آیات محبوب کتاب مقدس از San Marcos 12

به اشتراک گذاشتن

Wa'nit jä Jesús y'atsoowe: —Jä mutujk jä pawanen juu t'nimëjep yëwe juu waamp: Amotenaxe, mits Israel jayeta: jä Wintsën Kunuukxtee jäwe tyujke juu tniwintsenep. Mtsojkep jä Wintsën Kunuukxtee tujk'aa tujk'joot, tujkëye mëët jä mjaawen, nijum mëët mits jä winmayen jäts nijum mëët mits jä mawen. Jä juu mumäjtsk: Tsojke jä mugujk tsoj mits mnatsyeke. Nitujka we'en tka'nimëja jä pawanen we'en i'xun yëë mäjtsk.

Wa'nit jä Jesús tyaxmujk jä y'ixpëjkpata, jäts yajknïmyete: —Tïwa ëts nwa'any yëë ku'eek'tex juu ayoop oy yëë muniyujk jä yex tpïm katy yëë wiink jayeta; nijum yëë jayeta tpëmta jä yex juu twintane, jäts yëë te'extëjk, ayoop kutujkp, jäts nijum jä myeen tum pëmkëxne juu jaxip yajktujuukyep.

Jä Jesús jäm wye'na tsyïna jä apëjken winkujk juma jä yex tpëmta, jäts t'ijx tsoj jä jayeta tpëmta jä myeen jäm apëjken jootm. Jä kumeen jayeta may jä myeen tpëmta. Wa'nit jya'y tujk jä ku'eek'tex ayoop, jäts tpïm jäm apëjken jootm mäjtsk jä pïjk puxen meen, ka tsyow niyuka.

Jäts jä Kunuukxtee xtsojket tujk'aa tujk'joot, nijum jä winmayen jäm xpëmet jäts nawye'en nijum jä mawen, jäts xtsojket jä mugujk tsoj mits mnatsyeke, jä tnimëjep katy jä tënejk nïpen juu yajktuntep tuwintsejken jäts tyajktoyta tënejk tsuts jäm juma jä tuwintsejken tpëmta.

Wa'nit jä Jesús nyëmxete: —Moota jä yajkutujkpa juuwe'e jä yajkutujkpa jyee, jäts jä Kunuukxtee xmootat juuwe'e jä Kunuukxte jyeep. Jäts atïwa ojts tya'anta tsoj yajk'atsoowte.