آیات محبوب کتاب مقدس از San Marcos 13

به اشتراک گذاشتن

Nijum jä jayeta juu yaja naaxwin ka' mtsojketat ëts n'ayuuk këx; pen pën tmutenyep tsoj jyatet kupätet kut paatet jä ijt këx, jäwe nitsooken tpaatep.

Paaty miitsta, mnaajk'ijtetat jot'juuky jäts mnay'ix'ijtetap, paaty ku ka' miits xnijaweta jun'ijt we'en jyatet.

Ka miits xwinmayta tsoj nwa'antat ku wye'na myajknëjkxeta jäm jä yajkutujkpa winkujkmta. Jä miits mkotstap tsoj jä Kunuukxtee jä ayuuk mojetat, ka' miits'tsap mkotstap, jä Kunuukx poj jäwe kotsep.

Yëë tsap yëë naax wintoke këxep yëë nijum, jäts ëts yëë kyets n'ayuuk ka' yëë wenye tyanet nijum yëë kyutyunkëxet.

Nipëna tkanijawa ti xëë, we'en jyatet, nijä ángelesta juu jäm tsapjootm, nijä y'unejka. Tukam jä Kunuukxtee tnijawa jun'ijt.

Ku miits x'amotenaxtat jä atsu'ux tyuune kyetse muxem muyam, ka' miits mtsejketat. We'n jayïp tyunet kyotset, kanem wye'na, tpaaty jä ijt këx.

Jot'juujk miits mnaajk'itetat, ka' miits xnijaweta jun'ijt jäwe jyeyat jä kutëjk, tsuu'an, ook tsuum kots, ook tsee yaaxp ook jat'kan; ook tunjäye jyeyat jäts miits myajk paatat maap. Juu miits nwanyetep nawye'en nijum yëë jayeta nëmeta: Jot'juujk mnaajk'ijtetat.

Jäts nyanipëketat jatujk ijta jatujk naaxta jäts nawye'enta jä mëj kajpënta mëët jatujk jä mëj kajpen y'atsu'ux tuntat; jäts nëjkx jä ijt naaxwin y'ujxaa muxem muyam, jäts nëjkx ijt jä jyuu jä xëë. Jä wye'na we'en tsoonkep jä tsatsyipaaten.

Kanem tyuune wye'na jä ijt këx, jayïp yëë naaxwinete jayeta tnijawekäxtat jä oy kets oy ayuuk.

Nimay jä jayeta mintat jyeyetat juu wa'antap ëts jäwe. Wya'antat: Ëts jäwe jä Mesías, jäts may jä jayeta nëjkx yajkwin'ëënta.

Mnay'ix'ijtetap oy miits këmta; jäm miitsta nëjkx myajk këë yajkta juma jä kutuunkta jäts jäm nëjkx myajktsijtat myajkwopta ixpëjken tëjk jootm. Jäts myajknëjkxetat jäm juma jä mëj yajk'kutujkpa winkujkmta ëts n'ayuuk këx we'en mjatat; jäts we'en nëjkx xyajknikäxta jä winkujkmta tsoj ëts jä n'ayuuk.

May jä jayeta nëjkx jyayeta jäts wyantat ëts jä jäwe Mesías jäts wya'antat jäts jä jäwe jä Kunuukxte kyukexepa; jäts nawye'en tuunet jä nikäxen i'xun jä Jesús tuun, we'en wintsoj jä jayeta yajkwin'ëëntat, jäts nawye'en juu, jä Kunuukxtee twinken.

Ku wye'en nëjkx jyaty, të wye'ena jä tsatsyipaaten nyax, wa'nit yëë xëë nëjkx pijts'ne, nawye'en yëë poo ka' nëjkx y'ujk kunojk'ne, yëë maatsata nëjkx yëë kistëjkë'këxta jäm tsaapwim jäts nawye'en jäm tsapjootm mëjk nëjkx ijt jä atsujx yajkxon yajkxit'yoywan.