آیات محبوب کتاب مقدس از Nugana 15

به اشتراک گذاشتن

Ta Ieoba ‘i iarena; ta ‘ena i ‘inanena ‘aene bubuna paruparuna.

Iage getedi si gumwara ga Ieoba ‘ina ona Aberamo ‘ena ‘i mai madawarega, ‘i gwae, Aberamo, gea‘abo u ‘atesa‘ara: ‘Abo‘agu ‘imu lawa, ta ‘amu e‘isa tosinabwasana.

Ta i ‘au‘ewa apwesena, ta ‘i gwae, Garewa ‘ena ‘u da ‘ita, ta kwadima ‘u da sawedi, ‘abo ‘u ewaiwai be ‘u sawedi: ta ‘i eonena, Gote nadigega tubumuao.

Ta, wa ‘ita, Ieoba ‘ina ona ‘ena ‘i mai, ‘i gwae, Tai gete gea‘abo ‘imu gwegwe ‘ana to‘ewa; ta tauna tauio diamuiega ‘i da apwesama tauna ‘i da e ‘imu gwegwe ‘ana to‘ewa.

Ta Aberamo ‘ena ‘i ona, ‘U da mwaratoni ‘ai‘aila tubumuao si da eto‘u‘umara ‘asa nigea ‘idi ‘asa ‘enaia, ta ‘edia si da guinua; ta si da giedeededonidi ga iakwara ‘e poa anaredi

Ta Aberamo ‘i gwae, ‘Inapwana Ieoba ie, to‘ase ‘u da ‘ebwaegu, ‘abo‘agu ia da logara ta nigea natugumo ta ‘enega, ta tauna ‘igu susu tonina Dameseko Eliesa?

Asiata gote ‘enega Ieoba ona‘upa‘upa ‘i bubuna Aberamo ma‘ieana, ‘i gwae, Tubumuao ‘edia ‘asa gete ia ‘ebwaedi, boasi ‘awana Aigupito ‘enega ga boasi ‘awana sinabwana, boasi ‘awana Euperatesa

Ta ‘epata‐tomota ‘e atana ‘enega si da ‘ila limanama: me Amori ‘idi bubuna geiogeioi nigea gete ‘i maa ta ‘enega.