آیات محبوب کتاب مقدس از Luka 21

به اشتراک گذاشتن

Entirripicho nkata pooki, iomonmon, payie indimdim aatapachere nana pooki naapuku, nidimdim aaitacho tekue Nkerai e ltung'ani.>>

Errita ate payie meirraaya ntae luboi o merai o irran e nkichon, metaa kore inia parri nalotu, nemeirrachu ntae aluam mintekiki.

Kore te ng'iriata inchi naa itumtum nkichon nemeiting.

Amu kaicho nanu ntae rerei liwolielie o ng'eno, paa meata abaki lobo loo lolo oarare ntae oidim aibooi ntae, tanaa oitooliki ntae.

Kore keper o nkop naa keichunye, kake meichunye rereii lainien.

<<Kore kenya, naa keatae nkitodolunot ta ndama o ta lapa o taa lakir. Kore sii lochon le nkop, naa ketum sinaitin neiputukuny tankaraki nkukurrukurroto o ng'olng'ol e mpaso. Neiterriaa ltung'ana to lputukuny o ngureticho ee mbaa naapukoki nkop, amu keikirikiro ngolon ee ntokitin naatii loing'ang'e. Naa kore inia kata, nedoluni Nkerai e ltung'ani elotu taatua nkidis to ngolon o nkitoo kitok.

Naa keibai ntae ltung'ana pooki tankaraki nkarna ai

Naa kepuonu nkikirikirot sapuki nkop, naa kore too lubot pooki e nkop nelotu lameii o nkeyaitin torrok. Nepuonu sii mbaa naaituriaicho o nkitodolunot kutuaa naing'uaa chumata.

<<Naa kore tinining'ning mbaa naipirita larrabali o long'olng'oli emiurieicho. Amu meatae aajo measai kuna baa tekue, kake mesieku nkiting'oto e nkop.>> Nejoki aitoki ninche inia kata, <<Keinyuototo locho arare likae ocho, nera nkitoria o nkae nkitoria.

<<Kore kenya, naa keatae nkitodolunot ta ndama o ta lapa o taa lakir. Kore sii lochon le nkop, naa ketum sinaitin neiputukuny tankaraki nkukurrukurroto o ng'olng'ol e mpaso. Neiterriaa ltung'ana to lputukuny o ngureticho ee mbaa naapukoki nkop, amu keikirikiro ngolon ee ntokitin naatii loing'ang'e.

Nejoki aitoki ninche inia kata, <<Keinyuototo locho arare likae ocho, nera nkitoria o nkae nkitoria.

Nejoki ninche, <<Entodol payie meitopong'ori ntae. Amu kepuonu lkumo ta nkarna ai aajo, <Nanu ilo>, naa, <Ketinyikua nkata.> Emirukurukore ninche!