آیات محبوب کتاب مقدس از Маттэ 6

به اشتراک گذاشتن

Ау ыпэ рапшӀэу Тхьэм и Тетыгъошхо иӀофхэмрэ Тхьэм ишъыпкъагъэрэ ауж шъуит, етӀанэ а Ӏоф пстэури къышъуӀэкӀэхьащт.

Арышъ, неущырэ мафэм шъуфэмыгумэкӀ. Неущырэ мафэр ежь ышъхьэ фэгумэкӀыжьыщт, сыда пӀомэ, зыфэгумэкӀыжьын икъун Ӏоф сыдрэ мафи иӀэшъ ары.

– Арышъ, шъосэӀо, «Сыда тшхыщтыр, сыда тызэшъощтыр?» шъуӀоу, шъуищыӀэныгъэ пае шъумыгумэкӀ. «Сыда тщыгъыщтыр?» шъуӀоу, шъупкъы паий шъумыгумэкӀ. Гъомылэм нахьи щыӀэныгъэр нахь лъапӀэба, щыгъыным нахьи пкъыр нахь лъапӀэба?

Ау о Тхьэм уелъэӀу зыхъукӀэ, уиунэ ихьажьи, пчъэр къыфэшӀи, уя Тэ лъапӀэу цӀыфхэм амылъэгъурэм елъэӀу. Ащыгъум уя Тэ лъапӀэу цӀыфхэм шъэфэу ашӀэрэр зылъэгъурэм уиӀахьышӀу къыуитыщт.

– Моущтэу Тхьэм шъуелъэӀу: «О тя Тэ лъапӀэу уашъом щыӀэр! ПцӀэ цӀыфхэм агъэлъапӀэ орэхъу. Уи Тетыгъошхо къэрэкӀу. Узыфаер уашъом зэрэщыхъурэм фэдэу, чӀылъэми щэрэхъу.

Хьалыгъоу тищыкӀагъэр непэ къытэт.

Мыхъунэу тшӀагъэхэр къытфэгъэгъу, тэ мыхъун къытэзышӀагъэхэм зэрафэдгъэгъурэм фэдэу.

Шэйтаным псэкӀод тигъэшӀэнэу фит умышӀы, ащи тыщыухъум. МыкӀодыжьын тетыгъошхори, лъэкӀышхори, щытхъушхори о уиех. Амин».

– ЦӀыфмэ мыхъунэу ашӀагъэхэр зафэжъугъэгъухэкӀэ, шъуя Тэ лъапӀэу уашъом щыӀэм шъори мыхъунэу шъушӀагъэхэр къышъуфигъэгъущтых, – къыпигъэхъожьыгъ Исус.

Ошъогум щыбыбырэ бзыухэм шъуяплъ. Ахэмэ чылапхъи апхъырэп, лэжьыгъи ахыжьырэп, конхэм аратэкъожьырэп, ауми шъуя Тэ лъапӀэу уашъом щыӀэм ахэр егъашхэх. Шъо ахэмэ анахьи бэкӀэ шъуанахь лъапӀэба?

– ЧӀылъэм мылъкушхо щышъумыугъой, сыда пӀомэ, хъунэмрэ улъыинымрэ чӀылъэм щыӀэр щагъэкӀоды, тыгъуакӀохэм чӀылъэми унэхэр щатӀэкӀых, щэтыгъух. Ау уашъом мылъкушхо щышъуугъой. Хъунэми улъыиными ащ дэжьым щагъэкӀодырэп, тыгъуакӀохэми щатӀэкӀырэп, щатыгъурэп. Сыда пӀомэ, о уимылъкушхо зыдэщыӀэм угуи щыӀэщт.

– Зы цӀыфыр тхьэмэтитӀум афэлэжьэн ылъэкӀыщтэп, е зыр ыуджэгъунышъ, адрэр шӀу ылъэгъущт, е зым шъыпкъэу фыщытынышъ, адрэр зэрипэсыщтэп. Шъо Тхьэми ахъщэми шъуафэлэжьэн шъулъэкӀыщтэп.

А уцэу губгъом непэ итэу, неущ хьакум радзэжьыщтыр Тхьэм аущтэу зигъэкӀэракӀэкӀэ, ащ нахьи бэкӀэ нахьыбэу шъо шъуигъэкӀэрэкӀэнба, шъо шӀошъхъуныгъэ зимакӀэхэр?

Ау о сэдакъэ зыптыкӀэ, пӀэ джабгъу Ӏофэу ышӀырэр пӀэ сэмэгу ымышӀэу орэхъу, сэдакъэу о птыгъэр шъэфэу къэнэным пае. Ащыгъум уя Тэ лъапӀэу цӀыфхэм шъэфэу ашӀэрэр зылъэгъурэм уиӀахьышӀу къыуитыщт.

– Шъо шӀу зышъушӀэкӀэ, цӀыфхэм тагъэшӀэгъощт шъуӀоу, ахэмэ алъэгъоу зэрэшъумышӀэнхэм шъуфэсакъ. Армырмэ, шъуя Тэ лъапӀэу уашъом щыӀэм ӀахьышӀу къышъуфигъэшъошэщтэп.

– Ащ фэдэу шъунэкӀы зыхъукӀэ, нэпитӀу зиӀэ цӀыфхэм афэдэу зышъумыгъэнэшхъэй; сыда пӀомэ, зэранэкӀырэр цӀыфмэ арагъэлъэгъуным пае, ахэмэ анахэ зэхагъахьэ. Шъыпкъэр шъосэӀо, ахэмэ яӀахь агъотыгъах. Ау о унэкӀы зыхъукӀэ, цӀыфхэм ащ гу лъамытэу, уя Тэ лъапӀэу цӀыфхэм амылъэгъурэм изакъоу зэрэунэкӀырэм гу лъитэным пае, дэгъэ лъапӀэ пшъхьэ щыф, унэгуи тхьакӀы. Ащыгъум уя Тэ лъапӀэу цӀыфхэм шъэфэу ашӀэрэр зылъэгъурэм уиӀахьышӀу къыуитыщт.