آیات محبوب کتاب مقدس از Matta 19

به اشتراک گذاشتن

Tu̱ Yesu nggu̱t wor dong kom tu̱ zu̱ za. “She nduku ɓu̱ shi ɓa, yang she Magham tun nje nu̱ke ka ku̱naki nda ɓa.”

Sarda wor rap tu̱k ɓa, a khar nduk da ku. Ku̱me nang ɗyi nu̱ Magham gontaki, ku̱ nduk shakh nu̱gha ɓa.”

Tu̱ tlogha ye wor za, “Alapa nun na bu̱laran za, ‘Gumapaali chin nu̱ du̱ngki aa nu̱m shikya nusu ndu̱ khusku, tu̱ zu̱ za. Ku̱me nang, nduk ka njig man ndu̱ zhin tu̱ gonta nu̱ ve nokhzan, nduk rapndang ka kha ma da.’

Tu̱ Yesu ze wor za, “Njig ma qusonggi pichichindi ku̱ ɗa ɓa ku sha. Nggu̱tl nu̱ wor ɓa, ku̱me kwaaɗar mbu̱ viɗi ɗya ɓu̱ poona wora.”

Yang nduki khang nu̱ke a guma ka kha ma nu̱ gana ku̱, nu̱ gana kwa yang ka ɓa kha ma nu̱ gumaku.”

Yang tu̱k, kap njif nu̱ njigki raftiku, aa khachinku khuzuku, aa khachin nusuku, aa ku̱maandi ɓaran, aa mankir ɓaran, aa qusonggi ɓaran, aa damku ɓaran, ku̱me dlu̱ma. Ka gwa dukti ɓu̱ nang sar won, yang tu̱k tu̱ gwa nyifiri nu̱ke ɓu̱ shi woɗa ɓa.

Tu̱ Yesu ze yenda za, “Mbu̱ ta shim kha na torop, to ɗu̱ to ɗa masa ɗyi nu̱ke a kha ɓar kap, to vu̱r mu̱zhindan ye nu̱ nungndiku, to ka gwa gu̱nar nu̱ mbu̱ viɗi. Kom to ɗa ɓa to mburi nga.”

Tu̱ Yesu tlogha yenda za, “To zhamndi nga ɗyine ɗyi mbarkandang ma nu̱ma? Mbarkandang nje ɓa kope Magham. Mbu̱ ta shim gwa nyifiri nu̱ke nu̱ka shi woɗa ɓa, to khutlo woparkwang.”

Ngaa maataran ye nu tu̱k, ka kha ndolndol ye dliimokh ku̱ vi nu̱ mbu̱ ghub lu̱bu̱ra ye ku̱ nu̱ gu̱na vi nu̱ mbu̱ kwaaɗar ɓu̱ Magham.”

Ngaa zu̱ran ye nu tu̱k, kap njif nu̱ nggaki nokhzan gha, mbu̱ shikya zawa ɓa, tu̱ ɓu̱r nokhzi ngguri, a shikya zawa.”

Tu̱ Yesu ze nu̱ mburi nda kwang za, “Zhire ngaa zu̱ran ye nu, ka shi shar ku̱ nu̱ gu̱na vi nu̱ mbu̱ kwaaɗar mbu̱ viɗi.