Versículos más leídos de la Biblia Zɛnɛse 6

Compartir

Nya ƃe malôŋ è tòo Yâwɛɛ ma a gɛɛ è núu-kpune kpɛ̀tɛ ǹɔii ma nyii ǹíi sòli a ŋánaai.

Yâwɛɛ è gàa a gɛɛ núu-kpune ŋɔŋwana-lɔɔi è kɛ̀ a gɛ́tɛ ǹɔii ma, díkoi-mɛni-ŋai díkɛ ƃô a nyɔ́mɔɔ a tãi kélee.

Kɛ́lɛ Yâwɛɛ è Nôa ŋɛ́i malôŋ kàa.

Nôa ŋɔsuui pîlaŋ-pere ká ŋí. Nôa è kɛ̀ a núu sãa. Zɔŋ fé kɛ́ ní ma ŋɔtãi ma. Nôa è Ɣâla nîa-mɛni kɛ̀.

Nya ƃe Yâwɛɛ è mò ǹyɛɛi, “Ŋa pâi núu-kpune su karâi nyii ŋá gbɛ́tɛ ǹɔii ŋí mai, fɛnɛ-sãa, ɣála-sãa da koôŋ-sãa kélee. Kpɛ́ni fêi, malôŋ toɔɔi ḿâ a gɛɛ ŋá díkpɛ̀tɛ.”

Tãi núu-kpune è ƃûu ƃò la ǹɔii su dí lóŋ-nɛyâa támaa maa sɔlɔ ƃói, Ɣâla ǹônii-sinaai dí núu-kpune ǹônii-nɛyãai kàa dílɛlɛɛ. Nya ƃe diai kélee dí díwɛ̂lii, dí díkùla a dínɛyâa. Nya ƃe Yâwɛɛ è mò ǹyɛɛ, “Ŋámɔ̂leŋ fé pâi lɛɛ̂i núu-kpune kponôi wɔlɔ-wɔlɔ da wɔlɔ-wɔlɔ, kpɛ́ni fêi, gáa a pɔ̂rɔ, kɛ́lɛ ŋɔfúlu-laai a pâi kɛ̂i nɔ́ a kóraŋ ŋuŋ tɔnɔ pôlu buu feerɛ (120).” Núu yée-laa mu siɣɛɛ wála-wala-ŋa dí kɛ̀ ǹɔii su a maa tãi tí. Naa pôlu ma tãi Ɣâla ǹônii da núu-kpune ǹônii-nɛyãai dí díkîe-ni kùla lai, dí nîa-pɛlɛɛ maa sɔlɔ ƃô. Ǹûai ŋí ƃé kɛ̀ a ŋwala-wala-ƃelai wɔlɔ-wɔlɔi tí su, nyii-ŋai dí láa è sîa ǹɔii gwaa kélee mai.

Nôa è nyíŋi kɛ̀. È mɛni-ŋai kélee ŋàa-see kɛ̀ nyii-ŋai Ɣâla è mò ma a gɛɛ é gɛi.

Ɣâla è mò Nôa ma ǹyɛɛi, “Ŋa gbɛ̀tɛ ŋ́gili ŋa a gɛɛ ŋá fúlu-sãa kélee su kara, kpɛ́ni fêi, ǹɔii láa fɛɛ̂i a díŋwana-lɔɔi. Mɛni ma ŋa pâi dísu karâi.

Yá-ŋa kéleŋ kpɛtɛ ímɛni ma. Lôŋpo-ŋa tée zu. Zu da bôlu-pere sia a béle-malaŋ.

Ɣâla è ǹɔii kàa zu karaa, kpɛ́ni fêi, fúlu-sãa kélee tûa-pere è kɛ̀ a nyɔ́mɔɔ ǹɔii ma.

Fúlu sɛŋ sii kélee tɛ́ géleŋ su, zirɛ da záa, a gɛɛ ka dîa-ni ká lɛ́ɛ a káfulu.