آیات محبوب کتاب مقدس از ଯୋହାନ୍ 1

به اشتراک گذاشتن

ଲେକିନ୍ ଯେତ୍‌କର୍ ଆସିନ୍ ଗ୍ରହନ୍ କାମ୍‌ଚାର୍, ଆରୁ ଆସ୍‌କି ମିଆଁ ବିଶ୍ଵାସ୍ କାମ୍‌ଚାର୍, ଆସ୍ ଆବ୍ଡ଼ା ଜାମାରିନ୍ ପାର୍‌ମେଶ୍ଵାର୍‌ସ୍‌କି ହାଦ୍ଦୁ ମାନାଗେ ହକ୍ ଚିଚ୍ଚାସ୍।

ଦୁନିଆଁ ଆରୁ ଆକାଶ୍‌ଘି ସୁରୁ ମାନ୍ନାଘି ପହ୍‌ଲେନ୍ତିନିନ୍ ବଚନ୍ ରାଚା। ଆରୁ ବଚନ୍‌ଦ୍ ପାର୍‌ମେଶ୍ଵାର୍‌ସ୍‌ଗାନେ ରାଚା, ଆରୁ ଆ ବଚନ୍ ପାର୍‌ମେଶ୍ୱାର୍‌ସ୍ ରାଚାସ୍।

ଆ ବିଲ୍ଲୀଦ୍ ଉହାନୁ ବିଲ୍‌ଚିଦ୍ ଆରୁ ଉହାଦ୍ ଆବନ୍ ତେବା ପଲ୍ଲିୟାଦିନ୍।

ଆରୁ ଆ ବଚନ୍‌ଦ୍ ମୁନୁଷ୍‌ଘି ରୂପ୍ ହୋଇକିରି ଜନମ୍ ଅଚ୍ଚା; ଆରୁ ନାହ୍ମା ମାଝାନୁ ରାଚା। ଆଦ୍ କ୍ରିପା ଆରୁ ସତ୍ତୁତି ଭାର୍‌ପୁର୍ ରାଚା। ଆରୁ ଏହ୍ମାଏ ବାଙ୍ଗ୍‌ସ୍‌କି ଅଣ୍ଟା ଖାଲି ହାଦ୍ଦୁସ୍ କେତ୍‌କ ମାହାନ୍‌ସ୍, ଆ ମାହାନ୍‌ତାବନ୍ ଏମ୍ ଏର୍‌କାମ୍।

ଆରୁ ଇ ବଚନ୍‌ନ୍ତିନ୍‌ନିନ୍ ପାର୍‌ମେଶ୍ୱାର୍‌ସ୍ ଜାମାକିଛି ବଚନ୍‌ଘି ଦ୍ୱାର୍‌ନୁ ବାନାବାଚାସ୍, ଆରୁ ସତ୍ତୁନିନ୍ ପାର୍‌ମେଶ୍ୱାର୍‌ସ୍ ଜାମାକିଛି ବଚନ୍‌ଘି ଦ୍ୱାର୍‌ନୁନିନ୍ ବାନାବାଚାସ୍। ଆରୁ ଯେତ୍‌କ ବାନାବା କେରା, ଆ ଜାମାନ୍ ଆଦ୍ ଜୀବନ୍ ଚିଇଦ୍। ଆରୁ ବଚନ୍ ଜାମାର୍‌ଗେ ଜୀବନ୍ ଚିନାବାଲାସ୍, ଜାମା ଆଲାର୍‌ଘି ବିଲ୍ଲୀସ୍।

ନାନ୍ନୁ ଉଲ୍ଲା ଯୋହାନ୍‌ସ୍ ଯୀଶୁସିନ୍ ତାଙ୍ଘା ଚାହାଗେ ବାର୍‌ନାନ୍ ଏରିକିରି ତେଙ୍ଗିୟାସ୍, “ଏରା, ଇସ୍ ପାର୍‌ମେଶ୍ୱାର୍‌ସ୍‌କି ଚିଚ୍‌କା ଗାଡ୍‌ରା ହାଦ୍ଦୁ, ଏକାସ୍ କା ଦୁନିଆଁନ୍ତା ଆଲାର୍‌ଘି ପାପ୍‌ବନ୍ ଛେମା କାମ୍‌ଦାସ୍।

ଆ ବଚନ୍‌ଦ୍ ଇ ଦୁନିଆଁନୁନିନ୍ ରାଚା, ଆରୁ ଆଦ୍‌ଘି ଦ୍ୱାର୍‌ନୁ ଦୁନିଆଁନ୍ତା ଜାମାକିଛି ସିର୍‌ଜା କେର୍‌କିଚି, ହାଲେହି ଦୁନିଆଁନ୍ତା ଆଲାର୍ ଆବନ୍ ମା ଚିହ୍ନଚାର୍। ଆସ୍ ତାଙ୍ଘା ଆଲାର୍‌ଘି ଚାହାଗେ ବାର୍‌ଚାସ୍ ଲେକିନ୍ ତାଙ୍ଘା ନିଜର୍ ୟାହୁଦୀ ଆଲାର୍ ଆସିନ୍ ମା ମାନ୍‌ଚାର୍।

ଆ ସତ୍ତୁ ବିଲ୍ଲୀଦ୍ ଏକାଦ୍ କା ଜାମା ଆଲାର୍‌ଗେ ପାର୍‌ମେଶ୍ୱାର୍‌ସ୍‌କି ବାରେନୁ ଜାନ୍‌କାରି ଚିଇଦ୍, ଦୁନିଆଁନୁ ବାର୍‌ନାବାଲା ରାଚା।

ପାର୍‌ମେଶ୍ୱାର୍‌ସ୍ ମୁଶାସ୍‌କି ଦ୍ୱାର୍‌ନୁ ନିୟମ୍ ଚିଚ୍ଚକାଦାସ୍ ଲେକିନ୍ ଯୀଶୁ ଖ୍ରୀସ୍ତ୍‌କି ଦ୍ୱାର୍‌ନୁ ପାର୍‌ମେଶ୍ୱାର୍‌ସ୍ ନାହ୍ମା ମିଆଁ କ୍ରିପା କାମ୍‌ଚାସ୍ ଆରୁ ନିଜର୍ ବାରେନୁ ସତ୍ତୁବନ୍ ତେଙ୍ଗିୟାସ୍।