, zaakũ n yãnɔn zĩ'ũ. Ndì pɔ́ kũ ńdi ditɛro sɛ́, ndì pɔ́ kũ ńdi tɔ̃ro kɛ̃. 22Akũ à pìnɛ: Zĩkɛri zara, n lɛ́ mɛ́ à n karii kɛ̀. Ń dɔ̃ kũ ma yãnɔn zĩ'ũ, madì pɔ́ kũ mádi ditɛro sɛ́, madì pɔ́ kũ mádi tɔ̃ro kɛ̃. 23Kũ ń dɔ̃ lɛ, bɔ́yãin ńdi ɔgɔda kɛońnɛroo, de tó ma su, mà a pɔ́ sí kũ a àreeo? 24Akũ à pì gbɛ̃ kũ ò kú gwenɔnɛ: À a ɔgɔ pì sía à kpá gbɛ̃ kũ à àree lè lɛu kuriia. 25Akũ ò pìnɛ: Dikiri, à àre lɛu kuri kũna kɔ̀. 26Akũ à wèḿma à pì: Matɛn oárɛ, gbɛ̃ kũ à pɔ́ vĩn Luda ni karanɛ. Gbɛ̃ kũ à vĩro sɔ̃, bee pɔ́ kũ à vĩ Luda ni síamɛ. 27Ma ibɛrɛ kũ ò ye mà kí bleńnɛronɔ sɔ̃, à mɔ́ kũńwo la à ń dɛdɛ ma arɛ.

Gbãnakɛkpana Yesui Yurusalɛmu

(Mat 21:1-17; Maa 11:1-19; Yuh 12:12-19)

28Kũ Yesu yã pìi ò à làka, akũ à dà zɛ́n, àtɛn gɛ́ Yurusalɛmu. 29Kũ à kà kãni kũ Bɛtɛfageo kũ Bɛtanio, sĩ̀sĩ kũ òdi pi Kùkpɛ gɛrɛɛi, akũ à a ìbaa zĩ̀ gbɛ̃nɔn pla 30à pìńnɛ: À gɛ́ lakutu kũ à kátɛ á arɛ direkũ gũn. Tó a gɛ̃, áni zaakinɛ bɔ̀rɔ e bàdɔna gwe, gbɛ̃ke dí dia zikiro. À poro à suo. 31Tó ò á lá ò pì, à kɛ̀ deran átɛn poroo, à pi Dikiri mɛ́ à yei. 32Akũ zĩ̀rinɔ gɛ̀ɛ, ò è lákũ à òńnɛ nà. 33Kũ òtɛn zaaki pì poro, akũ a dikirinɔ ń lá ò pì: Dí mɛ́ à pì à zaaki pìi poroo? 34Ò wèḿma ò pì: Dikiri mɛ́ à yei. 35Akũ ò sù kũ zaaki pìio Yesunɛ, ò ń utanɔ kpàtɛa, akũ ò Yesu dìa. 36Lákũ àtɛn gɛ́ nà, gbɛ̃nɔ tɛni ń utanɔ kpátɛ zɛ́n.

37Kũ à kà kãni kũ gu kũ zɛ́ pìi mìi pɛ̀tɛ Kùkpɛ sĩ̀sĩ guvutɛnwo, akũ pɔnna gũn a ìba kũ ò tɛ́inɔ pínki nà Luda sáabukpanaaa kũ kòto gbãnao daboyã kũ ò ènɔ musu pínki 38ò pì:

Arubarikaden kína kũ àtɛn su kũ Dikiri tɔ́o ũ.

Aafia kú ludambɛ!

Ò Luda tɔ́ kpá zaa musu!

39Farisi kũ ò kú zàa gũn kenɔ pìnɛ: Dannɛri, ǹ pata n ìbanɔa. 40Akũ à wèḿma à pì: Matɛn oárɛ, tó ò yĩ̀tɛ, gbɛ̀nɔ mɛ́ oni wiki pì lɛ́.

Yesu ɔ́ɔdɔna Yurusalɛmudenɔnɛ

41Kũ à nà Yurusalɛmui, à gwà, akũ à ɔ́ɔ dɔ̀ a musu 42à pì: Tó n yã kũ ani sunnɛ kũ aafiaaoo dɔ̃̀ gbãra yã dé, de à kɛ nna. Tera sà à utɛnannɛmɛ. 43A gɔrɔ ni su kũ n ibɛrɛnɔ ni su ò gbà leinɔ dɔ ò likanyĩ ò n kagura kɛ 44oni n gboro oni n gbɛ̃nɔ ú lɔ́ zĩtɛa. Bee gbɛ̀ ken oni tó didikɔ̃aro, kũ ńdi gɔrɔ kũ Luda wɛ́ kpàtɛnyĩ dɔ̃ro yãi.

Yesu kunna Luda ɔnn

(Mat 21:12-17; Maa 11:15-19; Yuh 2:13-22)

45Kũ Yesu gɛ̃̀ Luda ɔnn, akũ à pɛ̀ lagayarinɔa. 46À pìńnɛ: Ò kɛ̃̀ Luda yãn ò pì: Ma kpɛ́ nigɔ̃ de aduakɛkpɛ ũmɛ, akũ a lìtɛ gbɛ̃blerinɔ tò ũ.

47Lákũ gu dìgɔ̃ dɔ nà Yesu dìgɔ̃ yã dańnɛ Luda ɔnn. Akũ sa'orikinɔ kũ ludayãdannɛrinɔ kũ gbɛ̃ zɔ̃kɔ̃nɔ tɛn zɛ́ wɛtɛ ò a dɛ, 48ama odi a kɛna zɛ́ ero, kũ gbɛ̃ sĩnda pínki sã kpá òtɛni a yã ma yãi.

Actualmente seleccionado:

LUKU 19: BB2005

Destacar

Copiar

¿Quieres tener guardados todos tus destacados en todos tus dispositivos? Regístrate o inicia sesión

Aprende más sobre Bisã Bible 2005

LUKU 19

Versículos bíblicos populares de
LUKU 19

Escucha a LUKU 19

Biblia:

Busa

Versión: Bisã Bible 2005 - BB2005

LUKU 19

LUKU 19

Versículos bíblicos populares de LUKU 19

Escucha a LUKU 19

Biblia:

Busa

Versión: Bisã Bible 2005 - BB2005

LUKU 19

Versículos bíblicos populares de
LUKU 19