آیات محبوب کتاب مقدس از San Mateo 6

به اشتراک گذاشتن

Lebiꞌi nna primero gualudo lele gualuni nu run ca benni rinnabia Tata Do Iyyabaaha. Benniha nna gutebe iyába nu reasinle.

Larcala nna bittu ichacha iquile gue uxxeha, cumu uxxeha nna guacaba ichacha iquile gue nua. Ttuttu sába te nu ichacha iqui benni gueni.

’Larcala nna rpea le: Bittu ichacha iquile gue nu gole lhe gue nu iꞌiyale lhe qui aca banle, niguaba gue nu ucule lhe. ¿Läba ganna dacarla elha naban guele atti nu role, aníaguaba cuerpu guele dacarla na attichula nu rucule?

Ttiaca lu nna atti innelu len Tata do Iyyabaaha, betaꞌala lheꞌe yoꞌo gueluha nna bottotte-na, atti unne belisa Tata gueri do iyyabaaha Benni tturbe due len lu lheꞌe yoꞌoha. Benniha nna de rilánie nu run gatsiluha nna gutebe nu tsee ralhalu dhílu.

Lebiꞌi nna aní innále atti innele len Tata Do Iyyabaaha: Tata guetu do iyyabaa, ribequi xentu cuinalu cumu anca cuinalu Dios. Utá innabialu riꞌitu. Beni qui nu runtu yies lo yu-ni acana nu raca lelu aca, attiba raca iyyabaaha.

Bete nu reasintu gotu ttu ttu sá.

Uxí elha xen lasi gue nu lä anca tsee runtu lolu, cumu anáguaba riꞌitu ridítu elha xen lasi gue ca nu runi nu lä anca tsee len riꞌitu.

Bittu ugüelhalu ixúyietu untu nu lä anca tsee. Bodilá riꞌitu lo ná nu xxegüiha. [Cumu cuinalu nna satíaba ancalu Benni rinnabia lhe Benni ra xxeni leni lhe Benni ralha cue xeni le ttu dia lii lhe. Amén.]

’Cumu gansi lebiꞌi ridíle elha xen lasi gue nu rudhaca benni le, anáguaba Tata gueri do iyyabaaha, guadíguabe elha xen lasi guele.

Gualgüia gue ca binni requi lo bea-na. Ca unná nna läga riguꞌucana xua, bittuguaba rolapacana lhe bittuguaba rigúa tsee guecani lhe. Läquiga de nua nna Tata gueri Benni do iyyabaaha gua rutebe nu ro ca unná. ¡Adílaba lebiꞌi dacarlale atti ca binni-na!

’Bittu uttupaxxattale elha tsee guele yies lo yu-ni, cumu ni nna ruꞌubabacana lhe riꞌiyabacana cheni lhe ritaꞌaba ubana rilánan cana lhe. Nu unlale nna gualcua tsee elha tsee guele iyyabaaha atta bittu tsuꞌubacana, atta bittuguaba iꞌiya chenicana lhe bittuguaba aca gaꞌa ubana lhanan cana lhe. Cumu atta tua tsee elha tsee gueleha nna gue níaguaba rulaba lele.

’Läganu benni te aca gueni unna sina gue chupa ca nu banquinna na, cumu ttu nua aquinna gueni, attu nua nna utía di leni, o si udona tisa gue ttu nua, attu nua nna cuꞌu niꞌani. Larcala nna läga aca ixuule lo sina gue Tata Do Iyyabaaha nianna udogualele gattaxxatta guele.

Gansi análi tsee runi Tata Do Iyyabaaha ruleꞌe ca iyya daa ca lo yu-na, ca nu nasá ralicana, uxxedilaba nna chi tsiacana lo gui, ¡läba ganna adírlaba tsee uni Ben-na len lebiꞌi, ca benni bittu chi ria tsee leni!

Ttiaca lu nna atti utelu ttu bixa len ca benni bittu te gueni, bittu aquinlu quixxiꞌenlu ni benni do tseeru lenluha. Sigába bete nu uteluha. Tata guele do iyyabaaha nna de rilánie nu run gatsiluha nna gutebe nu tsee ralhalu dhílu.

’Gualudo cuidadu, bittu unle nu anca tsee aní lo benni sunruba qui iláquinna dequi lebiꞌi ancale benni runi nu anca tsee. Gansi anía runle nna tsa läga ute Tata guele do iyyabaaha nu tsee ralhale dhíle gue nu runle.

’Lebiꞌi nna gansi chi rutte ubina lheꞌele, bittu unle qui tsanni lo nu runle, attiba run ca nu ni lo ni tisaba runcana dequi ancacana nu runi nu anca tsee. Lacana nna runcana aná qui ttedaani benni dequi rutte ubina lheꞌecani. Neti ria le nna unnuhaba anca nu tsee ralhacana dhicana. Ttiaca lebiꞌi nna gansi chi rutte ubina lheꞌele, gualquí lole lhe te xearu olhí iquile lhe qui bittu ttedaani ca benni lebiꞌi nna rutte ubina lheꞌele, sinuqui suntteba Tata guele do iyyabaaha Benni tturbe due len lebiꞌi yue gue nu runle. Benniha nna de rilánie nu run gatsileha nna gutebe nu tsee ralhale dhíle.