آیات محبوب کتاب مقدس از Luka 11

به اشتراک گذاشتن

Kóli tumé san nalačhé i džinéna te kerén lačhipén péskire čhavénge, pe kicý butýr tuméndyr tumaró Bolybnáskiro Dad déla Svénto Dúho (Fáno) odolénge, savé mangena Léstyr!”

I Me rakiráva tuménge: mangén, i javéla dynó tuménge; rodén, i lathéna; marén dro vudár, i psiravena tuménge.

Pal-dová so kažno, kon mangéla, doreséla péskiro; kažno, kon rodéla, lathéla; kažnonéske, kon marela dro vudár, javéla psirado.

Isúso phendiá lénge: “Kiéli tumé mangénape Devléske, tedy rakirén: ‘Dad amaró Bolybnáskiro! Mek te slavinelpe Tyró svénto lav; Mek te javél Tyró Kralipén, Mek te spolninélpe, Tyrí vólia syr pe phuv, adiáke pe bolybén

I primang aménge gréhi amaré, Syr ame primangasa odolénge, Save isyn vužle aménge; I na domek amen ke propatiakiriben; Ne zrákh amen nalačhestyr’”

Pode aménge maró pe kažno dyvés

Momolytko (svietíl'niko) vaš masá isyn jag. Paldavá, kóli jakh tyrí javéla žužy, to kokoré masá javéna žužé; kóli jakh tyrí na javéla žužy, tedy tu kokoró javésa dro ciamlypén (kalypén).

I kiéli zahačkirena momoly, na garavena la ci čhuvéna la tel pirí, a dro šandalo (podsviečniko), sob (kaj) te dykhén manušá, savé džána andré dro kher.