آیات محبوب کتاب مقدس از Luc 6

به اشتراک گذاشتن

Rhoddwch, ac fe dderbyniwch — fe dywalltan nhw i’ch arffed fesur hael, wedi ei bwyso i lawr, wedi ei ysgwyd yn dda, ac yn rhedeg drosodd. Fe gewch eich mesur â’ch llinyn mesur chi eich hunain.”

O’r daioni a drysorodd yn ei galon, mae dyn da yn dod â daioni i’r amlwg, a’r dyn drwg ddrygau o stôr ei galon ddrwg yntau. Nid yw geiriau yn ddim ond mynegiant o’r hyn sydd yn y galon.

Na, cerwch eich gelynion a gwnewch dda, a rhoddwch fenthyg, heb ddisgwyl dim ad-daliad. Bydd eich gwobr yn fawr, a phlant fyddwch i’r Goruchaf, oherwydd y mae ef yn garedig i’r rhai anniolchgar a drwg.

Byddwch yn drugarog, fel y mae eich Tad yn drugarog.”

“Peidiwch â barnu pobl eraill, ac ni’ch bernir chithau. Peidiwch â chondemnio, ac ni’ch condemnir chithau. Maddeuwch, ac fe gewch faddeuant.

Dywedaf wrth bob un sydd yn gwrando, “Cerwch eich gelynion, gwnewch dda i’r rhai sy’n eich casáu, bendithiwch y sawl sy’n eich rhegi, a gweddïwch dros bob un sydd yn eich cam-drin.

“Gwnewch chithau i eraill bopeth y dymunech i eraill ei wneud i chi.

“Os tery dyn di ar dy foch, cynnig y llall iddo hefyd! Os cymer dy siaced, na wrthod dy grys iddo chwaith. Dyro i bawb fydd yn ceisio gennyt. A phan gymer dyn yr hyn sydd yn eiddo iti, paid â gofyn amdano’n ôl.

“All pren da ddim rhoi ffrwyth afiach, na phren afiach roi ffrwyth da.

Wrth ei ffrwyth ei hun y bydd dynion yn adnabod pob pren. Ni chesglir byth ffigys oddi ar ddrain, na grawnwin oddi ar fieri!