آیات محبوب کتاب مقدس از Yohana 10

به اشتراک گذاشتن

Igisuma ntikizanwa n’ikindi, atar’ ukwiba, n’ukwica, n’ugutikiza; nanje jeho nazanywe no kugira ngo zironke ubugingo, kandi ngo ziburonke busāgutse.

Ni jewe mwungere mwiza; umwungere mwiza yigura intama ziwe.

Abābaye intama zanje bumva ijwi ryanje, nanje ndabazi, na bo barankurikira

kandi nanje mbaha ubugingo budashira, nta ho bazokwigera bapfa rubi gushitsa ibihe bidashira, kandi nta wushobora kubanshikura mu kuboko kwanje.

Ni jewe rembo, kand’ ūshika mu rugo wese aciye muri jewe arakizwa; agataha, agaturuka, akaronka icanya.

Ni jewe mwungere mwiza, ndazi izanje, n’izanje ziranzi

Data yabampaye ni we aruta bose; nta wushobora kubashikura mu kuboko kwa Data. Jewe na Data tur’ umwe.

nk’uko Data anzi, nanje nkamumenya; kandi ndigura intama zanje.

Nta n’umwe abunyaka, kuko mburekura kubganje: mfise ububasha bgo kuburekura, mfise n’ububasha bgo gusubira kubgābīra. Ico ni co cagezwe nahawe na Data.

Nuko Yesu yongera kubabgira, ati N’ukuri, n’ukuri ndababgire: Ni jewe rembo ry’intama.

Arik’ umucangero, atar’ umwungere bgite, kand’ intama atar’ iziwe, iy’ abonye ibingira rije, ata intama, agahunga: ibingira rikazisahura, rikazishwiragiza.

N’ukuri, n’ukuri ndababgire: Ūdaca mw irembo ry’urugo rw’intama, arikw akūririra ahandi, uwo aba ar’ igisuma n’umwambuzi.