آیات محبوب کتاب مقدس از Diarhebion 11

Mae’r bobl sy’n fendith i eraill yn llwyddo, a’r rhai sy’n rhoi dŵr i eraill yn cael eu diwallu.

Mae un yn rhoi yn hael, ac yn ennill mwy o gyfoeth, ac un arall yn grintachlyd, ac ar ei golled.

Mae snobyddiaeth yn arwain at gywilydd; pobl wylaidd ydy’r rhai doeth.

Heb arweiniad clir mae gwlad yn methu; mae llwyddiant yn dod gyda digon o gyngor doeth.

Mae byw yn iawn yn dwyn ffrwyth, fel coeden sy’n rhoi bywyd; ond mae trais yn lladd pobl.

Mae’r un sy’n hel clecs yn bradychu cyfrinach, ond mae ffrind go iawn yn cadw cyfrinach.

Mae person caredig yn gwneud lles iddo’i hun, a rhywun sy’n greulon yn achosi trwbwl iddo’i hun.

Bydd rhywun sy’n dibynnu ar ei gyfoeth yn syrthio, ond y rhai sy’n byw yn iawn yn blodeuo.

Fydd cyfoeth yn dda i ddim ar ddydd y farn, ond mae byw yn iawn yn achub bywyd.

Mae gonestrwydd yn arwain y rhai sy’n gwneud beth sy’n iawn, ond mae twyll yn dinistrio’r rhai sy’n twyllo.

Mae gwraig hardd heb sens fel modrwy aur yn nhrwyn hwch.

Mae’n gas gan yr ARGLWYDD glorian dwyllodrus, ond mae defnyddio pwysau cywir wrth ei fodd.