آیات محبوب کتاب مقدس از मत्ती 19

به اشتراک گذاشتن

यीशु तैन्हांं धेरै हैरी करि बौलु, “मैहणुवां केरै तेईनी ता ऐ मुशिकल आ पण परमेश्वर सभ किछ करि सकता।”

ऐठणीरै तेईनी सै अबै दो ना, पण अक शरीर अत्तै, “ऐठणीरै तेईनी जै परमेश्वरै अक-साथ जौड़ोरै अत्तै, तैन्हांं कौ बि मैहणु अलग ना करिया।”

यीशु जुबाव दिता, “क्या तुहैं पवित्र शास्त्रा मझ पढ़ोरू ना, कि संसार बणांणै बाऐ शुरू किना मड़द जां जनानि बंणाय जां बौलु; ऐनि कारणै मैहणु अपड़ै मयि बबा किना अलग भौ करि अपड़ि लाड़ी सिंउ रीहला जां सै दोईयो शरीर अक भूंणै?”

यीशु बौलु, “छोकरूवा मूं किनि ऐईंणा देया, तेन्हांनि नमां मेईं करा, केईनी कि स्वर्गेरा राज्य ऐन्हां जेतिया मैहणुवां केरा आ।”

पण बड़ै सारै जै अपड़ै आपानि खास समझतै अबै सै खास ना रींहणै; जां जै खास ना समझियूंतै सै ऐईंणै बाऐ टैंमा मझ बड़ै खास भौ गांहणै।

जां जेनि मिंडै तेईनी अपड़ु घर-बार, भा-भींण या माँ-बब या छोकरू, जमीन छडि दितोरी आ, तेसनी शाउ गुणा मेईंणु, जां परमेश्वरा सैक्या अनन्त जीवनैरा वारिस बंणाणा।

यीशु तैस सिंउ बौलु, “अगर तु सिद्ध भूंणा चांहथा, ता गा, अपड़ु सभ-किछ बैचि करि गरीब मैहणुवंनी दै; जां ताउनि स्वर्गा मझ धन मेईंणा, जां अईछी करि मिंडा चैला बंण।”

यीशु तैस सेईतै बौलु, तु मूं किना अच्छै कंमा केरै बारै मझ केईनी आ पुछता? केईनी कि परमेश्वरा छडि करि होरू किछ बि अच्छु ना; पण अगर तु अनन्त जीवना मझ प्रवेश कांना चांहथा, ता तु आज्ञाईया केरा पालन करियां कर।

हाँ! आंउ तुहां सिंउ सच बोलता, कि जिहीं ऊंटैरू सुईरै भौकै बत्तै निकूंणु मुशिकल आ तिहियें अमीर मैहणुरू परमेश्वरेरै राज्य मझ गांहणु बि त्यौतुवै मुशिकल आ।

जां आंउ तुहां सिंउ बोलता, कि जै कोई व्यभिचारा छडि करि कोसक्यै होरी गलेरी वजहि ला अपड़ि लाड़ी छडि करि होरी सेईतै ब्याह काता ता सै व्यभिचार काता, जां जै तैस छडोरी सिंउ ब्याह काता सै बि व्‍यभिचार काता।”

तां यीशु अपड़ा चैला सिंउ बौलु, “आंउ तुहां सिंउ सच बोलता, कि अमीर मैहणुरा परमेश्वरेरै राज्य मझ गांहणु बड़ु मुश्किल आ।”