آیات محبوب کتاب مقدس از Lukas 11

به اشتراک گذاشتن

Dadi, yèn kowé, senajan ala, pada mengertèni ing bab pawèh sing betyik marang anak-anakmu, apa menèh Bapakmu ing swarga mesti bakal ngekèki Roh Sutyi marang sing pada ndedonga.”

Mulané Aku ngomong marang kowé: Pada njaluka, nganti bakal dikèki; pada nggolèkana, nganti bakal pada olèh, pada totok-totoka, nganti bakal dibukakké.

Awit saben wong sing ndedonga, bakal nampa lan sing golèk, bakal pada olèh, lan sing totok-totok, kuwi bakal dibukakké.

Yésus terus nyauri, tembungé: “Yèn kowé pada ndedonga, ngomonga ngéné: Duh Bapak, asma Panjenengan supaya disutyèkké. Kraton Panjenengan supaya teka.

Lan supaya gelem ngapura dosa kita, awit kita ya pada ngapura marang saben wong sing kesalahan marang kita. Apa menèh supaya kita aja nganti pada digawa marang panggoda.”

Kita supaya pada dikèki rejekiné kita sak tyukupé ing saben dina.

Mripatmu kuwi dadi dimaré awakmu. Yèn mripatmu betyik, awakmu sekujur dadi padang, nanging yèn mripatmu ala, awakmu dadi peteng.

“Ora ana wong nyumet dimar sing terus disèlèhké ing panggonan sing ndelik utawa ditutupi gentong, nanging ditumpangké ing tyagak dimar, supaya wong kabèh sing mlebu omah bisa weruh padangé.