آیات محبوب کتاب مقدس از ÏOANNIS 6

به اشتراک گذاشتن

Te U Jisu u la ïathuh ha ki, “Nga, nga long uta u kpu jong ka jingim; jar uba wan ha nga, un ym thngan, bad jar uba ngeit ha nga, un ym sliang lano lano ruh.

Ka long ka mynsiem kaba pynim: ka doh kam pynmyntoi ei ei ruh em. Kita ki ktien kiba nga la kren ha phi, ki long ka mynsiem, bad ki long ka jingim.

Wat trei minot ban ïoh ïa kata ka jingbam ka ban jot noh, hynrei, ïa kata ka jingbam kaba ïaisah sha ka jingim bymjukut, ïa kaba U Khun u briew un ai ha phi: namar ïa une, uta U Kpa, U Blei hi, u la pynskhem.”

Namar kane ka long ka mon U Kpa jong nga, ba u briew baroh uba ïohi ïa U Khun bad uba ngeit ha U, un ïoh ka jingim bymjukut, bad ba ngan pynmih pat ïa u ha ka sngi ka bakhatduh.”

U Jisu u la ïathuh te u la ong ha ki, “Kane ka long kata ka jingleh jong U Blei, ba phin ngeit ha uta ïa uba u la phah.”

Baroh ba uta U Kpa u ai ha nga, kin wan ha nga: uta te uba wan ha nga, da lei lei ngan ym kyntait noh shabar.

Ynda kumta, u Simon Petros u la ïathuh ha U, “Ko Trai, dei hano pat ngin ïaleit? me, me don ki ktien ka jingim bymjukut

Nga, nga long uta u kpu uba pynim, uba la wan hiar na bneng; lada uno uno ruh un ïoh bam na une u kpu, un ïoh im bymjukut: bad uta u kpu de, ïa uba nga ngan ai, u long ka doh jong nga, ïa kaba nga ngan ai na ka bynta ka jingim jong ka pyrthei.”

Ym don uba lah ban wan ha nga, lymda U Kpa uba la phah ïa nga un da pynwan ïa u: bad nga ngan pynmih pat ïa u ha ka sngi ka bakhatduh.

namar u kpu u jong U Blei u long uta uba wan hiar na bneng, bad uba ai ka jingim ha ka pyrthei.”

Nga, nga long u kpu jong ka jingim.

Te U Jisu u la shim ïa kita ki kpu, bad ynda u la lah nguh, u la sam ha ki synran, kita ki synran de ha kita kiba shong: kumjuh ruh ïa kita ki dohkha, katba ki ïamon. Ynda ki la kdang, u ong ha ki synran jong u, “To ïakhar ïa kiba lwet kiba sah tam, ban ym lehnohei ei ei ruh.”

Ynda ki la ïaking kumba lai ne saw mail, ki ïohi ïa U Jisu ba u ïaid halor ka duriaw, bad ba u nang wan hajan kata ka lieng: te ki la ïasheptieng. Hynrei, u ong ha ki, “Dei ma nga; to wat sheptieng.”