آیات محبوب کتاب مقدس از Sant Ian 21

به اشتراک گذاشتن

Goude eta m’ho doe leinet, Jesus a lavaraz da Simon Per: Simon, mab Jona, ha karoud a rez‐te ac’hanoun muioc’h eged ar re‐man? Per a respontaz: Ia, Aotrou, gouzoud a rez e karan ac’hanoud. Jesus a lavaraz dezhan: Messaa va oaned. Lavaret a reaz dezhan eun eil gwech: Simon, mab Jona, ha karoud a rez‐te ac’hanoun? Per a lavaraz dezhan: Ia, Aotrou, gouzoud a rez e karan ac’hanoud. Jesus a lavaraz dezhan: Messaa va denved. Lavaret a reaz dezhan an deirved gwech: Simon, mab Jona, ha karoud a rez‐te ac’hanoun? Per a oe glac’haret abalamour m’hen doa lavaret evit an deirved gwech: Ha karoud a rez‐te ac’hanoun? Hag e lavaraz dezhan: Aotrou, te a oar pep tra, gouzoud a rez e karan ac’hanoud. Jesus a lavaraz dezhan: Messaa va denved.

E gwirionez, e gwirionez hen lavaran d’id: Pa oaz yaouankoc’h, te a lake da c’houriz da‐unan, hag ez eez el leac’h ma felle d’id; mes pa vezi koz, ec’h astenni da zaouarn, hag eun all a lako da c’houriz d’id, hag a gasso ac’hanoud el leac’h na fello ket d’id mond.

Hag e lavaraz dezhe: Taolit ar roued en tu deo euz ar vag, hag e kavot. He deurel a rejont eta, ha na hellent mui hen tenna er meaz gant ar bern pesked a oa enhan.

Simon Per a lavaraz dezhe: Mond a ran da besketa. Hag e leverjont dezhan: Ni a ia ive ganez. Hag ez ejont, hag e pignjont rag‐tal er vag; mes en noz‐ze ne dapjont netra.