Micha 2
2
1Woo woat daut noch emol fa dee sennen,
dee em verut plonen, woo see aundre,
äwa dee see de Macht haben,
eenen Schoden aundoonen woaren?
See nämen sikj beeset väa, wan see noch em Bad ligjen,
un doonen daut soo schwind aus daut dach woat. #Psa 36,5
2See äwanämen Flekja waut an jankren,
un Hiesa waut an goot loten.
Soo eewen see Jewault met aundre äare Wonjebieda
un dee äa jeorwnet Launt. #5Mo 5,21; Spr 24,15; Jes 5,8
3Wäajen dit, sajcht de Har nu:
Horcht emol. Ekj näm mie waut väa,
waut fa dise Menschen woat schwoa sennen;
ut dit woaren see äa Jenekj nich rut wrigjlen kjennen.
Dan woa jie nich soo stolt romgonen,
wiels daut woat eene schwoare Tiet sennen. #Amos 5,13
4Wan daut komen woat,
woat dise Saj äwa junt oppkomen,
un aus een Trualeet jesungen woaren:
Nu es daut ut met ons.
Wie sent gaunz enne Grunt jebrocht.
Daut Launt, woont mien Volkj jehieed,
jehieet nu framde Menschen;
hee vedeelt onse Stapen opp aundre!
5Jie woaren dan kjeenen haben,
dee daut Loss fa daut Launt nämen woat,
wan see ver däm Harn toopkomen.
6Nu sajen see: Lot daut nich romjerät woaren,
daut wie woaren toschaund jebrocht woaren.
Soont saul kjeena sajen. #Amos 7,16
7Saj jie Israeliten daut met rajcht?
Meen jie däm Harn sien Jeist es ojjeduldich?
Wudd hee soont doonen wellen?
Es daut, waut ekj saj, nich waut goodet
fa däm dee doa rajcht haundelt? #Amos 6,3
8Oba jie stalen junt han aus Fiend jäajen mien Volkj;
soo aus Soldoten, dee jrod vom Kjrich trigjkomen,
näm jie dän basten Rock von eenem, dee frädlich romjeit.
9Jie joagen de Frulied von mien Volkj
ut äare scheene Hiesa rut;
jie nämen äare Kjinja daut wajch,
met waut ekj Israel emma aunjeseenen muak.
10Doawäajen mott jie nu von de Städ un wiedagonen;
opp dise Städ derw jie nich lenja bliewen.
Jie motten hunjsch vestieet woaren,
wiels jie soo jesindicht haben.
11Wan eena met eenen schlajchten Jeist Läajes prädjen deed,
un säd woo Lied drinkjen un schwaljen sullen,
dee wudd junt paussen.
12Juden, ekj woa junt gaunz secha aula trigj toopsaumlen,
un de Israeliten waut äwajebläwen sent, toopbrinjen.
Ekj woa dee soo vesaumlen
aus eena Schop en een Hock toopbrinjt,
ooda oppe Weid heeden deit.
Daut woat eene lude Schwitt von Menschen sennen. #Jer 31,10; Hes 36,37
13Doa woat eena veropp derchgonen,
un dan woaren väl derchbräakjen
un derch daut Puat rutgonen.
Äa Kjennich woat daut ieeschte sennen,
un de Har woat an veropp gonen. #Jes 52,12
Äwa de Leidasch em Volkj
Actualmente seleccionado:
Micha 2: PB
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Plautdietsch Bible © 2003 Kindred Productions and United Bible Societies Association, Inc.