Versículos más leídos de la Biblia Genese 1

Compartir

Tsô Aôndo kaa er: Sé er or sha inja i mlu wase, sha ibeen Yase; ishu i shin zegemnger man inyon i sha man uzendenya man tar cii kua hanma kwagh u kpelan inya, u a kper a kpela sha tar kpaa, ve̱ lu sha ikev ve. Nahan Aôndo gba or sha inja i mlu Na, lu sha inja i mlu u Aôndo je A gba nan ye; lu nomsoor man kwase A gba ve ye.

Aôndo ver ve doo doo; Aôndo kaa a ve er: Mar nen kpishi, seer nen ngeen, iv nen tar, gema nen u, u̱ lu sha ikev yen; ishu i shin zegemnger man inyom i purugh sha kwavaôndo man hanma kwagh u uma u a zenden sha tar cii, ve̱ lu sha ikev yen.

Sha hiihii Aôndo gba Sha man tar

Tar yô, gba lun dang, gbilin tsô; ime lu sha zegemnger man Jijingi u Aôndo gba karen sha kwavmnger.

Tsô Aôndo kaa er: Iwanger i̱ lu; maa iwanger lu je.

Tsô Aôndo gema nenge hanma kwagh u Un er yô, lu u doon tsung. Nahan hingir iyange i been man pepe, ka iyange i sha ataratar je la.

Aôndo nenge iwanger, er i doo yô; nahan Aôndo pav iwanger a ime.

Aôndo shi kaa er: Nenge, M na ne hanma imendenegh ki wan isham, ki ki lu sha tar cii, man hanma kon u ityamegh ki lu sha u, ki lun a ake kimi, a̱ hingir kwaghyan wen.

Tsô Aôndo yila iwanger er atetan, man ime yô, A yila er tugh. Nahan hingir iyange i been man pepe, ka iyange i hiihii je la.

Aôndo shi kaa er: Kwavaôndo u̱ lu hen atô u mnger, u̱ pav mngerem a mngerem.

Man shi hanma inyam i sha tar, man hanma inyon i sha, man hanma kwagh u akper a kpela inya u a lu uma yô, M na ve hanma ihuugh, ki̱ lu kwaghyan ve; maa lu di nahan je.

Aôndo shi kaa er: Akaa a nan iwanger a̱ lu sha kwavaôndo Sha, sha er a̱ pav atetan a tugh yô; a̱ lu sha ci u akav man ashighe man ayange kua anyom

Aôndo shi kaa er: Tar u̱ mende toho, imendenev mbi wan isham man ikon i umen atam sha anza a i kposo kposo, a lun a ake kimi, sha tar; maa lu di nahan je.

Nahan Aôndo er kwavaôndo, A pav mngerem ma shin kwavaôndo a mngerem ma sha kwavaôndo la; maa lu di nahan je.

Tsô toho mende sha tar, imendenev mbi wan isham sha anza a mbi; man ikon i umen atam a lun a ake kimi sha anza a i. Aôndo nenge er i doo nahan yô.

Tsô Aôndo er akaavesen a nan iwanger ahar, u hemban la sha u a̱ lu a tahav atetan, u kiriki la yô, a̱ lu a tahav tugh; kua asan kpaa.

Aôndo shi kaa er: Mngerem ma shin kwavaôndo ma̱ kohol ijiir i môm, tareghnyaagh u̱ due; maa lu di nahan je. Tsô Aôndo yila tareghnyaagh er tar; man mngerem ma ma kohol mara yô, A yila ma er zegemnger. Aôndo nenge er i doo nahan yô.

Shi Aôndo ver ve doo doo kaa er: Mar nen kpishi, ngee nen, iv nen shin mngerem ma uzegembamngerev; inyon kpaa i̱ seer a seer ngeen sha tar.

Aôndo shi kaa er: Tar u̱ due a akaauma sha inja i a, uzendenya man akaa a a kper a kpela inya man inyamtoho i sha tar, sha anza a ve; maa lu di nahan je.

Aôndo shi kaa er: Mngerem ma̱ mgbough a akaauma a zenden shimi, inyon kpaa i̱ purugh sha tar, sha kwavaôndo Sha.

Aôndo er inyamtoho i sha tar sha anza a i, man uzendenya di kpaa sha anza a ve, man hanma kwagh u a kper a kpela inya sha inja na. Aôndo nenge er i doo nahan yô.