آیات محبوب کتاب مقدس از ᓭᐣᐟ ᒑᐣ 14

به اشتراک گذاشتن

ᐯᔭᑕᑫᔨᒧᐃᐧᐣ ᑭ ᓇᑲᑕᒫᑎᓈᐋᐧᐤ, ᓂ ᐯᔭᑕᑫᔨᒧᐃᐧᐣ ᑭ ᒥᔨᑎᓈᐋᐧᐤ; ᓇᒪᐃᐧᔭ ᑳ ᐃᓯ ᒣᑭᒪᑲᕽ ᐊᐢᑭ ᑭᐟ ᐃᓯ ᒥᔨᑎᓈᐋᐧᐤ. ᐁᑳᐃᐧᔭ ᑭᑕ ᒥᑯᐢᑲᑌᔨᑕᒧᒪᑲᐣ, ᑭᑌᐃᐋᐧᐤ, ᐁᑳᐃᐧᔭ ᒥᓇ ᑭᑕ ᐊᐢᑖᓯᒪᑲᐣ.

ᒋᓴᐢ ᐅᒥᓯ ᐃᑌᐤ, ᓂᔭ ᒣᐢᑲᓇᐤ, ᒥᓇ ᑖᐯᐧᐃᐧᐣ, ᒥᓇ ᐱᒫᑎᓯᐃᐧᐣ; ᓇᒪᐃᐧᔭ ᐊᐃᐧᔭᐠ ᑭᑕ ᑭ ᐯ ᓇᑌᐤ ᐁᐧᔪᑖᐃᐧᕽ, ᐱᑯ ᓂᔭ ᐅᐦᒋ.

ᐁᑳᐃᐧᔭ ᑭᑕ ᒥᑯᐢᑲᑌᔨᑕᒧᒪᑲᐣ ᑭᑌᐃᐋᐧᐤ; ᑭ ᑖᐯᐧᑕᐊᐧᐋᐧᐤ ᑭᓭᒪᓂᑐ, ᓂᔭ ᒥᓇ ᑖᐯᐧᑕᐃᐧᐠ.

ᐅᒥᔪᑌᐁᐃᐁᐧᐤ ᒫᑲ, ᑲ ᑲᓈᑎᓯᐟ ᐊᐦᒐᕽ ᐅᑎ ᑫ ᐯ ᐃᓯᑎᓴᐋᐧᐟ ᐁᐧᔪᑖᐃᐧᕽ ᑲᐦᑭᔭᐤ ᑫᑲᐧᐩ ᑭ ᑲ ᑭᐢᑭᓄᐦᐊᒫᑯᐋᐧᐤ, ᒥᓇ ᑲᐦᑭᔭᐤ ᑫᑲᐧᐩ ᑭ ᑲ ᒥᐢᑲᐋᐧᓱᒥᑯᐋᐧᐤ, ᑳ ᑭ ᐊᔨᑎᑕᑯᐠ.

ᐊᓇ ᑳ ᐊᔮᐟ ᓄᔭᓱᐁᐧᐃᐧᓇ, ᒥᓇ ᑳ ᑲᓇᐁᐧᔨᑕᕽ, ᐁᐊᐧᑯ ᓯᔭᑭᐃᐟ: ᐊᓇ ᒫᑲ ᓯᔭᑭᐃᐟ ᑭᑕ ᓵᑭᐦᐃᐠ ᓄᑖᐃᐧᔭ, ᒥᓇ ᓂᔭ ᓂ ᑲ ᓵᑭᐦᐊᐤ, ᒥᓇ ᓂ ᑲ ᓄᑯᐦᐃᓱᐢᑕᐋᐧᐤ.

ᓂ ᑲ ᐊᔭᒥᐦᐁᐢᑕᐋᐧᐤ ᒫᑲ ᐁᐧᔪᑖᐃᐧᕽ, ᐁᑯᓯ ᑭ ᑲ ᒥᔨᑯᐋᐧᐤ ᑯᑕᑲ ᐅᒥᔪᑌᐁᐃᐁᐧᐊᐧ, ᑲᑭᑫ ᑭᑕ ᐃᐧᒉᐃᐧᑯᔦᐠ; ᐊᓇ ᐅᑎ ᑖᐯᐧᐃᐧᓂ ᐊᐦᒐᕽ: ᐁᑳ ᑫ ᑭ ᒥᔨᐦᒋᐠ ᐊᐢᑭᕽ ᐁᔭᒋᐠ, ᒋᑫᒫ ᓇᒪᐃᐧᔭ ᐊᐧᐸᒣᐊᐧᐠ, ᐊᐦᐳ ᓇᒪᐃᐧᔭ ᑭᐢᑫᔨᒣᐊᐧᐠ: ᒫᑲ ᑭᔭᐋᐧᐤ ᑭ ᑭᐢᑫᔨᒫᐋᐧᐤ; ᒋᑫᒫ ᑭ ᐃᐧᒉᐃᐧᑯᐋᐧᐤ, ᒥᓇ ᑭ ᑲ ᑭᑭᐢᑲᑯᐋᐧᐤ.

ᐱᑯ ᑫᑲᐧᐩ ᒫᑲ ᑫ ᓇᑐᑕᒪᐁᐧᑫᐧ ᓂ ᐃᐧᔪᐃᐧᓂᕽ, ᐁᐊᐧᑯ ᑫ ᑐᑕᒫᐣ, ᐅᑯᓯᓯᒫᐊᐧ ᑭᑕ ᑭᐢᑌᔨᑖᑯᐃᑯᐟ ᐁᐧᔪᑖᐃᐧᕽ. ᑭᐢᐱᐣ ᑫᑲᐧᐩ ᑫ ᓇᑐᑕᒪᐁᐧᑫᐧ ᓂ ᐃᐧᔪᐃᐧᓂᕽ, ᐁᑯᓯ ᑫ ᑐᑕᒫᐣ.

ᑭᐢᐱᐣ ᑭ ᓵᑭᐦᐃᓈᐋᐧᐤ, ᑲᓇᐁᐧᔨᑕᒧᐠ ᓄᔭᓱᐁᐧᐃᐧᓇ.

ᓄᑖᐃᐧ ᐅ ᐋᐧᐢᑳᐦᐃᑲᓂᕽ ᒥᐦᒉᐟ ᐊᔮᐊᐧ ᐃᑕᐃᐧᓇ: ᑭᐢᐱᐣ ᐁᑳ ᐁᑯᓯ ᐃᑭᕽ ᑭ ᑲ ᑭ ᐃᐧᐦᑕᒪᑎᓈᐋᐧᐤ. ᒋᑫᒫ ᑭ ᓇᑕᐃᐧ ᑲᐧᔮᒋᑕᒫᑎᓈᐋᐧᐤ ᐃᑌ ᑭᑕ ᐊᔮᔦᐠ.

ᑭᐢᐱᐣ ᒫᑲ ᓇᑕᐃᐧ ᑲᐧᔮᒋᑕᒫᑕᑳᐧᐃᐧ ᐃᑌ ᑭᑕ ᐊᔮᔦᐠ, ᑲᐃᐧ ᒥᓇ ᓂ ᑲ ᐯ ᐃᑐᐦᑖᐣ, ᐁᑯᓯ ᑭ ᑲ ᐅᑎᓂᑎᓈᐋᐧᐤ ᓂᔭ ᑎᐱᔭᐤ; ᐃᑕ ᒫᑲ ᐁ ᐊᔭᔮᐣ, ᐁᑯᑕ ᑭᐢᑕᐋᐧᐤ ᑭᑕ ᐊᔮᔦᐠ.

ᑕᒪᐢ ᒫᑲ ᐅᒥᓯ ᐃᑌᐤ, ᑌᐯᔨᐦᒋᑫᔭᐣ, ᓇᒪᐃᐧᔭ ᓂ ᑭᐢᑫᔨᑌᓈᐣ ᐃᑌ ᐁᑐᐦᑌᔭᐣ; ᑖᓂᓯ ᒫᑲ ᑫ ᑭ ᐃᓯ ᑭᐢᑫᔨᑕᒫᕽ ᒣᐢᑲᓇᐤ?