آیات محبوب کتاب مقدس از ᤗᤠᤶᤍᤡᤰ 23

به اشتراک گذاشتن

ᤕᤜᤘᤣ ᤍᤠᤱᤒᤠ ᤂᤡᤏᤡ᤹ ᤀᤠᤒᤠᤅᤣ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤔᤠᤱᤛᤧᤘᤠ ᤔᤧᤳᤋᤧᤶᤔᤧ᤹. ᤜᤧᤰᤁᤩᤠᤱ ᤂᤢᤏᤧ᤹ ᤂᤡᤏᤡ᤹ ᤐᤥᤃᤢᤃᤧᤴ ᤆᤠᤔᤠ ᤁᤢᤈᤠ ᤏᤢ ᤆᤫᤠ᤺ᤳᤋᤥ ᤜᤠᤱᤘᤠᤃᤧᤴ ᤔᤢ᤹ᤀᤡᤛᤠᤶ ᤌᤠᤛᤢ ᤁᤧᤒᤡᤖᤡ᤹॥ ᤀᤠᤱᤃᤠ᤹ ᤂᤡᤏᤡ᤹ᤗᤢᤶᤔᤥᤗᤠᤶ ᤋᤢᤰᤔᤠ ᤗᤠ᤺ᤰᤔᤠᤜᤠ᤹ ᤂᤧᤳᤋᤢᤱᤍᤣᤛᤢᤱ ᤐᤡᤏᤡᤱ᤹॥ ᤂᤡᤏᤡ᤹ ᤗᤠᤈᤣ᤹ᤀᤥ ᤀᤠᤳᤋᤡᤴ ᤔᤧᤴᤇᤢᤔᤠᤜᤠ᤹ᤀᤠᤱ ᤁᤢᤛ᤻ᤛᤠ ᤁᤧᤗᤧᤶᤔᤠ ᤏᤢ ᤛᤠᤔᤧᤱᤃᤵᤔᤏᤠᤔᤠ ᤔᤧᤶᤒᤥᤱᤏᤧᤴ॥ ᤀᤠᤱᤃᤠ᤹ ᤂᤡᤏᤡ᤹ ᤌᤠ᤺ᤰ ᤆᤠ᤹ᤖ ᤆᤥᤃᤢᤱ ᤐᤡᤏᤡᤱ᤹॥

“ᤀᤥᤔᤧᤳᤋᤧᤶᤔᤧ᤹. ᤗᤠᤶᤔᤥ ᤂᤡᤏᤡ᤹ ᤁᤶᤒᤪᤠᤱ ᤔᤧᤵᤔᤠᤖᤧ ᤗᤠᤃᤡ ᤏᤢ ᤀᤠᤱᤃᤠ᤹ ᤕᤠᤖᤡᤵ ᤆᤥᤃᤢᤱᤒᤠ ᤋᤧᤴᤏᤥ ᤂᤡᤏᤡ᤹ ᤁᤧᤵᤔᤠᤖᤧ ᤗᤠᤃᤡ ᤀᤠᤱᤃᤠ᤹ ᤗᤳᤇᤠ ᤔᤠᤱᤗᤠᤀᤡᤱᤒᤠᤎᤡᤰ ᤂᤡᤏᤡ᤹ ᤋᤃᤡ ᤋᤃᤡ ᤐᤠᤱᤄᤢᤱ᤹॥

ᤂᤧᤸᤗᤧ ᤁᤢᤒᤠ᤺ᤴᤏᤡᤴ ᤂᤡᤏᤡ᤹ ᤁᤧᤄᤧᤵᤛᤢᤶ᤹. ᤜᤧᤰᤁᤩᤠᤱ ᤀᤠᤱᤃᤠ᤹ ᤐᤠ᤺ᤳᤋᤢᤱᤒᤠ ᤁᤧᤖᤧᤰ ᤐᤠ᤺ᤴᤜᤠ᤹ ᤁᤧᤈᤥᤃᤢᤶᤏᤧᤓᤃᤪ. ᤀᤠᤱᤃᤠ᤹ ᤂᤡᤏᤡ᤹ ᤏᤡᤱᤔᤡᤜᤠ᤹ᤖᤧ ᤂᤢᤴᤇᤡ᤹ ᤏᤡᤱᤔᤡ ᤐᤥᤱᤅᤠ ᤜᤧᤰᤁᤩᤠᤱ ᤂᤡᤏᤡ᤹ ᤁᤧᤀᤵᤐᤠᤜᤠ᤹ ᤀᤳᤋᤢᤱᤛᤡᤱ᤹॥

“ᤑᤧᤴᤕᤠ᤺ᤶᤒᤰ ᤆᤥ᤺ᤰᤔᤠᤖᤧ ᤗᤠᤃᤡ ᤕᤖᤡᤰ ᤔᤏᤠᤜᤠ᤹ ᤗᤧᤵᤔᤠᤱ ᤔᤧᤒᤳᤇᤧᤶᤔᤡᤴᤏᤧ᤹॥ ᤋᤢ᤺ᤴᤍᤣ᤹ᤀᤥ ᤜᤕᤱ ᤁᤡᤸᤗᤡᤱ ᤐᤡᤛᤠᤱ ᤋᤥ᤺ᤴᤍᤡ ᤔᤧᤒᤡᤖᤧᤶᤔᤡᤴᤏᤧ᤹ᤀᤠᤱ ᤁᤢᤍᤥ᤺ᤵᤔᤠ ᤂᤠᤛᤧᤴᤏᤡᤴ ᤑᤧᤳᤔᤧᤗᤠ᤺ᤴᤍᤧᤶᤔᤡᤴᤏᤧ᤹॥ ᤕᤠᤱᤃᤧᤛᤠ᤹ᤒᤠ ᤑᤠ᤹ᤀᤠᤱ ᤋᤢ᤺ᤴᤍᤣ᤹ᤀᤥ ᤂᤢᤏᤧ᤹ ᤗᤧᤵᤔᤠᤱ ᤔᤧᤒᤳᤇᤧᤶᤔᤡᤴᤏᤧ᤹॥

“ᤔᤧᤴᤘᤠ᤹ᤔᤏᤠᤒᤠ ᤐᤠᤴ ᤔᤧᤀᤡᤱᤛᤠᤶᤔᤡᤴᤏᤧ᤹ ᤜᤧᤰᤁᤩᤠᤱ ᤑᤧᤴᤕᤠ᤺ᤶᤒᤰ ᤁᤧᤈᤥ᤺ᤰᤐᤠ ᤔᤏᤠᤴ ᤑᤠ᤹ᤔᤠᤖᤧ ᤗᤠᤃᤡ ᤀᤡᤱᤗᤧᤰᤐᤠ ᤛᤠ᤺ᤰᤂᤡ ᤔᤧᤒᤡᤖᤧᤶᤔᤡᤴᤏᤧ᤹॥