آیات محبوب کتاب مقدس از Jean 6

به اشتراک گذاشتن

Jesus amabatsingula rie: Menu la mapa mamonyu. Jandi oyiruyi ombu gami agogulu nsala, via! Jandi oyipayili yitu agogulu puila, via!

La Yinyunyi yiNsambi oyiveyi monyu; musonyi ugaa na tsongu. Mambu ama nyimadutsingula mavu maYinyunyi na mamonyu.

Duyasala yika udila biguji abiboli tumba salanu wandi udila abiveyi monyu umutubu. Muana Mutu oduvega bionyi mu mbari amadila musuga ombu Tata.

Nyiina, duganu duTaji ami la dudu rie: Uotsu oyilabi Muana nomuvayila yitu adili monyu umutubu yiri ava yilumbu yinsimunina nyumurambusa.

Jesus amabagabusila rie: Yisalu yiNsambi yivu uvayila agu jandi amasindiga yitu.

Botsu aba Taji epeyi bokota nami na jandi oyiruyi ombu gami ngomusila va gusu kana.

Simon Pierre amamuwivula rie: Ombu nyi tuwenda? Ndeʼ guna mambu mamonyu umutubu.

Menu la mapa mamonyu amamasunduyila o julu. Pa mutu eji mapa meni jandi odila monyu umutubu na mapa ama nyumuvega la musonyi ami agu nyuvega ombu botsu yiri bodila monyu.

Mutu agorungula uruga ombu gami pa Taji omansindiga agemusindiyi na nyumurambusa mu yilumbu yinsimunina.

Mapa amamavegu na Nsambi la jandi oyisunduyili o julu na oyiveyi monyu ombu botsu.

Menu la mapa mamonyu.

Jesus amabonga mapa na amagabusa Nsambi diboti mbana amagabila jogu abamaba batsana; munongu mosi amabavega banyama bamamba te na bamagukuru. Banogukuru Jesus amatsingula badukitsi bandi rie: Bolanu bibuku abitsisialulu yiri vagotsiemuga ne yibuku.

Banoduga kilumetera yiranu vo yisiamunu bamalabila Jesus ukueka ekueki ombu gogu, diwendi rie: ulinga elingi va julu mamba. Botsu bamalaba goma. Tumba Jesus amavosa rie: Agu menu, duyalaba goma!