Versículos más leídos de la Biblia HAOKAPHOK 6

Compartir

Kala okathuili mikumo semhaikasāwui vang PROHO wukkhananghaowa.

Okathui alungli mikumowui makaphā sorngasai kahai kala makaphāmāng chukkhamaja katang makhavai chi PROHOna thei.

Kha PROHOwui mangāli Noahva ngahānkhangai mi ngasāsai.

Noahwui naothot hithai. Noah khamashunga mina, awui thotli shātmakakā mina; Noahna Vareli ngavaplak eina okthui.

Chieina PROHOna hānga, “Ngalei eina sākakhui mi hili okathuili malei khavai mila, sāyurla, phara̱-pharāla kala kazingli yongkazat vānaobingla ina shimān ngasakserhaora, kaja athumli sākahai hi I wukkhananghaira.”

Okathuili mikumo kachungkha mataisangmamān kaji tharan, sha̱naola kachungkha pharāsanga, Varewui naomayara ngarāna miwui naongalāva̱ ngarāwui khamathā chi theilaga; athumna kapangkakhui chi khalattawui preiva̱ sāda ngakuma. Chieina PROHOna hānga, “Imanglāna mikumoli katang mavaila mangayurchingmara, kaja ava phasā khavaiana; ana zingkum shākha maga̱ okthuira.” Atam chitharān Nephilimbing okathuili pānsai, kala Varewui naomayara ngarāna mibingwui naongalāva̱ ngarāli ngakumda nao kachungkha pharā kahaiwui thilila leisai. Achālakha aming kazata kala kapanga mi chi athumna.

Varena kakaso athishurda Noahna sāsera.

Chieina Varena Noahli hānga, “Phasā khavai saikora shimān khavai ina machukhaira; kaja athumwui eina okathui hi khangama̱ khangazaina pemtinghaira; yanglu, okathui eina ngasoda athumli ina shimān ngasakra.

Gopher thing eina nakhalatta marikhong akha sākhuilu; alungli kā khailu, kala khe eina alung ayār saphinlu.

Varena okathui hi theilaga, yanglu, makhaolak eina thei; kaja phasā khavai athum saikora kachichāwui ningkachāng athishurda zatsai.

Asā vaida kharingyur kachiva̱ nali ngasoda ringkhavai, ayur kachiva̱wui khanini, chiya avā akha, ava̱ akha da marikhongli zangngasaklu.