Versículos más leídos de la Biblia Jenesis 1

Compartir

Is ika a Atua, Intaijmu ago natimi an nalmuitaij akataij yi idivaig cataij: erumu esjilid ara irai iji mu an jap, im niji man an nauanohatag, im niji itai eklim edo irai pece auata upene, im niji itai atahas asega et atahas an nobohtan, im nobohtan asega. Is ago natimi a Atua an nalmun, is ago yin aien an nalmui Atua; is ago rau aien natamaig im natahig.

Is acis yi alwai rau a Atua, is ika ehele rau a Atua, Arumu asvalav aijaurau yi ahinag, erumu terim-terim ara an nobohtan, um atimarid iran: erumu esjilid ara irai mu an jap, im niji man an nauanohatag, im niji itai umumoh asega et amen an nobohtan.

IS ago nohatag a Atua im nobohtan itu acen.

Is tup upudupud nobohtan, im ti itai iran; is ataluopni narasin jap napat. Is aibuthan wai a Nesgai Atua.

Is ika a Atua, Etmu eteuc inlah: is um lah.

Is almoi niji itai asega a Atua is ago aien, mika is idim upene: is adiat siksd injupura im nuhialeg.

Is almoi inlah a Atua, mika is upene: is atiakoai inlah im napat a Atua.

Is ika a Atua, Ek mun idim alupai caurau ainyak niji obotpot ceslum asega an nobohtan asega, et amen nesgan iran, im niji obotpot cai oho asega et amen nohwan iran; inyi itai hegaig incamia nitai iji igki.

Is anvi nidan lah a Atua par ika Nadiat, um lep anvi nidan napat par ika Nepig. Is adiat uhup injupura im nuhialeg.

Is ika a Atua, Etmu eteuc nuarin lah juju irai iblai wai, par atiakoai wai.

Ek mun lep alupai itai eklim edo irai pece umumoh asega ainyak nefelelicai asega et ededel incara, im inman an nauanohatag asega, im niji itai atahas asega an nobohtan: is um uce.

Is ika a Atua, Etmu eteuc niji itai lah an nohatag par atiakoai nadiat im nepig; um asjaaicnaig irai iji opan, im niji lidija, im niji adiat, im niji mesese

Is ika a Atua, Etmu ededel nefelelicai an nobohtan, im inceslum amen nesgan iran, im nauicai yi pinid nohuun nohwan, et lep amen numta iran: is um uce.

Is ati nuarin lah a Atua, um atiakoai wai ithan nuarin lah im incopda u nuarin lah ijinies: is umuce.

Is ededel nefelelicai an nobohtan, im inceslum amen nesgan iran, im nauicai is pinid nohuun nohwan, is lep amen numta iran: is almoi a Atua mika is upene.

Is ago nitai lah alupas is ero a Atua; nitai lah esjilid uri nadiat, im nitai lah haklin uri nepig: is lep ago moijeuv aien.

Is ika a Atua, Uhmu asjapnaig niji wai ithan nohatag an nuarin yi ethi ache, etmu lep ateucrad nobohtan: is um uce. Is anvi nidan nobohtan a Atua par ika Inpece; is lep anvi nidan nasjapicnaig ui wai aien par ika Injap: is almoi a Atua mika is upene.

Is tas upene vaig a Atua, um ika, Etmu ectaig numu um ahinag, um ohua injap vaig, etmu lep ahinag niji man an nobohtan.

Is ika a Atua, Erumu amen an nobohtan niji obotpot itai umumoh, nikavaig, niji itai eklim edo irai pece auata upene, im niji obotpot itai atahas, im niji obotpot itai eklim edo irai pece aleg: is um uce.

Is ika a Atua, Etmu eteuc niji obotpot itai umumoh an jap um ahinag, im niji obotpot man ijinies an nauanohatag.

Is ago niji obotpot itai eklim edo irai pece aleg a Atua, im niji obotpot itai eklim edo irai pece auata upene, im niji obotpot itai atahas an uobohtan: is almoi a Atua mika is upene.