آیات محبوب کتاب مقدس از Maatiusiup Aglangit 10

به اشتراک گذاشتن

“Takugit siipititut tilivassi amaruit akurngannut; taimaimmat quglugiatitut ujjiqsutiarissi, tuuvititullu piqunniqtigilusi.

Inuusirminik annirusuktuq, inuusirminik asiujijumaaqpuq; inuusirminigli annirusunngittuq uvanga pillunga, taanna inuusirminik nagvaarumaaqpuq.”

Sivuuraginiarasigik timimik tuqutsijut tarnirmigli tuqutsijunnanngittut; sivuuragisiugli, tamainnik asiruijunnaqtuq timimik tarnirmiglu ikumarjuarmi.

Nalliat sanningajuliksaminik naksanngittuq maligluni uvannik, taanna uvannut ilagijaujunnanngilaq.

“Kinatuinnaq inungnut uqausiqaqpat uvannik, uvangattauq taimaatsainnaq uqausirilaaqpara Ataatannut qilangmiittumut. Kinatuinnarli inungnut uqausiqanngippat uvannik, uvangattauq uqausirilaanngivara Ataatannut qilangmiittumut.”

Qanimajut aaqqiksigik, tuqungajullu uummaqtillugit, sivuuragijaujuniglu paqtiqtut paqtirunniiqtisigik, anirnirluillu inungnit anitillugit. Akiqanngittumik tunisiviugassi akiqanngittumiktauq tunisiuk.

Taimaimmat sivuuraniarasi; qupanuanit unuqtunit pillariuniqsammarialuugassi!”

“Isumaniarasi inuuqatigiitsialiqtitsijaqturasugilunga nunarjuarmut; inuuqatigiitsialiqtitsijaqtunngilanga, savigjuarmigli pititsivunga.