ᓭᐣᐟ ᒑᐣ 14
14
1ᐁᑳᐃᐧᔭ ᑭᑕ ᒥᑯᐢᑲᑌᔨᑕᒧᒪᑲᐣ ᑭᑌᐃᐋᐧᐤ; ᑭ ᑖᐯᐧᑕᐊᐧᐋᐧᐤ ᑭᓭᒪᓂᑐ, ᓂᔭ ᒥᓇ ᑖᐯᐧᑕᐃᐧᐠ. 2ᓄᑖᐃᐧ ᐅ ᐋᐧᐢᑳᐦᐃᑲᓂᕽ ᒥᐦᒉᐟ ᐊᔮᐊᐧ ᐃᑕᐃᐧᓇ: ᑭᐢᐱᐣ ᐁᑳ ᐁᑯᓯ ᐃᑭᕽ ᑭ ᑲ ᑭ ᐃᐧᐦᑕᒪᑎᓈᐋᐧᐤ. ᒋᑫᒫ ᑭ ᓇᑕᐃᐧ ᑲᐧᔮᒋᑕᒫᑎᓈᐋᐧᐤ ᐃᑌ ᑭᑕ ᐊᔮᔦᐠ. 3ᑭᐢᐱᐣ ᒫᑲ ᓇᑕᐃᐧ ᑲᐧᔮᒋᑕᒫᑕᑳᐧᐃᐧ ᐃᑌ ᑭᑕ ᐊᔮᔦᐠ, ᑲᐃᐧ ᒥᓇ ᓂ ᑲ ᐯ ᐃᑐᐦᑖᐣ, ᐁᑯᓯ ᑭ ᑲ ᐅᑎᓂᑎᓈᐋᐧᐤ ᓂᔭ ᑎᐱᔭᐤ; ᐃᑕ ᒫᑲ ᐁ ᐊᔭᔮᐣ, ᐁᑯᑕ ᑭᐢᑕᐋᐧᐤ ᑭᑕ ᐊᔮᔦᐠ. 4ᐃᑌ ᒫᑲ ᐁᑐᐦᑌᔮᐣ ᑭ ᑭᐢᑫᔨᑌᓈᐋᐧᐤ, ᒥᓇ ᒣᐢᑲᓇᐤ ᑭ ᑭᐢᑫᔨᑌᓈᐋᐧᐤ. 5ᑕᒪᐢ ᒫᑲ ᐅᒥᓯ ᐃᑌᐤ, ᑌᐯᔨᐦᒋᑫᔭᐣ, ᓇᒪᐃᐧᔭ ᓂ ᑭᐢᑫᔨᑌᓈᐣ ᐃᑌ ᐁᑐᐦᑌᔭᐣ; ᑖᓂᓯ ᒫᑲ ᑫ ᑭ ᐃᓯ ᑭᐢᑫᔨᑕᒫᕽ ᒣᐢᑲᓇᐤ? 6ᒋᓴᐢ ᐅᒥᓯ ᐃᑌᐤ, ᓂᔭ ᒣᐢᑲᓇᐤ, ᒥᓇ ᑖᐯᐧᐃᐧᐣ, ᒥᓇ ᐱᒫᑎᓯᐃᐧᐣ; ᓇᒪᐃᐧᔭ ᐊᐃᐧᔭᐠ ᑭᑕ ᑭ ᐯ ᓇᑌᐤ ᐁᐧᔪᑖᐃᐧᕽ, ᐱᑯ ᓂᔭ ᐅᐦᒋ.
7ᑭᐢᐱᐣ ᑭ ᑭᐢᑫᔨᒥᔦᐠ, ᑭ ᑲ ᑭ ᑭᐢᑫᔨᒫᑕᐋᐧᐤ ᓄᑖᐃᐧ ᒥᓇ: ᒫᑲ ᐁᑲᐧ ᑭ ᑭᐢᑫᔨᒪᐋᐧᐤ, ᒥᓇ ᑭ ᑭ ᐋᐧᐸᒫᐋᐧᐤ. 8ᐱᓬᐃᑊ ᒫᑲ ᐅᒥᓯ ᐃᑌᐤ, ᑌᐯᔨᐦᒋᑫᔭᐣ, ᐊᐧᐸᑎᔨᓇᐣ ᐁᐧᔪᑖᐃᐧᕽ, ᐁᑯᓯ ᑫ ᓇᐁᔨᑕᒫᕽ. 9ᒋᓴᐢ ᐅᒥᓯ ᐃᑌᐤ, ᑲᔮᐢ ᑰᐦᒋ ᐃᐧᒉᐃᐧᑎᓈᐋᐧᐤ, ᓇᒣᐢᑲᐧ ᒋ ᒫᑲ ᑭ ᑭᐢᑫᔨᒥᐣ ᐱᓬᐃᑊ? ᐊᓇ ᑳ ᑭ ᐋᐧᐸᒥᐟ ᑭ ᐋᐧᐸᒣᐤ ᐁᐧᔪᑖᐃᐧᕽ; ᑫᑲᐧᐩ ᒫᑲ ᐁᐧᒋ ᐃᑌᐧᔭᐣ, ᐊᐧᐸᑎᔨᓇᐣ ᐁᐧᔪᑖᐃᐧᕽ? 10ᓇᒪ ᒋ ᑭ ᑖᐯᐧᑌᐣ ᐁ ᑭᑭᐢᑲᐊᐧᐠ ᐁᐧᔪᑖᐃᐧᕽ, ᒥᓇ ᐁᐧᔪᑖᐃᐧᕽ ᐁ ᑭᑭᐢᑲᐃᐧᐟ? ᐃᑌᐧᐃᐧᓇ ᑳ ᐃᑎᑕᑯᐠ, ᓇᒪᐃᐧᔭ ᑎᐱᔭᐤ ᓂᐟ ᐃᑖᐧᐣ, ᒫᑲ ᐁᐧᔪᑖᐃᐧᕽ ᑳ ᑭᑭᐢᑲᐃᐧᐟ, ᐃᐧᔭ ᐃᑐᑕᒼ ᐅᐟ ᐊᑐᐢᑫᐃᐧᓇ. 11ᑖᐯᐧᑕᐃᐧᐠ ᐁ ᑭᑭᐢᑲᐊᐧᐠ ᐁᐧᔪᑖᐃᐧᕽ, ᒥᓇ ᐁᐧᔪᑖᐃᐧᕽ ᐁ ᑭᑭᐢᑲᐃᐧᐟ: ᐊᐦᐳ ᑖᐯᐧᑕᐃᐧᐠ ᐊᑐᐢᑫᐃᐧᓇ ᐅᐦᒋ. 12ᑖᐯᐧ, ᑖᐯᐧ, ᑭᐟ ᐃᑎᓈᐋᐧᐤ, ᐊᓇ ᑳ ᑖᐯᐧᔦᔨᒥᐟ, ᐊᑐᐢᑫᐃᐧᓇ ᑳ ᑐᑕᒫᐣ ᐁᑯᓯ ᐃᐧᐢᑕ ᑫ ᑐᑕᕽ; ᐊᐊᐧᓯᒣ ᑭᐦᒋ ᐊᑐᐢᑫᐃᐧᓇ ᑭᑕ ᐃᑐᑕᒼ ᐃᐢᐱᐨ ᐅᐦᐃ; ᒋᑫᒫ ᐁ ᓈᑕᐠ ᓄᑖᐃᐧ. 13ᐱᑯ ᑫᑲᐧᐩ ᒫᑲ ᑫ ᓇᑐᑕᒪᐁᐧᑫᐧ ᓂ ᐃᐧᔪᐃᐧᓂᕽ, ᐁᐊᐧᑯ ᑫ ᑐᑕᒫᐣ, ᐅᑯᓯᓯᒫᐊᐧ ᑭᑕ ᑭᐢᑌᔨᑖᑯᐃᑯᐟ ᐁᐧᔪᑖᐃᐧᕽ. 14ᑭᐢᐱᐣ ᑫᑲᐧᐩ ᑫ ᓇᑐᑕᒪᐁᐧᑫᐧ ᓂ ᐃᐧᔪᐃᐧᓂᕽ, ᐁᑯᓯ ᑫ ᑐᑕᒫᐣ.
15ᑭᐢᐱᐣ ᑭ ᓵᑭᐦᐃᓈᐋᐧᐤ, ᑲᓇᐁᐧᔨᑕᒧᐠ ᓄᔭᓱᐁᐧᐃᐧᓇ. 16ᓂ ᑲ ᐊᔭᒥᐦᐁᐢᑕᐋᐧᐤ ᒫᑲ ᐁᐧᔪᑖᐃᐧᕽ, ᐁᑯᓯ ᑭ ᑲ ᒥᔨᑯᐋᐧᐤ ᑯᑕᑲ ᐅᒥᔪᑌᐁᐃᐁᐧᐊᐧ, ᑲᑭᑫ ᑭᑕ ᐃᐧᒉᐃᐧᑯᔦᐠ; 17ᐊᓇ ᐅᑎ ᑖᐯᐧᐃᐧᓂ ᐊᐦᒐᕽ: ᐁᑳ ᑫ ᑭ ᒥᔨᐦᒋᐠ ᐊᐢᑭᕽ ᐁᔭᒋᐠ, ᒋᑫᒫ ᓇᒪᐃᐧᔭ ᐊᐧᐸᒣᐊᐧᐠ, ᐊᐦᐳ ᓇᒪᐃᐧᔭ ᑭᐢᑫᔨᒣᐊᐧᐠ: ᒫᑲ ᑭᔭᐋᐧᐤ ᑭ ᑭᐢᑫᔨᒫᐋᐧᐤ; ᒋᑫᒫ ᑭ ᐃᐧᒉᐃᐧᑯᐋᐧᐤ, ᒥᓇ ᑭ ᑲ ᑭᑭᐢᑲᑯᐋᐧᐤ. 18ᓇᒪᐃᐧᔭ ᑭᐋᐧᑌᔨᒧᐃᐧᓂᕽ ᑭ ᑲ ᓇᑲᑎᑎᓈᐋᐧᐤ: ᒥᓇ ᑭ ᑲ ᐯ ᓈᑎᑎᓈᐋᐧᐤ. 19ᑫᔮᐱᐨ ᐊᒋᔭᐤ, ᐁᑯᓯ ᓇᒪᐃᐧᑳᐨ ᒥᓇ ᐊᐢᑭᕽ ᐁᔮᒋᐠ ᓂ ᑲ ᐋᐧᐸᒥᑲᐧᐠ; ᒫᑲ ᑭ ᐋᐧᐸᒥᓈᐋᐧᐤ ᑭᔭᐋᐧᐤ: ᒋᑫᒫ ᐁ ᐱᒫᑎᓯᔮᐣ, ᑭᔭᐋᐧᐤ ᒥᓇ ᑭ ᑲ ᐱᒫᑎᓯᓈᐋᐧᐤ. 20ᐁᐊᐧᑯ ᒫᑲ ᑭᓯᑳᑭ ᑭ ᑲ ᑭᐢᑫᔨᑌᓈᐋᐧᐤ ᐁ ᑭᑭᐢᑲᐊᐧᐟ ᓄᑖᐃᐧ, ᒥᓇ ᑭᔭᐋᐧᐤ ᐁ ᑭᑭᐢᑲᐃᐧᔦᐠ, ᒥᓇ ᓂᔭ ᐁ ᑭᑭᐢᑳᑕᑯᐠ. 21ᐊᓇ ᑳ ᐊᔮᐟ ᓄᔭᓱᐁᐧᐃᐧᓇ, ᒥᓇ ᑳ ᑲᓇᐁᐧᔨᑕᕽ, ᐁᐊᐧᑯ ᓯᔭᑭᐃᐟ: ᐊᓇ ᒫᑲ ᓯᔭᑭᐃᐟ ᑭᑕ ᓵᑭᐦᐃᐠ ᓄᑖᐃᐧᔭ, ᒥᓇ ᓂᔭ ᓂ ᑲ ᓵᑭᐦᐊᐤ, ᒥᓇ ᓂ ᑲ ᓄᑯᐦᐃᓱᐢᑕᐋᐧᐤ. 22ᒍᑕᐢ ᒫᑲ ᐅᒥᓯ ᐃᑌᐤ, ᓇᒪᐃᐧᔭ ᐃᐢᑲᕒᐃᔭᐟ, ᑌᐯᔨᐦᒋᑫᔭᐣ, ᑖᓂᓯ ᑫ ᐃᓯ ᓄᑯᐦᐃᓱᐢᑕᐃᐧᔭᕽ ᐁᑯᓯ ᐁᑳ ᑭᑕ ᓄᑯᓯᔭᐣ ᐊᐢᑭᕽ? 23ᒋᓴᐢ ᒫᑲ ᑭ ᓇᐢᑫᐧᐊᐧᓯᒣᐤ ᐅᒥᓯ ᐁ ᑭ ᐃᑖᐟ, ᑭᐢᐱᐣ ᐊᔨᓯᔨᓂᐤ ᓵᑭᐦᐃᒋ, ᑭᑕ ᑲᓇᐁᐧᔨᑕᒼ ᓂᐟ ᐃᑌᐧᐃᐧᓇ: ᓄᑖᐃᐧ ᒫᑲ ᑭᑕ ᓵᑭᐦᐁᐤ, ᐁᑯᓯ ᓂ ᑲ ᐯ ᓇᑖᓈᐣ ᑭᑕ ᐃᐧᒋᐊᔮᒫᔮᕽ. 24ᐊᓇ ᒫᑲ ᐁᑳ ᑳ ᓵᑭᐦᐃᐟ ᓇᒪᐃᐧᔭ ᑲᓇᐁᐧᔨᑕᒼ ᓂᐟ ᐃᑌᐧᐃᐧᓇ: ᐁᑯᓯ ᐃᑌᐧᐃᐧᐣ ᑳ ᐯᐦᑕᒣᐠ ᓇᒪᔦᐤ ᓂᔭ ᓂᐟ ᐃᑌᐧᐃᐧᐣ, ᒫᑲ ᐁᐧᔪᑖᐃᐧᕽ ᑳ ᑭ ᐯ ᐃᓯᑎᓴᐦᐅᐟ.
25ᐁᐊᐧᑯᓂ ᐅᐦᐃ ᑳ ᐊᐧᐃᐧᑕᒪᑕᑯᐠ, ᐁ ᒣᑲᐧ ᐃᐧᒉᐃᐧᑕᑯᐠ. 26ᐅᒥᔪᑌᐁᐃᐁᐧᐤ ᒫᑲ, ᑲ ᑲᓈᑎᓯᐟ ᐊᐦᒐᕽ ᐅᑎ ᑫ ᐯ ᐃᓯᑎᓴᐋᐧᐟ ᐁᐧᔪᑖᐃᐧᕽ ᑲᐦᑭᔭᐤ ᑫᑲᐧᐩ ᑭ ᑲ ᑭᐢᑭᓄᐦᐊᒫᑯᐋᐧᐤ, ᒥᓇ ᑲᐦᑭᔭᐤ ᑫᑲᐧᐩ ᑭ ᑲ ᒥᐢᑲᐋᐧᓱᒥᑯᐋᐧᐤ, ᑳ ᑭ ᐊᔨᑎᑕᑯᐠ. 27ᐯᔭᑕᑫᔨᒧᐃᐧᐣ ᑭ ᓇᑲᑕᒫᑎᓈᐋᐧᐤ, ᓂ ᐯᔭᑕᑫᔨᒧᐃᐧᐣ ᑭ ᒥᔨᑎᓈᐋᐧᐤ; ᓇᒪᐃᐧᔭ ᑳ ᐃᓯ ᒣᑭᒪᑲᕽ ᐊᐢᑭ ᑭᐟ ᐃᓯ ᒥᔨᑎᓈᐋᐧᐤ. ᐁᑳᐃᐧᔭ ᑭᑕ ᒥᑯᐢᑲᑌᔨᑕᒧᒪᑲᐣ, ᑭᑌᐃᐋᐧᐤ, ᐁᑳᐃᐧᔭ ᒥᓇ ᑭᑕ ᐊᐢᑖᓯᒪᑲᐣ. 28ᑭ ᑭ ᐯᐦᑌᓈᐋᐧᐤ ᑳ ᑭ ᐃᑎᑕᑯᐠ, ᓂ ᓯᐯᐧᑖᐣ, ᒥᓇ ᒫᑲ ᑭ ᑲ ᐯ ᓈᑎᑎᓈᐋᐧᐤ. ᑭᐢᐱᐣ ᓵᑭᐦᐃᔦᐠ, ᑭ ᑲ ᒥᔭᐋᐧᑌᓈᐋᐧᐤ, ᒋᑫᒫ ᓂ ᑭ ᐃᑖᐧᐣ, ᓂ ᓈᑖᐤ ᐁᐧᔪᑖᐃᐧᕽ: ᐃᐧᔭ ᓄᑖᐃᐧ ᐊᐊᐧᓯᒣ ᐃᑌᔨᑖᑯᓯᐤ ᐃᔨᑯᕽ ᓂᔭ. 29ᓵᓴᐩ ᒫᑲ ᑭ ᑭ ᐃᐧᐦᑕᒫᑎᓈᐋᐧᐤ ᒪᐧᔦᐢ ᐁ ᐅᑎᐦᒋᐸᔨᐠ, ᐃᐢᐱ ᐅᑎᐦᒋᐸᔨᑭ, ᑭᑕ ᑖᐯᐧᑕᒣᐠ. 30ᓇᒪᐃᐧᔭ ᐁᑲᐧ ᒥᐢᑕᐦᐃ ᑭ ᑲ ᐊᔭᒥᐦᐃᑎᓈᐋᐧᐤ: ᒋᑫᒫ ᑳ ᐅᑭᒫᑲᑕᕽ ᐅᒪ ᐊᐢᑭ ᐯ ᑕᑯᓯᐣ, ᓇᒪᐃᐧᔭ ᒫᑲ ᑫᑲᐧᐩ ᐊᔮᐤ ᓂᔭ ᐁ ᑭᑭᐢᑳᑯᐊᐧᐠ. 31ᒫᑲ ᐊᐢᑭᕽ ᑭᑕ ᑭᐢᑫᔨᑖᑲᐧᕽ ᐁ ᓵᑭᐦᐊᐠ ᐁᐧᔪᑖᐃᐧᕽ; ᒥᓇ ᑳ ᑭ ᐃᓯ ᒥᔨᐟ ᐅᔭᓱᐁᐧᐃᐧᐣ ᐁᐧᔪᑖᐃᐧᕽ, ᐁᑯᓯ ᒣᐧᐦᒋ ᐁᑐᑕᒫᐣ. ᐸᓯᑯᐠ, ᐁᑳᐧ ᓯᐯᐧᑌᑖᐠ.
انتخاب شده:
ᓭᐣᐟ ᒑᐣ 14: KKMs
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
This Bible text is a corrected edition of the 1908 Western Cree Bible; it is in the public domain.