آیات محبوب کتاب مقدس از Diarhebion 10

Bendith yr ARGLWYDD sy’n cyfoethogi bywyd, dydy ymdrech ddynol yn ychwanegu dim ato.

Mae siarad gormod yn siŵr o dramgwyddo rhywun; mae’r person call yn brathu ei dafod.

Mae casineb yn codi twrw, ond mae cariad yn cuddio pob bai.

Mae diogi yn arwain i dlodi, ond gwaith caled yn ennill cyfoeth.

Mae derbyn cyngor yn arwain i fywyd, ond gwrthod gwrando ar gerydd yn arwain ar gyfeiliorn.

Mae’r un sy’n byw yn onest yn byw’n ddibryder, ond bydd y gwir yn dod i’r golwg am yr un sy’n twyllo.

Mae parchu’r ARGLWYDD yn rhoi bywyd hir i chi, ond mae blynyddoedd y rhai drwg yn cael eu byrhau.

Dydy’r ARGLWYDD ddim yn gadael i rywun cyfiawn lwgu, ond mae’n rhwystro’r rhai drwg rhag cael beth maen nhw eisiau.

Fydd dim sôn am bobl ddrwg pan fydd y corwynt wedi mynd heibio, ond mae sylfeini’r rhai sy’n byw’n iawn yn aros yn gadarn.