آیات محبوب کتاب مقدس از ᤗᤠᤶᤍᤡᤰ 16

به اشتراک گذاشتن

ᤜᤧᤰᤁᤩᤠᤱ ᤀᤡᤛᤪᤠᤀᤡᤗᤡᤜᤠ᤹ᤖᤧ ᤂᤧᤱᤜᤠ᤹ ᤔᤧᤔᤧᤳᤋᤢᤛᤡ. “ᤔᤡᤛᤪᤒᤠ ᤛᤠ ᤌᤥ᤺ᤰᤔᤠ ᤂᤵᤐᤩᤠᤜᤠ᤹ ᤁᤒᤪᤡᤱ ᤕᤢᤅᤡᤃᤧᤀᤠᤱ ᤀᤠᤏᤡᤃᤣ ᤁᤢᤈᤠ ᤏᤢ ᤛᤠ ᤆᤠᤶᤒᤧᤒᤠ ᤘᤕᤧᤔᤧᤴ॥ ᤜᤠᤒᤠ ᤂᤧᤴ ᤕᤧᤶᤔᤥ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤜᤢᤰᤁᤥᤗᤠᤶ ᤛᤩᤧ᤹ᤀᤡᤃᤧᤸᤗᤧ ᤏᤢᤒᤠ ᤐᤥ᤺ᤰᤂᤧᤔᤧᤴ॥ ᤁᤖ ᤀᤠᤏᤡᤃᤣ ᤁᤴ ᤁᤧᤖᤧᤰ ᤛᤱᤈᤢᤶᤓᤥᤜᤠ᤹ ᤛᤠᤰᤁᤧᤸᤗᤧ ᤛᤡᤔᤠᤖᤧ ᤗᤠᤃᤡ ᤁᤴ ᤔᤢᤖᤧᤰ ᤂᤠᤖᤧᤰ ᤌᤣᤀᤠᤱ ᤁᤧᤜᤥᤵᤐᤠᤍᤧᤴᤏᤥ ᤕᤠᤵᤔᤡ ᤁᤧᤓᤧᤳᤋᤡᤀᤠᤱ ᤁᤧᤘᤕᤡ॥” ᤕᤜᤘᤣ ᤍᤠᤱᤒᤧᤸᤗᤧ ᤔᤥᤛᤠᤴ ᤔᤧᤳᤋᤢ. “ᤀᤠᤸᤗ ᤀᤠᤱᤃᤠ᤹ ᤂᤡᤏᤡ᤹ ᤁᤧᤖᤧᤰᤗᤧ ᤗᤠᤃᤡ ᤋᤠᤱᤛᤠᤱᤒᤥᤗᤠᤶ ᤆᤠᤔᤠ ᤁᤢᤈᤠ ᤌᤠᤛᤢᤱ ᤐᤡᤏᤡᤱ᤹॥ ᤔᤏᤠᤜᤠ᤹ ᤌᤡᤰᤕᤠ᤺ᤴᤎᤰ ᤔᤧᤒᤣ᤺ᤰᤁᤠᤱ ᤂᤧᤴ ᤕᤧᤴᤏᤡᤸᤗᤧ ᤂᤢᤴᤇᤡ᤹ ᤗᤠᤃᤡ ᤁᤧᤕᤥᤒᤠ ᤁᤢᤈᤠ ᤔᤧᤓᤢᤰᤂᤢᤖ ᤐᤥᤱ᤹॥ ᤀᤰᤂᤣᤗ᤹ᤖᤡᤰ ᤂᤧᤱᤜᤠ᤹ᤖᤧ ᤀᤠᤱᤃᤠ᤹ ᤐᤠ᤺ᤳᤋᤢᤱᤒᤠ ᤐᤠ᤺ᤴᤏᤡᤴ ᤔᤧᤄᤧᤵᤛᤢᤒᤡ ᤔᤣ᤺ᤶᤒᤡ ᤂᤧᤴ ᤀᤥᤔᤧᤳᤋᤢᤱ ᤛᤠ᤹ᤖᤢᤱ᤹॥

ᤂᤧᤒᤩᤠᤱ ᤔᤢᤖᤧᤰ ᤂᤠᤖᤧᤰ ᤌᤣᤀᤠᤱ ᤁᤧᤜᤥᤵᤐᤠᤍᤧᤴᤏᤥ ᤁᤧᤖᤧᤰ ᤛᤱᤈᤢᤶᤓᤥᤜᤠ᤹ ᤔᤏᤧᤔᤧᤎᤡᤰᤋᤧᤀᤠᤱ ᤔᤥᤛᤠᤴ ᤏᤢ ᤜᤠᤖᤢᤏᤧᤴ ᤐᤠᤴ ᤔᤧᤔᤧᤳᤋᤢᤛᤡ॥

ᤂᤧᤴ ᤀᤣᤃᤠᤱ ᤕᤠᤶᤔᤥ ᤔᤥᤛᤠ᤺ᤸᤗᤧ ᤐᤠ᤺ᤳᤋᤢ. “ᤕᤜᤘᤣ ᤍᤠᤱᤒᤧᤸᤗᤧᤀᤣ ᤂᤡᤏᤡ᤹ ᤕᤢ᤺ᤴᤇᤡᤰ ᤛᤠ ᤏᤢ ᤋᤠᤏᤠᤶ ᤂᤡᤏᤡ᤹ ᤆᤠᤜᤠ ᤁᤧᤈᤥᤃᤡᤒᤠ ᤕᤠᤖᤡᤰ ᤂᤖᤧ᤺ᤱ ᤁᤧᤒᤡᤖᤡ᤹ ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ ᤂᤢᤏᤧ᤹ ᤁᤢᤍᤰᤗᤧᤱᤘᤠᤀᤥ ᤛᤠ᤹ᤖᤡᤰ ᤔᤏᤧᤃᤧᤎᤡᤰᤋᤡ. ᤂᤧᤴ ᤂᤢᤏᤧ᤹ ᤂᤧᤵᤛᤢᤀᤠᤱ ᤘᤠ᤹॥ ᤀᤠᤴᤇᤡᤃᤣ ᤋᤰᤗᤧᤱᤘᤠᤀᤥ ᤂᤡᤏᤡ᤹ ᤔᤏᤧᤃᤧᤎᤡᤰᤋᤡᤸᤗᤧ ᤛᤧᤰᤂᤠ᤺ᤸᤗᤧ ᤂᤡᤏᤡ᤹ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤍᤰᤗᤧᤱᤘᤠᤀᤥ ᤔᤏᤧᤃᤧᤎᤡᤰᤋᤡᤒᤠ ᤐᤥᤱ᤹॥”

“ᤀᤠᤱᤃᤠ᤹ ᤀᤡᤛᤪᤠᤀᤡᤗᤡᤜᤠ᤹ ᤔᤏᤧᤔᤧᤎᤡᤰᤋᤧᤒᤠᤴ ᤂᤧᤵᤛᤢᤱ. ᤂᤧᤱᤜᤠ᤹ ᤔᤧᤳᤋᤧᤛᤧ᤹. ‘ᤕᤢ᤺ᤴᤇᤡᤰ ᤆᤠᤔᤠᤖᤧ ᤗᤠᤃᤡ ᤛᤠ ᤁᤧᤈᤠᤶ᤹. ᤜᤧᤰᤁᤩᤠᤱ ᤋᤠᤏᤠᤶ ᤂᤖᤧ᤺ᤱᤅᤡᤸᤗᤧ ᤁᤧᤄᤠᤛᤡ᤹॥ ᤂᤧᤒᤩᤠᤱ ᤀᤠᤱᤃᤠ᤹ᤀᤣ ᤕᤜᤘᤣ ᤍᤠᤱᤒᤠ ᤂᤡᤏᤡ᤹ ᤏᤡᤱᤘᤠ᤹ᤑᤢᤔᤠᤱᤀᤠ ᤑᤠ᤹ᤀᤠᤱ ᤁᤢᤛᤡᤱ ᤁᤧᤏᤡ᤺ᤳᤋᤢᤶ᤹॥’”