آیات محبوب کتاب مقدس از KAJADIAN 18

به اشتراک گذاشتن

Te daagi' ko han anu madi' opoko ala nubau nu Tumpu? Susumo anu tinaloakon-Kumo u'uka daagi' osio' na bitu'on Aku po'ule'mo minsusule' mae aiya. Ka' tempo'nyo aijo' i Sara nohampeakonmo anak mo'ane.”

Kalana aijo' i Sara tinolo kojoomo i uno nu kinyo nyoanyo ka' notatae, “Aku anu binengkele'mo ka' madi'mo mahoson sumo aiya, te daagi' ko kinyonyoa mogalum tiba langkai'ku? – Apaa mule' osoangku i langkai'mo suele.”

Te misa' o lee'nyo na saidi' mae timbali bansa anu daka' ka' balakuasa? Te misa' o kalana ia, sahingga iwi-iwi' na bansa i dunia aiya Ku balakatije?

I Abraham nongohanimo Tumpu ka' nompokilawa, “Totu'u kita Tumpu kahanda'mo monsilakai mian anu madi' ko sala'nyo hingga-hinggat tiba mian anu ko sala'nyo? De lapangnyo daagi' ko limapulu' na mian anu madi' ko sala'nyo i uno nu kota aijo', pa' songko-songko na kota aijo' nusilakai nu Belento Tumpu? Pa' madi' Belento Tumpu mongampuni da mian anu limampulu' aijo' salamat?

Tumpu notatae, “De lapangnyo Ku humpak limampulu' na mian anu madi' ko sala'nyo kiijo' i Sodom, Ku ampuni na kota aijo' songko-songko kalana aha.”