آیات محبوب کتاب مقدس از Lucas 11

به اشتراک گذاشتن

Ta, in kamu nga makasalaꞌan, magkaꞌrut naga megay it magagayen nga bagay kat mga anak mi, daꞌga subraꞌ na i Amaꞌ mi nga duꞌut langit? Talagang ibgay ya i Espiritu Santo ya kat matuud nga magꞌangut duꞌun it kanya.”

Aypaꞌ ituy ipagꞌaat kut imyu. Temegel kamu it mangut duꞌun it Ampuꞌang Diyus, ka siguradu yan nga begayan ya kamu. Tegel-tegelan mit tumulus duꞌut kanya i pagkaꞌilanganen mi, ka tabangen ya kamu nga maparagan mi. Paꞌungaꞌ-ungaꞌ kamu it pasleden kat adapan ya, ka talagang sumambung kanya.

Sabap pagbegayan ya i kumpur magꞌangut. Magkaparag i iyan nga magtulus. Baw talagang sambungan i kumpur magpaꞌungaꞌ-ungaꞌ it pasleden.

Katubag si Jesus, maat ya, “Ta, atkaytu i magayen nga panalangin mi. ‘Amaꞌ, bantugun baw kilalaen nga ega babasta-bastaen i ngaran mu. Pagꞌangutun namen nga madaliꞌ na mabut i pagꞌadiꞌan mu nay muꞌsang katataawan.

Pasinsiyaen mu naga i mga kasalaꞌan namen, ka pasinsiyaen namen naga gasiꞌ i mga magkasalaꞌan sinit amen. Baw pagꞌangutun namen asat imu nga ega naga ipaꞌintulut mu nga masukdanan kami it subraꞌ na.’”

Pagꞌangutun namen gasiꞌ nga aldaw-aldaw begayan kami it magkakaꞌen namen.

Dedemdemen mi tu, nga mata mu i bilang tidaw it bilug. In egay dipirinsiya it mata mu, simpri maꞌyag i muꞌsang panleteg mu. Temed in may dipirinsiya it mata mu, simpri madlem na nga madlem i panleteg mu.

Bawnga maat siꞌ ni Jesus, “Egay magpagket it tidaw bawnga itaguꞌ u sukruban it alupan. In daꞌga iduꞌun ya talaga it dadaꞌtunan, nga maltegan it mamagseled i eyag ya.