آیات محبوب کتاب مقدس از O Kandɔɔ 6

به اشتراک گذاشتن

Le hee, mí mɔnɛi bii ndu, mí ndu pila ɲunan ɲɛ vem ndu vanacieo cɔvɔɔ mó soli ndu o ceendo coo-o.

Mí Mɛlɛka ca maa kɔlvesɛi vanndacieea va hiovɔɔ laci o ceendo coo tuŋ, mó ca maa lepalaa-lepala, yiyannda vɔɔnnda va nda o lakɔl-tan la va nda lueiyo o dɛnɛ vɔɔndo nin.

Kɛ mí Mɛlɛka ca Noe ɲia taw.

Polale Noe len le yɔŋnun nden ni, ndóò velu poaa nda yáá: Sɛm, Ham a Yafɛt. Vana sandaa a vana diandaa Noe yɔŋnun vanndacieea tɛɛn o paale ndɔlen ni, o va kelaa o nɛi Hala-o coo.

Mó dimi aa: «Fɔ mì tɛɛmbuu vanndacieaa ya cɔw haa mí soli nda o ceendo coo-a. I co vɛlɛ visia bɛndua, visia pɔm-pɔmbɔa kela lɛŋ-nda a yowva kpow tɛɛmbuu. I sina ɲɛ-ɲɛ vem ya nda cɔvɔɔ le.»

Mɛɛ vanndacieea kandu kuiyo o ceendo coo, má va cuavaa laandua violɔɔ, mí poaa Hala-a ca maa cuavaa laandua vanndacieea va violɔɔ-a naŋ taw, má hɛli a pum, má cua nda o nɔ̀lan. O kon, mí Mɛlɛka dimi aa: «Yoomu nuu lo lɛnin vanndacieea nin le lɔ́ɔ́-lɔ́ɔ̀ le. Kani ɲaa yoomaa bɛnda le piɔ́mndo sɔlaa-a nda co ni. Lelan, yoomu ndaa hiw lɛnin bandei o vɔsilan kɛmɛ a bidiin coo le.» Boondii ken vanaa vilɛi-vilɛiya va o lɛŋnden coo ni. Mí ndáà va vɔ vɛlɛ o kon kɔɔli. Nda yɔŋnun kuubaa cɔvaa masindɛa ni, tɔ́ɔ́ pila ndáà nɔ ni. Tuma poaa Hala-a hun cua cuavaa laandua vanndacieea o nɔ̀lan-ndo nda velu vanaa vilɛyaa kan ni.

Mí Noe tosa lende, ɲɛ-ɲɛ Hala dimul ndu le tosaa, mó tosa kpafii.

O kon, mó dimul Noe aa: «I cii kiolɔɔ o kɔl nuu nin le vanndacieea ciiyo o ceendo coo. Kani a cii ceendo tɛɛmbuu a kɔlvesɛiyo. I co nda cii mì faŋa nda o ceendo coo.

Lelan, siɔl dɛ̀ndɛ̀ bɛndu-bɛndoo a pɛngɛn yɔm siprɛs, mà tosa kungulan lenin taw, mà yikpa ndu lenin a lekɔɔli.

Mɛɛ Hala tofa vanndacieea o ceendo coo, mó ca nda a laasiannda kpow, kani vana-vana va kelaa o yɔŋ vɔɔndo nin.

A bɛnda ma lueinun visia a cɔlua súúlan kpow ikɛi o dɛ̀ndɔ̀ɔ́ nin. Visia súú-súù n va pɛ lueiyo, a luei o piaandoo a o laandoo, haliko mi kan lo yoomu.